Academia Francesa de les Ciencies

Academia Francesa de les Ciencies
	academia de ciencies, academia nacional y archivu
Llocalización
Sede	París
Direición	Francia
Coordenaes	48°51′27″N 2°20′13″E / 48.8574°N 2.337°E
	Academia Francesa de les Ciencies Academia Francesa de les Ciencies (Francia)
Forma xurídica	establecimiento público nacional de carácter administrativo (es)
Historia
Fundación	22 avientu 1666
Fundador	Jean-Baptiste Colbert
Organigrama
Presidente	Alain Fischer (2023)
Sector
Industria	administración pública (supervisión) de servicios sanitarios, de formación, culturales y sociales, distintos de la seguridad social (es)
Participación empresarial
Propietariu de	ver Premio Poncelet (es) ; Vigne de Louis Pasteur (en) ;
Forma parte de	ver Comisión de Investigaciones Espaciales (es) ; InterAcademy Partnership (en) ; Consejo Científico Internacional (es) ;
Bolsa de valores	Instituto de Francia (es)
	Web oficial

L'Academia de Ciencies de Francia (en francés, Académie des sciences) ye la institución francesa que: «Anima y protexe l'espíritu de la investigación, y contribúi al progresu de les ciencies y aplicaciones». Creada en 1666, mientres el reináu de Lluis XIV sol patrociniu del so primer ministru Jean-Baptiste Colbert, cuntó primeramente con científicos como René Descartes, Blaise Pascal y Pierre de Fermat. Trátase d'una de los cinco academies franceses que constitúin l'actual Institutu de Francia.

Foi la primer institución qu'adoptó'l sistema métricu decimal como sistema universal.

Historia

Lluis XIV na Academia en 1671.

L'Academia de ciencies debe'l so orixe al proyeutu de Colbert de crear una academia xeneral. Inscríbese igualmente na llinia de diversos círculos de sabios que s'axunten nel sieglu XVII, alredor d'un mecenes o d'una personalidá erudita. Colbert escueye un pequeñu grupu de sabios que se rexunten el 22 d'avientu de 1666 na biblioteca del rei, y ellí tienen sesiones de trabayu. Los trenta primeros años d'esistencia de l'Academia fueron relativamente informales, la nueva institución nun recibiera estatus.^[1]

Páxina oficial de l'Academia

El 20 d'abril de 1699, Lluis XIV da a la Academia Real de Ciencies el so primer reglamentu: compuesta nun principiu por 70 miembros, l'Academia recibe'l títulu de real ya instálase nel Louvre.

Mientres el sieglu XVIII contribúi al movimientu científicu del so tiempu per mediu de les sos publicaciones, y xuega un rol d'asesor pal poder. El 8 d'agostu de 1793, la Convención suprime toles academies. Dos años más tarde, el 22 d'agostu de 1795, foi creáu nel so llugar un Institutu Nacional de Ciencies y Artes» reagrupando les antigües academies científiques, lliteraries y artístiques. La primer clase del Institutu de Ciencies Físiques y Matemátiques» foi la más numberosa, con 66 miembros de 144.

En 1816, l'Academia de Ciencies recupera la so autonomía participando nel Institutu de Francia. El xefe d'Estáu ye'l so proteutor. En 1835, so la influyencia de François Arago, fueron creaes les Cuentes rindíes de l'Academia de les Ciencies», que vuelve ser un preséu de primera importancia pal espardimientu de trabayos de científicos franceses y estranxeros.

Fines

Pa entender correutamente los oxetivos, l'estatus y la forma de trabayar de l'Academia, recuéyense equí los artículos 1 al 5 del so reglamentu de funcionamientu:


Artículu 1	L'Academia de les ciencies del Institutu de Francia axunta a sabios franceses y acomuña a sabios estranxeros escoyíos, los unos y los otros, ente los más eminentes.
Artículu 2	Anima y protexe l'espíritu de la investigación, y contribúi al progresu de les ciencies y de les sos aplicaciones. Vela pola calidá de la enseñanza y obra por que les meyores del desarrollu científicu sían integraos na cultura de los homes del nuesu tiempu. Ye sollerte al caltenimientu del rol y de la calidá del llinguaxe científicu francés.
Artículu 3	L'Academia de ciencies participa na vida científica y apurrir el so sofitu: pola publicación rápida, nes series científiques de les sos Comptes rendus, de curties notes escoyíes y controlaes qu'anuncien per primer vegada un resultáu significativa. Pola presentación, notablemente per mediu de sesiones públiques, de los sos trabayos orixinales o d'esposiciones de síntesis. Pola atribución de premios y de subvenciones a los investigadores y autores que xulgue oportunu animar o compensar. Pola puesta en concursu d'investigadores sobre tarrezas daos. Pola organización de coloquios, de preferencia sobre les temes multidisciplinarios, en cooperación o non con otres clases d'institutos o d'otres academies de ciencies. Pol caltenimientu nos archivos de documentos iluminadores de la historia y del progresu del pensamientu científicu, pudiendo sirvir pa establecer l'anterioridá d'un descubrimientu.
Artículu 4	L'Academia de ciencies contribúi al desarrollu de les rellaciones científiques internacionales y a la representación de la ciencia francesa: Calteniendo contactos con otres comunidaes científiques, gracies a los asociaos estranxeros. Estableciendo rellaciones coles academies de ciencies estranxeres, pudiendo ser traducíes por alcuerdos de cooperaciones y d'intercambios. Asegurando la representación de Francia nes Uniones científiques internacionales nel senu del Conseyu internacional d'uniones científiques, y más xeneralmente, n'otros organismos internacionales, gubernamentales, y esforciándose por llograr a tales efeutos de poder públicu, de medios dignos del nuesu país.
Artículu 5	L'Academia de ciencies fai una reflexón y una vixilancia constantes sobre la organización de la investigación, de la formación de la investigación y de les enseñances científiques, sobre les aplicaciones de les ciencies, sobre les grandes orientaciones de programes y más xeneralmente sobre toles cuestiones interesantes a la vida científica, pola designación, ente qu'esta seya convidada, de ciertos de los sos miembros encargaos de la representación nos conseyos o nos comités, poles opiniones qu'apurre ante'l pidimientu d'un ministru sobre les nominaciones a grandes cargos, polos estudios que toma de la so propia iniciativa o a pidimientu de poderes públicos nacionales o rexonales, dando llugar a la publicación d'informes eventuales destinaos a un gran espardimientu, pola presentación d'encamientos, de deseos y de suxerencies tocantes a problemes d'interés nacional, faciendo finalmente si ye necesariu de puestes n'aición pa faer valir lo bien fundáu.

Archivos

Unu de los llabores más importantes que realiza l'Academia ye la busca y salvaguarda de los documentos científicos más importantes, por que perduren a lo llargo de la historia y sían accesibles a los científicos que deseyen consultar trabayos y artículos. Ye un grandiosu trabayu de divulgación en favor de la conocencia de la ciencia y el so desarrollu.

L'Academia de les Ciencies tuvo siempres la esmolición de caltener la so memoria, anque tuvo qu'esperar a los años 1880 pa ver constituyise les coleiciones de les que s'arguyez. Guarda les actes orales de les sesiones (les más antigües daten de 1666), numberoses memories, informes, cartes, manuscritos de too tipu, datos bibliográficos de los sos sabios, actes y alderiques de premios, etc.

Conserva tamién los dossieres biográficos que concernen a tolos sabios que pertenecieren a l'Academia dende la so creación, al traviés de manuscritos, documentos iconográficos y documentación. Guarda los dossieres sobre los precios de les coses, qu'apaecieron per vegada primera en 1720.

Tien un depósitu que dexa a los autores garantizar los sos derechos tocantes a l'anterioridá d'un descubrimientu, siendo una idea que se remonta al sieglu XVIII.

Almacena los papeles de los comités y comisiones, creaos na Academia pa estudiar cuestiones científiques o p'asegurar responsabilidaes alministratives; un fondu importante d'archivos personales —siendo unu de los más destacaos el de Lavoisier— que constitúin una fonte de primera importancia pa los historiadores de la ciencia y de la vida político y económico.

Ilustración de Machines et inventions approuvées par l'Academie Royale des Sciences dende Acta Eruditorum, 1737

Los archivos de l'Academia caltienen documentos impresos, como la coleición de « Comptes rendus », creaos en 1835, dixitalizaos pola Biblioteca Nacional de Francia, lo mesmo que de una importante coleición de semeyes, bustos, medayes y medallones, usualmente roblaos por grandes artistes.

Miembros distinguíos

Dalgunu de los miembros más distinguíos d'esta institución fueron: Pierre Simon Laplace, Henri Léon Lebesgue, Joseph Fourier, Simeon Poisson, Jean-Victor Poncelet, Henri Poincaré, Charles Hermite, Émile Borel, Alfred Grandidier, Frederick Sanger, Pedro Vicente Maldonado, A.L.Lavoisier.

Referencies

↑ « L'Académie des sciences doit son origine au projet de Colbert de créer une académie générale. Elle s'inscrit également dans la lignée des divers cercles de savants qui se réunissaient au XVIIe siècle, autour d'un mécène ou d'une personnalité érudite. Colbert choisit un petit groupe de savants qui s'assemblèrent le 22 décembre 1666 dans la bibliothèque du Roi, nouvellement installée rue Vivienne, et y tinrent désormais des séances de travail bihebdomadaires. Les trente premières années d'existence de l'Académie furent relativement informelles, la nouvelle institution n'ayant pas reçu de statuts. »

Enllaces esternos

Academie des Sciences — Páxina oficial de l'Academia (en francés).
Páxina cola llista completa de los miembros de l'Academia (en francés).
Discursu pronunciáu por Condorcet en nome de l'Academia de les ciencies, na Asamblea Nacional francesa, en favor del Sistema Métricu Internacional («Discours à l'Assemblée nationale, au nom de l'Académie des Sciences (12 de xunu de 1790)». Un enllaz pa ser conscientes de la gran importancia de l'Academia na dómina (y anguaño), nel que se ve la intervención de l'Academia na vida política y cómo intenta resolver los problemes que se planteguen na sociedá, y la so puesta en práutica.
Gallica.bnf.fr (buscar: Comptes Rendus). Los Comptes Rendus («Cuentes rindíes de l'Academia de les Ciencies»), un preséu de primera importancia pal espardimientu de trabayos de científicos franceses y estranxeros. Tán disponibles na Biblioteca Nacional.
Comptes rendus de l'Académie des sciences. Série 1, Mathématique en Gallica, la biblioteca dixital de la BnF.

[1] « L'Académie des sciences doit son origine au projet de Colbert de créer une académie générale. Elle s'inscrit également dans la lignée des divers cercles de savants qui se réunissaient au XVIIe siècle, autour d'un mécène ou d'une personnalité érudite. Colbert choisit un petit groupe de savants qui s'assemblèrent le 22 décembre 1666 dans la bibliothèque du Roi, nouvellement installée rue Vivienne, et y tinrent désormais des séances de travail bihebdomadaires. Les trente premières années d'existence de l'Académie furent relativement informelles, la nouvelle institution n'ayant pas reçu de statuts. »

[1]