Arma nuclear
Una arma nuclear ye una arma que xenera una gran cantidá d'enerxía a partir d'una reaición de fisión o de fusión nuclear. Esti tipu d'armes tienen una gran capacidá destructiva, y son les más potentes de les que s'emplegaren enxamás. Anguaño, namái qu'un grupu rellativamente pequeñu de países reconoz que dispón d'elles.
| Arma nuclear | |
|---|---|
dispositivo explosivo (es)  , teunoloxía nuclear y clase funcional de armas (es) | |
|
Armes de destrucción masiva y explosivo nuclear (es) | |
 | |
 |
Dixébrense en dos clases acordies col so mecanismu d'actuación:
- Les denomaes bombes atómiques o bombes A son les qu'utilicen una reaición nuclear de fisión.
- Les denomaes bombes d'hidróxenu o bombes H utilicen una reaición nuclear de fusión y son muncho más potentes que les otres.
Les armes nucleares adopten bien de formatos y puen ser llanzaes dende aviones o per aciu de cohetes y misiles dende somarinos, portaviones, bases militares, etc. Les armes nucleares empléguense como una estratexa de demostración de superioridá y una amenaza, en bas al conceutu de disuasión nuclear.
En tiempu de guerra namái que s'emplegaron en dos ocasiones: N'Hiroshima el 6 d'agostu de 1945 y en Nagasaki trés díes depués. Los tipos de bombes emplegaos foron una bomba d'uraniu y una de plutoniu (les dos yeren bombes A). 120.000 persones morrieron nel intre y el doble por mor de los efeutos a mediu y llargu plazu d'estes armes.
D'entós p'acá, esplotaron unes 2.000 bombes nucleares, bien d'elles como pruebes, per parte de siete estaos: Los Estaos Xuníos, La Xunión Soviética, Francia, El Reinu Xuníu, China, India y Paquistán. Sospéchase de qu'otros países tienen capacidá nuclear, y caltiénenlo en secretu.
Tipos d'armes nucleares
editarLes armes nucleares puen dixebrase acordies col tipu de reaición nuclear que llibera la enerxía de la esplisión o acordies col so diseñu internu. Con too y con eso, toles armes nucleares construyíes hasta agora dependen d'una reaición de fisión pa entamar la lliberación d'enerxía. Polo xeneral, les armes nucleares clasifíquense nes clases que vienen darréu:
Bombes de fisión
editarLes bombes de fisión obtienen la so enerxía dafechu a partir del procesu de fisión d'átomos pesaos, xeneralmente uraniu o plutoniu. Estos átomos tienen isótopos radioautivos i dellos, como l'U-235 y el Pu-239, puen emplegase pa facer bombes atómiques.
El material radioautivu mantiénse separáu en dos nuclios, cadún con una masa inferior a la masa crítica. Nel momentu del españíu, les dos mases socrítiques axúntense formando una masa supercrítica per aciu d'un esplosivu convencional.
Esti tipu d'arma nuclear ye la más cenciella de fabricar y ye'l que va emplegase na primer prueba d'una bomba atómica (prueba Trinity, proyeutu Manhattan) y nes bombes llanzaes sobro Hiroshima y Nagasaki al final de la Segunda Guerra Mundial.
La enerxía lliberada por esti tipu de bombes suel ser d'unes cuantes decenes de kilotones. Esta, vien llimitada pola cantidá de material radioautivu que se pue acumular nes mases socrítiques. La mayor bomba de fisión enxamás llanzada tenía una potencia de 500kt.
Bombes de fisión aumentaes
editarNesti tipu de bombes colócase un poco de deuteriu i de tritiu xunto col material fisionable, al nucliu de la bomba. Les temperatures elevaes producíes pola fisión entamen la fusión d'estos dos isótopos d'hidróxenu. La reaición de fusión produz munchos neutrones d'alta enerxía qu'aceleren el procesu de fisión. D'esta manera una proporción más grande de nuclios pesaos puen fusionase primero de que la fuercia de la esplosión nun separte'l material radioautivu.
Esti métodu pue aportar a doblar la potencia d'una bomba de fisión (por exemplu, una bomba de 20kt pue pasar a ser de 40kt). Con too y con eso, la contribución de la reaición de fusión a esta potencia ye mui pequeña (un 1%). Les bombes de fisión aumentaes son el primer pasu p'algamar una verdadera bomba de fusión atómica.
Bombes de fisión-fusión
editarLes bombes de fisión-fusión obtienen la so enerxía a partir de la fusión d'isótopos pesaos d'hidróxenu, como'l deuteriu y el tritiu conteníos en forma de tritiur, o deuteriur de Litiu. Estos isótopos son inestables, y amás el tritiu tamién ye radioautivu, polo que s'empleguen amestaos col litiu, que, cuando absorben neutrones, produz les reaiciones nucleares y devién tamién en readioautivu, y fina contribuyendo a la esplosión de la bomba.
La reaición de fusión xenérala una reaición de fusión que ye al empar entamada por un esplosivu convencional. Poro, denómense bombes de fisión-fusión, porque nun son quién a algamar les temperatures precises pa xenerar la reaición de fusión ensin una reaición de fisión primero.
Una bomba como esta, qu'obtién la mayor parte de la so enerxía d'una reaición de fusión, denómase una «bomba llimpia», porque dexa rellativamente pocos residuos radioautivos.
Bombes de fisión-fusión-fisión
editarNesti casu, los neutrones producíos poles dos primeres reaiciones producen la fusión d'una capa esterna d'ellementos pesaos.
Esti tipu de bomba, onde gan parte de la enerxía lliberada provién d'una reaición de fisión, denomóse «bomba puerca», pola gran cantidá de residuos radioautivos que dexa. Nun s'ha tracamundiar cola que méntase más abaxo.
Anguaño les «bombes puerques», que nun respuenden al conceutu de bomba nuclear. Son les bombes convencionales que contienen material radioautivu, que queda dixebráu depués de la esplisión. Pue dicise que demientres que les bombes son armes de destrucción masiva, porque destruyen mesmo les vides humanes que les estructures, edificios, máquines, instalaciones, etc; les bombes puerques son armes de destrucción masiva, porque puen producir pocos daños nun entamu, pero fan inhabitable un llugar per bien de tiempu.
Bombes de neutrones
editarLes bombes de neutrones dexen escapar gran cantidá de neutrones producíos por una reaición de fusión. L'enorme poder de penetración de los neutrones destrui cualaquier forma de vida, anque produz pocos daños a les estructures.
Efeutos
editarLa enerxía lliberada nuna esplosión nuclear ye de cuatro tipos,
- Esplosión (onda espansiva y onda térmica), alredor del 40-60% de la enerxía total.
- Radiación térmica, alredor del 30-50% de la enerxía total.
- Radiación ionitzante, alredor del 5% de la enerxía total.
- Radiación residual, alredor del 5-10% de la enerxía total.
Los efeutos de la esplosión y de la radiación térmica son inmediatos y devastadores, y espérase que produzan el mayor númberu de víctimes (85% de los muertos atribuyíos a la bomba d'Hiroshima). Pero los efeutos de la radiación tamién son mui importantes, y puen manifestase nun periodu más llargu y afeutar a la fin a la descendencia de les persones espuestes a estes.
Potencies nucleares
editarSon potencies nuclears declaraes los Estaos Xuníos, Rusia, el Reinu Xuníu, Francia, China, India, y Paquistán. Piénsase qu'Israel tien tamién armes nucleares, anque nun se probare, y refuga espublizar si les tien o non. Esta creyencia inclúi tamién a la República de Sudáfrica, cola qu'Israel desendolcaría conxuntamente'l so programa nuclear.
A lo último,, la República Democrática Popular de Corea (conocida como Corea del Norte) declaróse potencia nuclear, anque nun hai evidencies fiables d'esto. Tamién ta nel puntu de mira'l programa nuclear d'Irán, pues les grandes potencies son escéutiques coles promeses d'usu civil d'esta fonte d'enerxía.
Historia
editarDe 1942 a 1944 un grupu d'aiciones de sabotax, denomaes Batalla de l'agua pesao, feches pol movimientu de resistencia noruegu y los bombardeos de los aliaos algamaron la destrucción de la planta y la pérdida de l'agua pesao producida. Estes aiciones, colos nomes en clave de "Freshman, "Grouse" y "Gunnerside", algamaron aparar la producción de la planta a entamos del 1934 y aparar la investigación nuclear nazi.
Al final de la II Guerra Mundial, el presidente de los EE.XX., Harry Truman, garró'l determín de llanzar dos bombes atómiques en Xapón, que yera l'últimu país que quedaba por rindise.
El 6 d'agostu de 1945 la ciudá d'Hiroshima quedó destruyida nel que foi'l primer bombardéu atómicu de la historia. El 9 d'agostu de 1945 llánzase la segunda bomba atómica na ciudá de Nagasaki. Xapón capitula ensin condiciones. La robla del armisticiu realízase'l 2 de setiembre de 1945 nel acorazáu Missouri.
Amás del llanzamientu d'estes bombes atómiques na II Guerra Mundial, realizáronse, dende 1945 más de 2000 pruebes nucleares en más de 30 llugares. La primer esplosión nuclear de prueba de la historia, van llevala a términu los EEXX a les 17:30h (hora llocal) del 16 de xunetu de 1945 nel desiertu d'Alamogordo nel estáu de Nuevu Méxicu (EEXX). El proyeutu pa la fabricación de la bomba atómica, aprobóse'l 18 de xunu de 1942 pol presidente americanu Franklin Delano Roosevelt col nome de Proyeutu Manhattan.
Na guerra fría el peligru d'un enfrentamientu nuclear ente Estaos Xuníos y la Xunión Soviética condicionaba les rellaciones internacionales. Cuando les rellaciones diplomátiques ameyoren, fírmense estremaos alcuerdos de llimitación de la fuercia nuclear.
Cola fin del réxime soviéticu la tensión va desendolcase n'otros escenarios como Corea del Norte, India y Paquistán o n'Oriente Mediu.
Referencies
editarOMS - Efeutos de la guerra nuclear sobre la salud y los servicios de salud. Ginebra 1981
Referencies
editarEnllaces esternos
editar- La bomba de Palomares Archiváu 2008-05-31 en Wayback Machine
Wikimedia Commons tien conteníu multimedia tocante a Armes nucleares.
Datos: Q12802- Multimedia: Nuclear weapons