Juan Prim y Prats
Juan Prim y Prats (catalán: Joan Prim i Prats; 6 d'avientu de 1814, Reus – 30 d'avientu de 1870, Madrid) foi presidente del Conseyu de Ministros dende l'añu 1869. So güelu exerció de notariu y el pá, Pablo Prim Estapé, yera teniente coronel, heredando la Notaría al retirase del so cargu militar. So madre yera Teresa Prats Vilanova.
Anicios familiares
editarLa so neñez y mocedá pasóles na ciudá de Reus, y viéronse influyíes pol fuerte carácter de so padre y la so segunda profesión de militar, que combatió a les partíes carlistes en tierres catalanes.
Guerres carlistes
editarCon sólo diecinueve años, el xoven Juan Prim allistóse como voluntariu nel primer batallón isabelín de Cataluña, al mandu del capitán xeneral de Cataluña Manuel de Llauder y de Camins, entrando en combate el 7 d'agostu de 1834.
Prim nun tenía dala preparación militar nin procedía de la nobleza, polo que los sos entamos na milicia foron dende la base. Como simple combatiente, dende'l primer encuentru colos carlistes, demuestra una intrepidez y valor que lu lleven al enfrentamientu cuerpu a cuerpu col enemigu, entamando a crease una fama merecida al abatir a varios xefes de partíes. Pocos meses depués cambiará'l so papel, al ser promovíu a oficial, momentu a partir del que, arriendes de siguir dando muestres de valor personal, conviértese en conductor d'homes a los qu'arrastra al combate.
D'esta forma, Prim foi ascendíu a teniente el 2 d'agostu de 1835, poles victories algamaes sobre partíes carlistes, demientres la llamada Guerra de los siete años. Al frente d'una compañía tomó Vilamajor del Vallés, llocalidá defendida por fuercies carlistes superiores y onde resultó firíu.
Nueves aiciones victorioses ficiéronlu algamar el rangu de capitán. La toma de San Miguel de Serradell, onde prindó personalmente la bandera del cuartu batallón carlista de Cataluña, fizo que se-y concediera la Cruz Lloreada de San Fernando de primer clase. Seguidamente asaltó Solsona y llogró saquiar personalmente'l fuerte abriendo les puertes, aición pola que la que lu ascendieron a comandante.
Referencies
editar- ↑ 1,0 1,1 Afirmao en: Gemeinsame Normdatei. Identificador GND: 116290498. Data de consulta: 14 agostu 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Encyclopædia Britannica Online. Identificador Encyclopædia Britannica Online: biography/Juan-Prim. Apaez como: Juan Prim. Data de consulta: 9 ochobre 2017. Llingua de la obra o nome: inglés.
- ↑ Afirmao en: Gemeinsame Normdatei. Data de consulta: 24 xunu 2015. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://www.jstor.org/stable/25134397. Páxina: 559.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://books.google.es/books?id=tqhGAQAAMAAJ&dq=juan%20prim%20caballero%20gran%20cruz&hl=es&pg=PA35#v=onepage&q&f=false. Páxina: 35.
- ↑ URL de la referencia: https://books.google.es/books?id=tqhGAQAAMAAJ&dq=juan%20prim%20caballero%20gran%20cruz&hl=es&pg=PA37#v=onepage&q&f=false. Páxina: 36-37.
- ↑ URL de la referencia: https://books.google.es/books?id=tqhGAQAAMAAJ&dq=juan%20prim%20caballero%20gran%20cruz&hl=es&pg=PA39#v=onepage&q&f=false. Páxina: 38.
- ↑ URL de la referencia: https://books.google.es/books?id=tqhGAQAAMAAJ&dq=juan%20prim%20caballero%20gran%20cruz&hl=es&pg=PA39#v=onepage&q&f=false. Páxina: 39.
- ↑ URL de la referencia: https://books.google.es/books?redir_esc=y&hl=es&id=iFiU5GFBE7MC. Data de consulta: 23 agostu 2020. Páxina: 393.
Enllaces esternos
editar
Wikimedia Commons acueye conteníu multimedia sobre Juan Prim y Prats.
