Seixeles

Seixeles; République des Seychelles; Republic of Seychelles
	República
Bandera de Seixeles	escudu de Seixeles
Lema nacional	Finis Coronat Opus ; (en llatín: La Fin Corona la Obra)
Himnu nacional	Koste Seselwa;
Alministración
Nome oficial	Repubblica delle Seychelles (it); Seychelles (en); Seychelles (fr); la République des Seychelles (fr)
Capital	Victoria
Presidente de Seixeles	Wavel Ramkalawan (dende 26 ochobre 2020)
Presidente de Seixeles	Wavel Ramkalawan (dende 26 ochobre 2020)
Llingües oficiales	francés ; inglés ; criollu seixelés
División	ver Bel Air (es) , La Riviere Anglaise (es) , Les Mamelles (es) , Mont Buxton (es) , Mont Fleuri (es) , Plaisance (es) , Roche Caiman (es) , Saint Louis (es) , Anse aux Pins, Anse Boileau, Anse Etoile (es) , Au Cap (es) , Anse Royale (es) , Baie Lazare (es) , Beau Vallon (es) , Bel Ombre (es) , Cascade (es) , Glacis (es) , Grand' Anse (es) , Pointe La Rue (es) , Port Glaud (es) , Takamaka (es) , Baie Sainte Anne (es) , Grand' Anse (Praslin) (es) , Islas La Digue e Inner (es) , Ile Perseverance I (en) y Ile Perseverance II (en) ;
Rellaciones diplomátiques	ver Kenia ; Taiwán ; Estaos Xuníos ; Rusia ; República Popular China ; India ; Corea del Norte (28 xunu 1976); ;
Miembru de	ver Organización de les Naciones Xuníes (21 setiembre 1976); Mancomunidá de Naciones (1976); Xunión Africana ; Bancu Internacional de Reconstrucción y Fomentu (29 setiembre 1980); Corporación Financiera Internacional (11 xunu 1981); Organismu Multillateral de Garantía d'Inversiones (15 setiembre 1992); Centru Internacional d'Arreglu de Diferencies Relatives a Inversiones (19 abril 1978); Bancu Africanu de Desarrollu ; Estaos d'África, del Caribe y del Pacíficu ; Alianza de Pequeños Estados Insulares (es) ; Interpol (1 setiembre 1977); Organización pa la Prohibición d'Armes Químiques (29 abril 1997); UNESCO (18 ochobre 1976); Grupu d'Observaciones de la Tierra ; Comunidá de Desenvolvimientu d'África Austral ; francofonía (es) ; Comisión del Océano Índico (es) ; Xunión Postal Universal (7 ochobre 1977); Xunión Internacional de Telecomunicaciones (17 setiembre 1999); Organización Internacional de la Francofonía (1976); Organización Meteorolóxica Mundial (15 febreru 1977); Organización Mundial de la Salú ; Organización Mundial d'Aduanes (25 xunetu 2000); ;
Xeografía
Coordenaes	7°06′00″S 52°46′00″E / 7.1°S 52.76667°E
Superficie	459 km²
% agua	insignificante
Costes	491 km
Llenda con	nenguna
Puntu más altu	Monte Seychellois (es)
Puntu más baxu	Océanu Índicu
Demografía
Población	95 843 hab. (2017)
Densidá	208,81 hab/km²
Xentiliciu	seixelés (masculín singular); seixelesa (femenín singular)
Esperanza de vida	74,30976 años
IDH	0,785 (2021)
Tasa de fertilidá	2,3 (2014)
Economía
Moneda	rupia seixelense
PIB nominal	1 286 687 873 $ (2021)
Bancu central	Banco Central de Seychelles (es)
Más información
Dominiu d'Internet	.sc
Códigu telefónicu	+248
Códigu ISO	690 / SYC / SC
Estaya horaria	UTC+04:00 y Indian/Mahe (en)
	egov.sc

Les Seixeles^[11] ye un grupu de 115 islles asitiaes nel Océanu Índicu, al noreste de Madagascar, con una superficie total de 455 km². La so capital Victoria ye la única ciudá d'archipiélagu, asitiada na islla Mahé, habitada por un terciu la población.

Tien l'únicu aeropuertu y puertu internacional del país, que reciben vuelos dende los principales aeropuertos internacionales del mundu, yá que la principal fonte de divises del país ye'l turismu.

Una de les atraiciones principales de Victoria ye'l Xardín Botánicu onde puen observase les tortugues xigantes que namái s'alcuentren nestes islles y nes Islles Galápagos.

La triba predominante ye la seixelesa de raigaños africanos y franceses, pero tamién hai minoríes chines ya indies. La mayoría de la población profesa'l catolicismu, más un 8% de la población son anglicanos y hai un 2% de diverses relixones.

Seixeles ye lo que se conoz como un paraísu tropical. Les islles conserven la so guapura natural, con fermoses sableres y una mar con escelentes condiciones pa los amantes del buceu. Tien clima tropical con temperatures que, añalmente, oscilen ente los 25 y 30 °C, con meses mui lluviosos de payares a mayu cuando son algamaes polos vientos monzónicos.

Nel añu 2004, estes islles foron afeutaes pol tsunami causáu por un terremotu somarín, a la veriquina d'Indonesia, el 26 d'avientu, que cobrara más de 300.000 víctimes en delles fasteres del Océanu Índicu. Nel casu de les Seixeles, los daños estimaos llegaron a los 30 millones de dólares, anque nun sofrieron pérdes humanes yá que la población foi allertada sobro'l desastre.

Historia

Magar que nun hai consenso sobro la cuestión, parez que navegantes austronesios, y dempués comerciantes árabes y de les islles Maldives foron los primeros en visitar esti archipiélagu d'aquella despobláu. Alcontráronse restos de marinos de les Maldives del sieglu XII en Silhouette Island^[12]. La primer visita europea de la que hai constancia foi la que fizo l'almirante portugués Vasco de Gama, cuando en 1502 pasó poles islles del Almirante, a las que-yos dio nome n'honor de so. La primer vez que posaron en tierra los europeos, sicasí, foi en xineru de 1609; fízolo la tripulación del barcu inglés Ascension.

Como puntu de tránsitu del comerciu ente África y Asia, les islles abellugaron delles veces a pirates hasta que Francia tomó'l control del archipiélagu en 1756, cuando'l capitán Nicholas Morphey tomó posesión d'elles en nome del rei de Francia y púnxo-yos el so actual nome n'honor del ministru de Finances de Lluis XV, Jean Moreau de Séchelles ^[13].

Los británicos trataron de facese coles islles ente 1794 y 1810, nel contestu de les guerres escontra Napoleón. L'alministrador francés de la islla negose a resistir cuando los barcos de guerra inglesa aportaron, y negoció con ellos una capitulación que dio a los colonos que había nella privilexos de neutralidá. Tres de la rendición de Mauriciu en 1810 el control d'Inglaterra foi total, y refrendose col tratáu de París de 1814. Seixeles convirtióse nuna colonia dixebrada de la de Mauriciu en 1903, y en 1966 y 1970, cuando'l camín de la independencia taba abriéndose, celebráronse eleiciones nel archipiélagu.

Independencia (1976)

Seixeles algamó la independencia, col estatus de república asociada a la Commonwealth, en 1976. Nesa década les Seixeles yeren un llugar de descansu pa la jet set^[14], pero en 1977 el presidente James Mancham foi depuestu por un güelpe d'estáu dirixíu por France Albert René. Esti yera contrariu a la dependencia económica esclusiva del turismu, y declaró que quería recuperar les islles pa los sos habitantes^[15]. La constitución promulgada en 1979 convirtió el país nún estáu socialista de partíu únicu, y había selo hasta 1991.

James Michel, presidente de Seychelles dende 2004.

Na década del 1980 hebo varios intentos de deponer al presidente, dalgunos con axuda de la República Sudafricana. Asina, en 1981 Mike Hoare, al frente d'un grupu de 43 mercenarios sudafricanos antroxaos de xugadores de rugby qu'aportaben al archipiélagu pa pasar les sos vacaciones intentaron facese col poder. Hebo una batalla nel aeropuertu, y munchos de los mercenarios consiguieron escapar tres de secuestrar un avión de la compañía Air India^[16]. En 1986 otru güelpe, dirixíu pol ministru de Defensa Ogilvy Berlouis, obligó al presidente René a pidí-y ayuda a la India. Un navíu de guerra indiu, el INS Vindhyagiri, llegó al puertu de Victoria p'albuertar el intentu de güelpe d'estáu^[17].

Tres de la disolución de la Xunión Soviética, en setiembre de 1991, el presidente René anunció la vuelta al multipartidismu. Enmendose la Constitución, y a finales de xunetu de 1993 celebráronse les primeres eleiciones presidenciales y llexislatives, que ganó otra vuelta René. Fairía lo mesmu nas vinientes hasta que, en 2004, pasó-y el cargu al so vicepresidente James Michel. En xineru de 2013 les islles declararon l'estáu d'emerxencia porque'l ciclón tropical Fellen causó lluvies torrenciales que provocaron inundaciones y argayos qu'estrozaron miles de cases^[18].

Xeografía

Organización político-alministrativa

Seixeles divídese en 25 distritos:

Nᵘ	Nome
1	Anse aux Pins
2	Anse Boileau
3	Anse Etoile
4	Anse Royale
5	Au Cap
6	Baie Lazare
7	Baie Sainte Anne
8	Beau Vallon
9	Bel Air
10	Bel Ombre
11	Cascade
12	Glacis
13	Grand' Anse
14	Grand' Anse
15	La Digue
16	La Riviere Anglaise
17	Les Mamelles
18	Mont Buxton
19	Mont Fleuri
20	Plaisance
21	Pointe La Rue
22	Port Glaud
23	Roche Caiman
24	Saint Louis
25	Takamaka