Avery Schreiber
Avery Lawrence Schreiber[2] (9 d'abril de 1935, Chicago – 7 de xineru de 2002, Los Angeles) foi un actor y comediante d'Estaos Xuníos, activu nel teatru, el cine y la televisión.
Avery Schreiber | |
|---|---|
 | |
| Vida | |
| Nacimientu | Chicago, 9 d'abril de 1935[1] |
| Nacionalidá |
 Estaos Xuníos |
| Muerte | Los Angeles, 7 de xineru de 2002[1] (66 años) |
| Causa de la muerte | infartu de miocardiu |
| Oficiu | actor de teatru, actor de televisión, actor de cine |
| IMDb | nm0775213 |
 | |
Biografía
editarNacíu en Chicago, Illinois, los sos padres yeren Minnie Shear y George Schreiber.[2] Empecipió la so carrera artística nel Teatru Goodman de Chicago. Formó parte de la compañía The Second City y más tarde collaboró con Jack Burns, formando'l dúu Burns and Schreiber,[3] grabando dellos discos d'humor y actuando en numberosos shows televisivos. Nel branu de 1973 presentó'l show humorísticu d'ABC The Burns and Schreiber Comedy Hour.[4]
Schreiber ye recordáu polos sos anuncios comerciales de la marca Doritos na década de 1970, según poles sos actuaciones en programes televisivos clásicos. Yera fácilmente reconocible pol so bigote, el so pelo rizáu y les sos reacciones risibles.
En 1965 Schreiber fixo'l papel de Capitán Manzini en My Mother the Car, y foi collaborador regular del programa Chico and the Man. Tamién participó con frecuencia nel concursu Match Game, y foi convidáu a un episodiu de la primer temporada de El Show de los Muppets (escritu pol so antiguu compañeru, Jack Burns).
Schreiber siguió trabayando nel cine, la televisión y el teatru, según enseñando téuniques de teatru improvisacional a miles d'estudiantes hasta'l momentu de la so muerte, dando clases maxistrales en The Second City en Chicago y Los Angeles.
En 1994 Schreiber sufrió un infartu agudu de miocardiu, entueyu d'una diabetes. Anque sobrevivió a la ciruxía de triple bypass, nunca llegó a recuperase totalmente. Finalmente finó por causa d'otru infartu en 2002 nel centru Médicu Cedars-Sinai de Los Angeles, California.[5] Nel momentu de la so muerte moraba en Los Angeles.[3] Los sos restos fueron encenraos.
En 2003 fundóse'l Teatru Avery Schreiber nel distritu de North Hollywood, en Los Angeles.
Filmografía
editarTrabayu televisivu
editar| Añu | Programa | Papel |
|---|---|---|
| 1988 | Un cachorru llamáu Scooby-Doo | Voces adicionales |
| 1987 | Top Cat and the Beverly Hills Cats | Benny the ball |
| 1985 | Pound Puppies | Tubbs |
| 1984 | Faerie Tale Theatre Pinocchio | Barqueru |
| 1981 | Los Pitufos | |
| 1979 | Los Dukes de Hazzard | Wendel (Episodiu 1:13 - Double Sting) |
| 1976 | The Rockford Files | Azie Boyajian |
| 1976 | El Show de los Muppets | |
| 1974 | The Harlem Globetrotters Popcorn Machine | Mr. Evil |
| 1973 | The Burns and Schreiber Comedy Hour | |
| 1965 | My Mother the Car | Capitán Bernard Manzini |
Referencies
editar- ↑ 1,0 1,1 Afirmao en: Internet Broadway Database. Identificador de persona d'Internet Broadway Database: 16094. Apaez como: Avery Schreiber. Data de consulta: 9 ochobre 2017. Llingua de la obra o nome: inglés.
- ↑ 2,0 2,1 Biografía de Avery Schreiber (1935-2002)
- ↑ 3,0 3,1 McLellan, Dennis (9 de xineru de 2002). Avery Schreiber, 66. Jack Burns' Comedy Partner.. Los Angeles Times. Archivado del original el 2013-04-11. https://archive.today/20130411162701/http://pqasb.pqarchiver.com/latimes/access/98868063.html?dids=98868063:98868063&FMT=ABS&FMTS=ABS:FT&date=Jan+09,+2002&autor=DENNIS+McLELLAN&pub=Los+Angeles+Times&desc=Obituaries;+Avery+Schreiber,+66;+Jack+Burns'+Comedy+Partner&pqatl=google. Consultáu'l 26 d'abril de 2008. «Avery and Schreiber began working as a team again in 1972, after getting together for a benefit in Los Angeles. In 1973, ABC gave them a summer variety series, "The Burns and Schreiber Comedy Hour."».
- ↑ The Burns and Schreiber Comedy Hour - TV.com
- ↑ Comic Avery Schreiber DiesSun Journal, Lewiston p.A8, 08 January 2002 via Google News Archive. Retrieved 23 de xineru de 2011.
Enllaces esternos
editar- Avery Schreiber na Internet Movie Database (n'inglés)
- «Avery Schreiber». en Find a Grave. Consultáu'l 10 d'agostu de 2010. (n'inglés)
Datos: Q2874245
Multimedia: Avery Schreiber