Josh Lucas

Joshua Lucas Easy Dent Maurer (20 de xunu de 1971, Little Rock) ye un actor de cine y televisión d'Estaos Xuníos. Conocíu poles sos intervenciones en películes como American Psycho (2000), A Beautiful Mind (2001), Sweet Home Alabama (2002) o Poseidón (2006).

Josh Lucas
Vida
Nacimientu	Little Rock, 20 de xunu de 1971 (53 años)
Nacionalidá	Estaos Xuníos
Llingua materna	inglés
Familia
Pareyes	Rachel Mortenson (es)
Estudios
Estudios	Gig Harbor High School (en) Peninsula School District (en)
Llingües falaes	inglés
Oficiu	actor, actor de televisión, actor de cine, actor de voz, productor de cine
IMDb	nm0524197
joshlucas.com

Biografía

Josh Lucas nació en Little Rock, Arkansas, Estaos Xuníos el 20 de xunu de 1971. Los padres de Josh Lucas, él médicu y ella enfermera, yeren dinámicos activistes políticos, lo que provocó que la so infancia sufriera un continuu treslláu d'estaos hasta'l so allugamientu final en Gig Harbor, llocalidá allugada nel estáu de Washington. Graduóse na Gig Harbor High School in Gig Harbor, Washington, en 1989. L'actor decidió nun dir a la universidá col fin de poder desenvolver correutamente la so carrera como actor. Anguaño mora na ciudá de Nueva York, Estaos Xuníos. En debutando como actor en producciones teatrales del so institutu, onde foi premiáu por delles de les sos interpretaciones, Josh treslladóse a la ciudá de Los Angeles.

Carrera

Josh Lucas empecipió la so trayeutoria como actor profesional a empiezos de la década de los 90 nel mundu de la televisión, al apaecer en diverses series y telefilmes, como Child of Darkness (1991) o Class of '61 (1993), dambes producciones pa televisión. Nesta primer etapa de la so carrera acreditábase como Joshua Lucas, camudando darréu'l so nome artísticu a Josh Lucas.

Debutó nel cine nel añu 1993, cuando intervieno na película Alive! (1993), con Ethan Hawke, dirixida por Frank Marshall y basada nel accidente aereu sufiertu nos años 70 por un equipu de rugby uruguayu nel cordal de Los Andes. Darréu, y dempués de protagonizar una serie del oeste n'Australia llamada Snowy River: The McGregor Saga (1994-1995), pudo ser vistu en películes como Motaur (1997), Harvest (1998) o Restless (1998), toes elles en papeles secundarios. Más tarde la so popularidá foi n'aumentu gracies a títulos como You Can Count On Me (2000), na adautación del llibru de Bret Easton Ellis American Psycho (2000) protagonizada por Christian Bale o na oscarizada A Beautiful Mind (2001) protagonizada por Russell Crowe y empobinada por Ron Howard, ésta supúnxo-y una candidatura al Premiu del Sindicatu d'Actores al meyor repartu.

Dempués participó na comedia romántica Sweet Home Alabama (2002) protagonizada por Reese Witherspoon, que recaldó más de 180 millones de dólares en tol mundu y na adautación de cómic a la gran pantalla de Hulk (2003) con Eric Bana y Jennifer Connelly. Ésta última atropó 245 millones de dólares nes taquilles mundiales. Dempués protagonizó les súperproducciones Stealth (2005) xunto a Jamie Foxx y Jessica Biel y el remake Poseidón (2006) na que compartía cartelu con Kurt Russell y Richard Dreyfuss. Dambes producciones nun funcionar como s'esperaba nes taquilles y nun cuntaron col sofitu de la mayoría de la prensa especializada. Amás intervieno nel drama An Unfinished Life (2005) na qu'apaecía con Robert Redford, Morgan Freeman y Jennifer Lopez y nel drama deportivu Glory Road (2006). En 2005 debutó en Broadway na obra El zoo de cristal, de Tennesse Williams, xunto a Jessica Lange.

Vida personal

Foi pareya de les actrices Salma Hayek, Heather Graham y Rachel McAdams.

Casóse con Jessica Ciencin Henriquez en 2012, dixebrándose en 2014. Dambos tienen un fíu de mancomún, Noah Rev Maurer (2012)

Filmografía

Jamie Foxx, Jessica Biel y Josh Lucas mientres el rodaxe de Stealth (2005).

• Little Accidents (2014) .... Bill Doyle
• The Mysteries of Laura (2014-Actualidá) ... Captain Jake Broderick
• Stolen (2012) .... Vincent
• Hide Away (2011) .... Jon Tenney, Taylor Nichols, James Cromwell
• J. Edgar (2011) .... Charles Lindbergh
• Keeper of the Pinstripes (2011) .... Thruman Munson
• Red Dog (2011) ....
• A Year in Mooring (2011) ....
• Life as We Know It (2010) .... Sam
• Little Murder (2010) .... Ben Chaney
• Daydream Nation (2010) .... Barry Anderson
• Corazón delator (2009) .... Terry
• Peacock (2009) .... Tom McGonigle
• Managament (2009)
• Stolen (vides robaes) (2009)
• Death in Love (2008) .... Eldest Son
• Poseidón (2006) .... Dylan Johns
• Glory Road (2006) .... Don Haskins
• An Unfinished Life (2005) .... Crane Curtis
• Stealth (2005) .... Lt. Ben Gannon
• Around the Bend (2004) .... Jason Lair
• Undertow (2004) .... Deel Munn
• Wonderland (2003) .... Ron Launius
• Secondhand Lions (2003) .... Adult Walter
• Hulk (2003) ....Glenn Talbot
• Four Reasons (2002) .... Boy
• Sweet Home Alabama (2002) .... Jake Perry
• Coastlines (2002) .... Eddie Vance
• A Beautiful Mind (2001) .... Hansen
• Session 9 (2001) .... Hank
• When Strangers Appear (2001) .... Peter
• The Deep End (2001) .... Darby Reese
• The Weight of Water (2000) .... Rich Janes
• The Dancer (2000) .... Stephane
• Drop Back Ten (2000) .... Tom White
• You Can Count on Me (2000) .... Rudy (Kolinski) Sr.
• American Psycho (2000) .... Craig McDermott
• Restless (1998) .... Jeff Hollingsworth
• Harvest (1998) .... Clay Upton
• The Definite Maybe (1997) .... Eric Traber
• Minotaur (1997) .... G.R.
• True Blue (1996) .... Dan Warren
• Thinner (1996) .... Male Nurse
• Father Hood (1993) .... Andy
• Alive! (1993) .... Felipe Restano

Premios

Premios del Sindicatu d'Actores

Añu	Categoría	Película	Resultáu
2002	Premiu del Sindicatu d'Actores al meyor repartu	A Beautiful Mind	Candidatu

Enllaces esternos

• Wikimedia Commons tien conteníu multimedia tocante a Josh Lucas.
• Josh Lucas na Internet Movie Database (n'inglés)
• Josh Lucas Web Archiváu 2010-05-13 en Wayback Machine (n'inglés)

• Datos: Q53651
• Multimedia: Josh Lucas