Danita

Los danites yeren una organización considerada ficticia, que sería fundada ente los Santos de los Últimos Díes en xunu de 1838, nel pueblu de Far West, Condao de Caldwell, estáu de Missouri. La lleenda nació mientres el curtiu periodu d'organización formal de la ilesia en Missouri, na que'l disidente mormón Sampson Avard referiría nuna corte que los danites tomaríen una parte primordial nos eventos de la Guerra Mormona. La naturaleza y l'algame exactos de la organización, y la so conexón con La Ilesia de Xesucristu de los Santos de los Últimos Díes ye un motivu de bastante discutiniu ente los historiadores. Munchos autores usaron el terror d'esti grupu secretu como parte de les sos noveles del oeste americanu. Mark Twain fixo usu de los danites nel rexistru ficticiu Roughing It sobro la so estadía de dos díes en Salt Lake City en 1861. Sir Arthur Conan Doyle, publicó en 1890 la novela de misteriu Estudio n'escarlata na que'l personaxe Sherlock Holmes resolviera un asesinatu cometíu por danites en Salt Lake City. Pa empiezos del sieglu XX siquier 50 noveles publicaes n'inglés usaben personaxes danites pa describir trames de pillaxe, combalechadura y asesinatu ente los ciudadanos más pacíficos. Nun esisten rexistros de que la organización esistiera en Nauvoo o nel territoriu d'Utah.

Enllaces esternos

• Wikimedia Commons tien conteníu multimedia tocante a Danita.

• Datos: Q389648