Bill Pullman
William Pullman (17 d'avientu de 1953, Hornell (es) 
) ye un actor de cine y televisión d'Estaos Xuníos. Conocíu poles sos intervenciones en películes como While You Were Sleeping (1995), Casper (1995), Independence Day (1996) o Lost Highway (1997).
Bill Pullman | |
|---|---|
 | |
| Vida | |
| Nacimientu |
Hornell (es) , 17 d'avientu de 1953[1] (71 años) |
| Nacionalidá |
 Estaos Xuníos |
| Estudios | |
| Estudios |
State University of New York at Delhi (en) State University of New York at Oneonta (en) Universidá de Massachusetts Amherst |
| Llingües falaes | inglés[2] |
| Oficiu | direutor de cine, productor de cine, actor de cine, actor de teatru, actor de televisión |
| Emplegadores |
Universidad Estatal de Montana - Bozeman (es) |
| IMDb | nm0000597 |
| billpullman.org | |
 | |
Biografía
editarFíu d'un físicu y de una enfermera, ye'l primeru de los siete fíos que tuvieron los sos padres.[3][4] Amplió los sos estudios na Universidá de Massachusetts. La so carrera empezó nel teatru, en trabayando pa delles compañíes, como por casu la compañía Folger Theater Groupe en Los Angeles Theater Center.[3] Antes de dedicase dafechu a la interpretación consiguió un máster de Belles Artes pola Universidá de Massachusetts, y exerció como profesor de cine, direición y historia del teatru na Universidá Estatal de Montana mientres tres años. Casóse cola baillarina Tamara Hurtwitz en 1987, teniendo tres fíos llamaos Maisa, Jack y Louis.[4]
Carrera
editarTres numberosos trabayos en series de televisión, telefilmees y películes ensin gran repercusión crítica o comercial Bill Pullman empezó a llograr papeles destacaos en cintes como Sleepless in Seattle (1993), protagonizada por Meg Ryan y Tom Hanks, Sommersby (1993) con Richard Gere y Jodie Foster, Malice (1993) xunto a Nicole Kidman o La última seducción (película de 1994) na que compartía cartelu con Linda Fiorentino y que ye, hasta la fecha, la película meyor valorada de tola so trayeutoria.[5]
El so saltu a la fama produció los dos años siguientes con títulos de gran ésitu como la comedia romántica While You Were Sleeping (1995) na que compartía protagonismu con Sandra Bullock, recaldando 182 millones de dólares en tol planeta y consiguiendo el sofitu de la prensa especializada;[6][7] la comedia Casper (1995) con Christina Ricci y producida por Steven Spielberg, recaldando 287 millones de dólares nes taquilles;[8] y la súperproducción Independence Day (1996) na qu'apaecía xunto a Will Smith y que dirixó Roland Emmerich y que sumó 817 millones de dólares nes taquilles de tol mundu, convirtiéndose n'unu de lo mayores ésitos de taquilla de la historia del cine.[9]
Dempués d'estos trés ésitos consecutivos l'actor intervieno en producciones independientes y telefilmees con escasa repercusión. Volvió al cine con The Guilty (2000) xunto a Devon Sawa, anque finalmente nun foi estrenada nes sales comerciales de numberosos países.[10] Esi mesmu añu emprestó la so voz a la fracasada producción animada Titan A.E. (2000).[11] Más tarde llegaríen Igby Goes Down (2002) na que compartía protagonismu con Susan Sarandon o Jeff Goldblum y que recibió'l sofitu de la crítica;[12] el taquilleru remake estauxunidense de la película Ju-on: The Grudge (2003) tituláu The Grudge (2004) na qu'interpretaba al padre de Sarah Michelle Gellar y un cameo en Scary Movie 4 (2006), que sumó 178 millones de dólares.[13]
Magar dellos altibaxos Pullman tien pendiente d'estrenu los thrillers The Killer Inside Me (2010) protagonizada por Jessica Alba y Kate Hudson y Peacock (2010) na qu'apaez xunto a Josh Lucas y Susan Sarandon, amás de la comedia Rio Sex Comedy (2010) con Charlotte Rampling y Matt Dillon.
Tocantes a la so carrera teatral, trió los escenarios de Broadway en trés causes, coles obres The Goat or Who is Sylvia? (2002), d'Edward Albee, Oleanna (2009) y The Other Place (2013).
Filmografía
editarTelevisión
editarPelículeseditar |
Referencies
editar- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: idRef. Identificador de referencia de idRef SUDOC: 067169139. Data de consulta: 22 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ 3,0 3,1 Consultáu en 2010Biografía de Bill Pullman IMDb (n'inglés)
- ↑ 4,0 4,1 Consultáu en 2010Biografía de Bill Pullman filmreference.com (n'inglés)
- ↑ Consultáu en 2010Bill Pullman celebrity profile Rotten Tomatoes (n'inglés)
- ↑ Consultáu en 2010Recaldación de While You Were Sleeping Box Office Mojo (n'inglés)
- ↑ Consultáu en 2010Respuesta crítica a While You Were Sleeping Rotten Tomatoes (n'inglés)
- ↑ Consultáu en 2010Recaldación de Casper Box Office Mojo (n'inglés)
- ↑ Consultáu en 2010Worldwide Grosses Box Office Mojo (n'inglés)
- ↑ Consultáu en 2010Release dates for The Guilty IMDb (n'inglés)
- ↑ Consultáu en 2010Recaldación de Titan A.E. Box Office Mojo (n'inglés)
- ↑ Consultáu en 2010Respuesta crítica a Igby Goes Down Rotten Tomatoes (n'inglés)
- ↑ Consultáu en 2010Recaldación de Scary Movie 4 Box Office Mojo (n'inglés)
Enllaces esternos
editar
Wikimedia Commons acueye conteníu multimedia sobre Bill Pullman.- Bill Pullman na Internet Movie Database (n'inglés)
Datos: Q315763- Multimedia: Bill Pullman