barbada

Asturianu

Pronunciación

• [ baɾˈβa.ða ]

«barbada»

(rexistru)

Sustantivu (1)

femenín singular barbada; plural barbaes

1. (Anatomía) Abultamientu de carne y pelleyu, por mor d'un escesu de grasa, más o menos abondoso y colgante, que sal ente'l pescuezu y el cazu nes persones.
2. (Zootomía) Abultamientu de carne y pelleyu, por mor d'un escesu de grasa, más o menos abondoso y colgante, que sal nel pescuezu los animales.

Sinónimos

• [1] barbadiella, papu, polaca, sobarba; papada, papalba
• [2] papada, papalba; goltra

Términos rellacionaos

• papudu, papoxu

Traducciones y equivalencies

«barbada»: papada, sobarba (nes persones)

Español : papada (es)

Inglés : double chin (en)

«barbada»: goltra (nos animales)

Español : papada (es), papo (es)

Una barbada Ciliata mustela.

Sustantivu (2)

femenín singular barbada; plural barbaes

1. (Ictioloxía) Pexe marín de cuerpu allargáu, que pue algamar 45 cm de llargor, de color pardo escuro, más claro pel vientre y con tonalidá encarnada nos estremos de les aletes, cola cabeza pequeña teniendo cinco barbes nel focicu, dos na parte superior y tres na inferior, de nome científicu Ciliata mustela.

Sinónimos

• morúa ~ merúa, congria, cóngara

Traducciones y equivalencies

«barbada»: pexe Ciliata mustela → ver traducciones na entrada morúa

ver traducciones na entrada morúa

Consulta na Wikipedia l'artículu tocante a «barbada».

Llocuciones

1. barbada de pedréu ~ barbada del pedréu: pexe marín de cuerpu allargáu cilíndricu, que pue algamar los 60 cm de llargor, de color amarronao con manches más escures, con tres barbes nel focicu, una baxo la mandíbula inferior, con dos aletes dorsales, la segunda mui llarga, de nome científicu Gaidropsarus vulgaris.
2. barbada sabliega: pexe marín de cuerpu allargáu cilíndricu, que pue algamar los 60 cm de llargor, de color amarronao con manches más escures, con tres barbes nel focicu, una baxo la mandíbula inferior, con dos aletes dorsales, la segunda mui llarga, de nome científicu Gaidropsarus vulgaris.

Referencies

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionario General de la Lengua Asturiana; Xosé Lluis García Arias, Editorial Prensa Asturiana, 2002-2004, Uviéu; ISBN: 84-87730-86-8. Versión on-line.
• Diccionariu Asturianu-Castellanu; Xuan Xosé Sánchez Vicente, ed. Trabe, Uviéu, 2021; ISBN: 978-84-18286-67-4.
• Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line.

Gallegu

Pronunciación

• [ baɾˈβa.ða ]

Sustantivu

femenín singular barbada; plural barbadas

1. (Ictioloxía) Barbada sabliega (Gaidropsarus vulgaris).

Sinónimos

• barbada de tres barbelas

Referencies

• Dicionario da Real Academia Galega; Real Academia Galega. Consulta on-line.
• TERGAL - Centro Ramón Piñeiro para a Investigación en Humanidades; Xunta de Galicia. ISSN 2530-4917 Consulta on-line.