La moza de la perlla

La moza de la perlla
Meisje met de parel
Tipos	pintura
Artista	Johannes Vermeer
Añu	c. 1665
Periodu	barrocu
Xéneru	Tronie (es)
Estilu	Pintura del Sieglu d'oru neerlandés y barrocu
Material	pintura al oleu y Llenzu
Dimensiones	44,5 () × 39 () cm
Propietariu	Magdalena van Ruijven ; Jacob Dissius ; Arnoldus Andries des Tombe ; Mauritshuis ; Pieter van Ruijven (es)
Coleición	Mauritshuis (L'Haya)
Història
Data	Fet destacat
	Leasing
1696	venta
1881	compra
1882	conservación y restauración (es)
1902	legado (es)
1994	conservación y restauración (es)
Catalogación
Códigu muséu	670
Catálogu	Johannes Vermeer catalog raisonné, 1908 (es) :(44)

La moza de la perlla, tamién conocida como Mochacha con turbante, La Mona Lisa holandesa y La Mona Lisa del norte (n'holandés Het meisje met de parel: La moza cola perlla), ye una de les obres maestres del pintor holandés Johannes Vermeer y, como'l nome implica, utiliza un pendiente de perlla como puntu focal. La pintura atopase nel muséu Mauritshuis de L'Haya.

Orixe

Recién escritos sobre Vermeer apunten a que la imaxe yera un tronie, nome que se daba n'Holanda nel sieglu XVII a les efixes peculiares y/o espresives, d'usu decorativu, que nun teníen cuenta de ser una semeya identificable y qu'en munchos casos los pintores producíen pa demostrar el so remangu.

Tres la mayor y más recién restauración del cuadru en 1994, la sutil combinación de los colores y l'íntima mirada fixa de la moza escontra l'espectador realzáronse enforma.^[1] Tal resalte debese a un contraste ente un fondu bien escuru y lo que puede vese del cuerpu vistíu de la rapaza; esto ye, hai un tenebrismu que nesti casu resulta casi caravaggiano, anque ensin les actitúes dramátiques del estilu, y caltiénse la típica y cristalina tranquilidá que caracteriza a la mayor parte de les obres de Vermeer de Delft.

Siguiendo los conseyos de Victor de Stuer, quien mientres años intentó prevenir que les rares obres de Vermeer vendierense a grupos d'estranxeros, A.A. des Tombe mercó la obra nuna puya en L'Haya en 1881 por namái dos florinos y trenta céntimos. Nesi momentu, el so estáu de caltenimientu yera bien malu. Des Tombe morrió ensin herederos y donó ésti y otros cuadros al muséu Mauritshuis en 1902.^[2]

En 1937, una obra bien similar, que nesi momentu tamién s'atribuyía a Vermeer, foi donada pol coleicionista Andrew W. Mellon a la Galería Nacional d'Arte de Washington, D.C.. Ta llargamente considerada anguaño como falsa. L'espertu en Vermeer, Arthur Wheelock, alegó nun estudiu de 1995 qu'esti otru cuadru ye obra del artista y falsificador del sieglu XX Theo van Wijngaarden, un amigu d'Han van Meegeren.^[2]

Ver tamién

La moza de la perlla, novela de la escritora d'Estaos Xuníos Tracy Chevalier inspirada por esti cuadru.
Girl with a Pearl Earring (traducida como La moza de la perlla n'España y La moza col arete de perlla en Llatinoamérica), película basada na novela.

Referencies

↑ Wadum, Jørgen; Con la contribución de L. Struik van der Loeff y R. Hoppenbrouwers (1994). “Vermeer illuminated. Conservation, Restoration and Research.” (Vermeer iluminado. Conservación, Restauración e Investigación). La Haya.
↑ ^2,0 ^2,1 Vrij Nederland (revista) (26 de febreru de 1996), p. 35–69.

Enllaces esternos

Ficha del cuadru na páxina de la Mauritshuis (n'inglés).
"After Vermeer Archiváu 2016-03-04 en Wayback Machine", semeya de Robert Balcomb (n'inglés).
La moza de la perlla Archiváu 2016-07-07 en Wayback Machine por Tracy Chevalier (n'inglés).

[WADUM-94-1] Wadum, Jørgen; Con la contribución de L. Struik van der Loeff y R. Hoppenbrouwers (1994). “Vermeer illuminated. Conservation, Restoration and Research.” (Vermeer iluminado. Conservación, Restauración e Investigación). La Haya.

[VN-96-2] 2,0 ^2,1 Vrij Nederland (revista) (26 de febreru de 1996), p. 35–69.

[1]

[2]