Asturianu

Pronunciación y silabación: [ ˈkweɾ.pu ]
Etimoloxía: Del llatín corpus (mesmu significáu).

Sustantivu

masculín singular cuerpu; plural cuerpos

Porción de materia que forma un tou individual y dixebráu.
(Física) Oxetu físicu que tien masa.
(Anatomía), (Zootomía) Parte material o física d'un ser humanu o d'un animal.
(Anatomía), (Zootomía) Parte d'un ser humanu o d'un animal sacante la cabeza y les estremidaes.
Parte d'una prenda de vistir que cubre'l troncu.
Estáu físicu o anímicu que siente dalguién.
Suel usase con una significación negativa:
- Esi accidente que vi güei dexóme con mal cuerpu pa tol día.
- La muerte del mio vecín nun me dexó bon cuerpu, la verdá.
Persona finada.
- Apaeció un cuerpu flotando nel puertu d'El Musel.
(Vistimientu) Prenda ciñida de muyer pa vistir el troncu y que nun tien mangues.
Parte principal o central d'un oxetu.
- El cuerpu del edificiu.
Conxuntu de persones que trabayen na mesma profesión.
- El cuerpu de bomberos
Colectividá de trabayadores d'una mesma profesión que ta considerada como persona xurídica.
Fálase de la consistencia que tien una materia o sustancia.
Fálase de la consistencia y calidá d'un líquidu.
- Esti añu la sidra salió con mui bon cuerpu.
Consistencia d'un texíu, cayida d'una tela.
- Un chilecu de llana con munchu cuerpu.
(Tipografía) Tamañu d'un caráuter.

«cuerpu»: estructura física d'un ser humanu, d'un animal

Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.