Mesopotamia
Mesopotamia[1][2] (del griegu Μεσοποταμια, "[tierra] ente dos ríos") yera antiguamente la rexón allugada ente los ríos Tigris y Eufrates y el Golfu Pérsicu. Considerábase como un verxel, yá que fuera d'eses fronteres naturales namái hai ermos. Ye'l llugar u nacieron les primeres ciudaes-estaos tales como Ur, Uruk y Lagash dau que dende'l 5000 e.C. desendólcase la civilización sumeria, siendo una de les primeres de tol mundiu.
| Mesopotamia | |
|---|---|
 | |
| Situación | |
 | |
| Tipu |
paisaje cultural (es)  |
| Coordenaes | 33°42′N 43°30′E / 33.7°N 43.5°E |
  Mesopotamia Mesopotamia (Iraq) | |
| Datos | |
 | |
Ye considerada'l bierzu de la civilización yá que nella desendólcase la primer escritura de la que tenemos noticia, la cuneiforme, asina como la navegación, los primeros testos xurídicos o el primer estáu, la ciudá de Súmer. La necesidá del cambéu nes condiciones de vida fizo que les nueves civilizaciones enchenaren esta rexón de grandes canales que facilitaben el riegu y el so emplegu posterior como tierres d'agricultura; amás nesta estaya apaecen les primeres nories y los primeros embalses, éstos emplegaben l'escedente de l'agua de les crecides de los ríos principales que conformen la Mesopotamia.
La rexón divídese n'otres dos nomaes baxa y alta. La Mesopotamia Baxa o Caldea, tuvo habitada por sumerios y acadios que yeren más agrícoles y menos guerreros que los habitantes de la Mesopotamia Alta o Asiria, más montañosa y habitada polos asirios, una cultura principalmente dedicada a la guerra.
La nacencia de la escritura
editarFoi'l primer llugar del mundu onde apaez la escritura, hai más de 5.000 años, como resultáu del xorrecimientu de les ciudaes, y con elles de les civilizaciones. Y como final d'un procesu de creación cultural, como rexistru de la estructura d'una sociedá y les sos regles: económica, llegales, gubernatives. Más tarde sería la simiente de los llibros sagraos y de les sos mitoloxíes. Esta primera forma de rexistrar les pallabres ye conocida como escritura cuneiforme, y nun principiu representaba a la llingua sumeria, esta ye de dudosa filiación y entá nun ta claru nin el so orixe nin si yera una llingua aisllada o emparentada con otres.
División histórica
editarEsta gran rexón, como cruz de caminos, fue una tierra convulsa y nel estensu periodu que vivió como xunidá histórica tuvo cuatru marcaes dómines, entamaes polos pueblos que gobernaron tol enxame cultural mesopotámicu.
- Dómina sumeria: nel tercer mileniu e.C., carauterizada pola esistencia de las ciudaes estaos.
- Dómina acadia: al rodiu del 2330 e.C., Sargón I, funda l'imperiu acadiu.
- Dómina babilónica: circa 1.800 e.C., la ciudá estáu de Babilonia algama la hexemonía na rexón y crea l'imperiu homónimu.
- Dómina asiria: nel postreru mileniu e.C. fúndase l'imperiu asiriu que se caltién dica la conquista persa de Mesopotamia, nel sieglu VI e.C.
Sociedá
editarLa sociedá yera piramidal col rei no cimeru, de siguíu diben los sacerdotes, depués los funcionarios; ente los que destacaba la figura del escriba. Na base taban los campesinos, los artesanos y entá más abaxu los esclavos y les muyeres, dau que dambes clases yeren consideraes propiedaes.
Pa regular esta sociedá fuertemente estructurada xurdió'l primer códex llegal, el códigu d'Hammurabi.
Referencies
editar- ↑ Esti términu apaez nel Diccionariu de l'Academia de la Llingua Asturiana. Ver: mesopotámicu, -a, -o
- ↑ Esti topónimu apaez na traducción al asturianu de los Mapes de l'Associació Bíblica de Catalunya
Esta fonte emplégase como referencia dende'l puntu de vista llingüísticu.
Enllaces esternos
editar
Wikimedia Commons acueye conteníu multimedia sobre Mesopotamia.
Datos: Q11767- Multimedia: Mesopotamia