Taenia
La Taenia, davezu conocida como solitaria[1], tenia[2] o herpela[3], ye'l xéneru d'un grupu de parásitos platelmintos de la clas Cestoda que faen dos menes de malures parasitaries, según seyan producíes pola so fase adulta o pola llarvaria. Denómase teniasis a la qu'asocede pola presencia de les sos formes adultes, cuando s'aloxen nel intestín del güéspede d'asetío, y cisticercosis o cenurosis a la prevocada poles sos lalrves, intermedies o xóvenes, al afeutar a los por sus formas larvales, intermedias o juveniles, al afectar a los güespedadores intermediarios nos sos texíos o muérganos internos.
Taenia tenia  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Platelmintos | |
| Clas: | Cestoda | |
| Orde: | Cyclophyllidea | |
| Familia: | Taeniidae | |
| Xéneru: |
Taenia Linnaeus, 1758 | |
| Especies | ||
| Consultes | ||
| [editar datos en Wikidata] | ||
Les 32 especies de Taenia reconocíes[4] afeutan a dellos animales, pero namái T. saginata y T. solium causen malures nel home.
Morfoloxía
editarFase adulta
editarNa so forma adulta, como tou platelmintu, son guxanos aplanaos a lo ancho, como un cadarzu o cinta, ensin cavidá xeneral, recubiertos por una cadarma sincicial denomada tegumentu, a diferencia de la cutícula de los nematodos. El so llargor cimbla, según les especies, dende los 50 cm a más de 10 m.
Por ser cestodes, escarecen de tubu dixestivu, el so cuerpu ye segmentáu y son parásitos dixestivos de vertebraos ya invertebraos. Sexualmente, son hermafrodites, con poros xenitales irregularmente alternos en ca proglótide.
Del orde Cyclophyllidea obtienen los carauterísticos muérganos de fixación, denomaos chupones, cuatro (4) en total como parte de la porción cefálica del parásitu denomáu escólex, que tien tamién un rostelu que pue presentar una o delles fileres de gambos nes denomaes herpeles armaes, o nun tar presentes nes inermes.[5] Estos muérganos, chupones y cambos o garfios, son los que-y dexen fixase a les paredes del intestín de la so víctima.
Fase intermedia
editarLa forma intermedia, mal denomada llarva, y denomada tamién como xuvenil o llarval, pue ser del tipu cisticercu o cenuru, tamién denomáu multiceps. El primeru ye una vesícula daqué pequeña, que contién nel so interior un solu escólex, el cenuru ye tamién una vesícula con conteníu llíquidu, pero de mayor tamaño y cola presencia de gran cantidá d'escólices.
Tan ensamaos d'una membrana duble, la esterna continua, y la interna que s'invaxina hacia l'interior pa formar los escólices.
Referencies
editar- ↑ Esti términu apaez nel Diccionariu de l'Academia de la Llingua Asturiana. Ver: solitaria
- ↑ Esti términu apaez nel Diccionariu de l'Academia de la Llingua Asturiana. Ver: tenia
- ↑ Esti términu apaez nel Diccionariu de l'Academia de la Llingua Asturiana. Ver: herpela
- ↑ eMedicine.com - Taenia infection (Inglés). [1]
- ↑ Atlas Virtual de Parasitoloxía. FACULTÁ DE MEDICINA. Universidá de Panamá. Departamentu de Microbioloxía. [2]
Enllaces esternos
editar| Wikispecies tien un artículu sobre Taenia. |
