Dorothea Lange
Dorothea Lange (26 de mayu de 1895, Hoboken (es) 
– 11 d'ochobre de 1965, San Francisco) foi una influyente fotógrafa documental y fotoperiodista d'Estaos Xuníos, bien conocía polos sos trabayos de la dómina de la Gran Depresión pa la Farm Security Administration (FSA). Les fotografíes de Lange humanizaron les consecuencies de la Depresión y influyeron notablemente nel desarrollu de la fotografía documental.
Dorothea Lange | |
|---|---|
 | |
| Vida | |
| Nacimientu |
Hoboken (es) [1], 26 de mayu de 1895[2] |
| Nacionalidá |
 Estaos Xuníos [3] |
| Grupu étnicu | xermano-norteamericanu |
| Muerte | San Francisco[4], 11 d'ochobre de 1965[5] (70 años) |
| Causa de la muerte | cáncer d'esófagu |
| Familia | |
| Casada con |
Maynard Dixon (1920 – 1935) Paul Schuster Taylor (1935 – 1965) |
| Estudios | |
| Estudios |
Wadleigh High School for Girls (en) Universidá de Columbia (1917 - 1918) : fotografía |
| Llingües falaes |
castellanu[6] inglés |
| Oficiu | periodista, fotoperiodista, fotógrafa, documentalista, artista |
| Llugares de trabayu | Estaos Xuníos y San Francisco |
| Emplegadores |
Administración de Seguridad Agraria (FSA) (es) War Relocation Authority (en) San Francisco Art Institute (en) |
| Trabayos destacaos |
Migrant Mother, Nipomo, California (en) |
| Premios |
ver
|
| Movimientu |
realismo social (es) [9] |
| Xéneru artísticu | semeya |
| IMDb | nm2050873 |
 | |
Primeros años
editarDorothea nació nel somantu d'una familia d'emigrantes alemanes, el 26 de mayu de 1895, poniéndose-y el nome de Dorothea Margaretta Nutzhorn. Eliminó'l so segundu nome y asumió l'apellíu de soltera de so madre depués de que so padre abandonara a la familia cuando ella tenía 12 años, unu de los dos incidentes traumáticos que marcaron la so vida. L'otru foi la enfermedá de la polio que tuvo a los siete años que-y dexó la pierna derecha debilitada y con una coxera permanente.
Carrera
editar
Lange recibió la so formación en materia fotográfica na Universidá de Columbia en Nueva York, nuna clase impartida por Clarence H. White. Foi una aprendiz informal en dellos estudios fotográficos de Nueva York, incluyendo'l del famosu Arnold Genthe. En 1918, treslladóse a San Francisco, y al añu siguiente abrió un exitosu estudiu de retratos.[10] Vivió al otru llau de la bahía de Berkeley, California, el restu de la so vida. En 1920, casóse col pintor Maynard Dixon, col que tuvo dos fíos, Daniel, nacíu en 1925, y John, nacíu en 1930.
Col entamu de la Gran Depresión, Lange pasó del estudiu a la cai. Los sos estudios de personas desemplegaes y ensin llar llamaron l'atención de fotógrafos locales que fueron contrataos pola federal Alministración de Reasentamientu (RA, poles sos sigles n'inglés), más más sero llamada Farm Security Administration (FSA).
N'avientu de 1935, divorcióse de Dixon y casó col economista Paul Schuster Taylor, profesor d'Economía na Universidá de California, Berkeley. Taylor instruyó a Lange n'asuntos sociales y políticos y xuntos documentaron la probitú rural y la explotación de los aparceros y los trabayadores migrantes a lo llargo de los cinco años siguientes; Taylor entrevistando y recopilanado datos económicos, y Lange tomanado fotos.
Alministración del Reasentamientu
editarDe 1935 a 1939, la obra de Dorothea Lange pa l'Alministración de Reasentamientu (RA poles sos sigles n'inglés) y la FSA traxo l'abegosa situación de los probes y escaecíos - en particular los aparceros, ls families campesines desplazaes y los trabayadores migrantes - a l'atención pública. Distribuidu de balde a los periódicos de tol país, les sos conmovedores imáxenes convirtiéronse n'iconos de la dómina.
La imaxe más conocida de Lange titúlase "Madre Migrante".[11] la muyer de la foto ye Florence Owens Thompson. La foto orixinal contó col pulgar y el deu índiz de Florence, nel poste de la tienda, pero la imaxe foi posteriormente retocada pa ocultar el pulgar de Florence. El so deu índiz dexóse intactu (abaxo a la derecha na foto).
Depués de que Lange regresara a so casa, contó-y al editor d'un periódicu de San Francisco les condiciones nel campamentu y dio-y dos de les sos fotos. L'editor informó a les autoridaes federales y asoleyó un artículu qu'incluyía les fotos. Como resultáu, el gobiernu entainó a ayudar al campo pa evitar la fame.
Según el fíu de Thompson, Lange tien dellos detalles d'esta historia equivocaos, pero l'impautu de la fotografía sofítase na imaxe qu'amuesa la fuercia y les necesidaes de los trabayadores migrantes[12].
Internamientu d'americano-xaponeses
editar
En 1941, Lange algamó una beca Guggenheim pola escelencia na fotografía. Depués del ataque a Pearl Harbor, dexó'l prestixosu premiu pa grabar la evacuación forzada de los americano-xaponeses de la costa oeste, decretada pola Autoridá de Reasentamientos de Guerra (WRA poles sos sigles n'inglés). Cubrió l'asentamientu d'amercano xaponeses[13] y el so posterior encarcelamientu, viaxando a través de zones urbanes y rurales de California pa fotografiar families que se preparaben pa salir, visitando dellos centros de concentración temporales, destacando Manzanar, el primeru de los campos d'internamientu permanentes. Gran parte del so trabayu centróse na espera y la incertidumbre qu'implica la eliminación:. Montones d'equipaxe a la espera de ser ordenados, families llevando etiquetes d'identificación y espera pal tresporte. Pa munchos observadores la so fotografía de los neños americano-xaponeses prometiendo llealtá a la bandera, poco anantes de que fueren enviaos al campu ye una acordanza inquietante d'esta política de detener a persones ensin acusalos de dalgún delitu o ensin permiti-yos nenguna apelación[14].
Referencies
editar- ↑ Afirmao en: Gemeinsame Normdatei. Data de consulta: 12 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Archivo de Bellas Artes. Identificador abART de persona: 94304. Data de consulta: 1r abril 2021.
- ↑ Afirmao en: coleición en llinia del Muséu d'Arte Modernu de Nueva York. Identificador MoMA de artista: 3373. Data de consulta: 4 avientu 2019. Llingua de la obra o nome: inglés.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: autoridaes BNF. Identificador BnF: 121179469. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Afirmao en: Guggenheim Fellows database. Identificador Beca Guggenheim: dorothea-lange. Llingua de la obra o nome: inglés.
- ↑ URL de la referencia: https://www.womenofthehall.org/inductee/dorothea-lange/.
- ↑ URL de la referencia: https://www.tate.org.uk/art/art-terms/a/american-social-realist-photography.
- ↑ Dorothea Lange Nacida en Hoboken, New Jersey, Dorothea Lange (1895–1965) anunció la so intención de convertise en fotógrafa a la edá de 18 años. Depués de trabayar como aprendiz con un fotógrafu na ciudá de Nueva York, treslladóse a San Francisco y en 1919 creo'l so propiu estudiu. Publicao en [[NARA]. Fecha d'accesu na versión inglesa 29.06.2008
- ↑ «Madre Migrante: La verdadera historia». Archiváu dende l'orixinal, el 2007-10-17.
- ↑ Dunne, Geoffrey: "Photographic license" [1], New Times, 2002
- ↑ Civil Control Station, Registration for evacuation and processing. San Francisco, Abril de 1942. War Relocation Authority Archiváu 2009-06-21 en Wayback Machine, Photo By Dorothea Lange,From the National Archive and Records Administration taken for the War Relocation Authority courtesy of the Bancroft Library, U.C. Berkeley, California. Publicáu n'Image and Imagination, Encounters with the Photography of Dorothea Lange, Editáu por Ben Clarke, Freedom Voices, San Francisco, 1997.
- ↑ Davidov, Judith Fryer. Women's Camera Work. 1998, page 280
Enllaces esternos
editar
Wikimedia Commons acueye conteníu multimedia sobre Dorothea Lange.- Dorothea Lange na Internet Movie Database (n'inglés)
- «Dorothea Lange». en Find a Grave. (n'inglés)
Datos: Q230673- Multimedia: Dorothea Lange