Canis lupus
El Canis lupus ye un mamíferu de la familia Canidae que dellos biólogos consideren la mesma especie que'l perru.
Canis lupus  | ||
|---|---|---|
 | ||
| Estáu de caltenimientu | ||
 Esmolición menor (IUCN)[1] | ||
| Clasificación científica | ||
| Reinu: | Animalia | |
| Filu: | Chordata | |
| Subfilu: | Vertebrata | |
| Clas: | Mammalia | |
| Orde: | Carnivora | |
| Familia: | Canidae | |
| Xéneru: | Canis | |
| Especie: |
Canis lupus Linneo, 1758 | |
| Distribución | ||
 | ||
| Subespecies | ||
Al menos 31, ver testu. | ||
| Consultes | ||
| [editar datos en Wikidata] | ||
Los llobos notres dómines algamaron a ser cosmopolites, pero la llucha escontra l'home polos mesmos recursos fizo que fuere estermináu y anguaño sólo s'atopa en fasteres mui reducíes d'América del Norte, Eurasia, y l'Oriente mediu. Prefier la viesca, la tundra, la taiga, la meseta y el monte. N'España alcuéntrase al norte del ríu Duero, siendo frecuente n'Asturies, u nos caberos años amuesa un espardimientu. El mayor númberu d'exemplares ta na rexón de Lleón y nos montes del norte de Zamora.
Cadarma social
editarSon depredadores qu'actúen en manada, con una xerarquía mui ríxida, dirixíos polos nomaos machu y fema alfa. La manada pue variar ente 2 y 12 individuos, magar qu'hai rexistraos hasta 30 individuos. Tres los alfa, tán los beta hasta llegar a los omega según los estudios de los biólogos. Cuando un alfa ta vieyu, un beta más xoven suel ocupar el so llugar. Si la pareya alfa muerre lo normal ye la división de la manada. Les manaes nueves fórmense cuando un llobu dexa la suya y reclama un nuevu territoriu, magar que ye frecuente qu'esi territoriu ya te ocupáu y el conflictu seya inevitable. Esta conciencia de territorialidá quiciás desplique la predación de perros, al ser consideraos intrusos.
Comunicación
editarUsen una bayura de soníos dende gruñíos, lladríos y glayíos. Estos caberos úsense pa llocalizar la manada, anunciar la so presencia a otres o encontar les venceyes dientro'l grupu.
Reproducción
editarSólo la pareya alfa pue reproducise. L'apareamientu asocede de febreru a mayu. La xestación ye de 63 díes. El llobu ye maduru sexualmente a los dos años.
Mortalidá
editarEl llobu más vieyu que se conoz vivió 16 años. En cautividá algamen los 20. La mortalidá de la camada ye mui alta. Les muertes en pelees, atropellos, y sobre too por caza del home ye bastante frecuente.
La resistencia a les presiones medioambientales de la manada ye mui alta, siempre que la pareya alfa nun muerra.
Rellación col perru
editarMagar que dellos biólogos consideren al perru descendiente del Chacal doráu, les últimes investigaciones clasifiquen al perru como una subespecie del llobu, nomándolu Canis lupus familiaris.
Subespecies del llobu
editarSólo hai una especie de llobu que s'estrema en distintes castres.
 |
 |
 |
- Llobu Canis lupus
- Llobu blancu Canis lupus albus
- Llobu de la Península Kenai Canis lupus alces
- Llobu árabe Canis lupus arabs
- Llobu árticu Canis lupus arctos
- Llobu mexicanu Canis lupus baileyi
- Llobu de Terranova Canis lupus beothucus
- Llobu de Bernard Canis lupus bernardi
- Llobu estepariu Canis lupus campestris
- Llobu mongol Canis lupus chanco
- Llobu de la Columbia Británica Canis lupus columbianus
- Llobu de la Islla Vancouver Canis lupus crassodon
- Llobu del Mar Caspiu Canis lupus cubanensis
- Llobu español Canis lupus deitanus
- Llobu del desiertu asiáticu Canis lupus deitanus
- Dingo Canis lupus dingo
- Perru, Canis lupus familiaris
- Llobu de les montañes de les Cascades Canis lupus fuscus
- Llobu buxu-blancu Canis lupus griseoalbus
- Llobu Hokkaido Canis lupus hattai
- Llobu Hudson Canis lupus hudsonicus
- Llobu Honshu Canis lupus hodophilax
- Llobu de les montañes rocoses septentrionales Canis lupus irremotus
- Llobu de Labrador Canis lupus labradorius
- Llobu del Archipiélagu Alexander Canis lupus ligoni
- Llobu común Canis lupus lupus
- Llobu de Timber oriental Canis lupus lycaon
- Llobu de los Territorios del Noroeste Canis lupus mackenzii
- Llobu de la Islla de Baffin Canis lupus manningi
- Llobu austrohúngaru Canis lupus minor
- Llobu suroccidental Canis lupus mogollonensis
- Llobu de Texes Canis lupus monstrabilis
- Llobu de les grandes llanures Canis lupus nubilus
- Llobu del valle de Mackenzie Canis lupus occidentalis
- Llobu groenlandés Canis lupus orion
- Llobu indiu Canis lupus pallipes
- Llobu d'Alaska Canis lupus pambasileus
- Llobu ibéricu Canis lupus signatus
- Llobu de la tundra Canis lupus tundrarum
- Llobu de los montes rocosos meridionales Canis lupus youngi
Referencies
editar- ↑ Mech, L.D. & Boitani, L. 2008. Canis lupus. IUCN 2010. Lista Roja de Especies Amenazadas IUCN. Version 2010.1. <www.iucnredlist.org>. Consultáu'l 19 April 2010.
Enllaces esternos
editar| Wikispecies tien un artículu sobre Canis lupus. |
Wikimedia Commons acueye conteníu multimedia sobre Canis lupus.
Datos: Q18498- Multimedia: Canis lupus
Cites famoses: Lobo
Especies: Canis lupus