Dinastía saffarí

	dinastía
Alministración
Xeografía

La dinastía saffarí (en persa: سلسله صفاریان‎‎ Sasah ṣafāryān) gobernó ente 861 y 1003 en Sistán, nel sureste del actual Irán y suroeste d'Afganistán.^[1] Foi la primer dinastía surdida n'Irán tres la conquista musulmana de Persia que trató de caltener elementos de la cultura llocal –ente ellos el cultivu cortesanu de la llingua persa– xunto a la relixón islámica, introducida polos árabes.^[2]

La capital safárida taba en Zaranj (agora n'Afganistán). La dinastía foi fundada —y de él tomó'l so nome— por Yá'qub bin Laith as-Saffar, un home d'oríxenes humildes que s'alzó dende unos empiezos modestos como artesanu del cobre (saffar) pa convertise nun señor de la guerra. Controló la rexón de Sistán, conquistando tol Afganistán, lo qu'anguaño ye Irán oriental y partes de Paquistán. Yá'qub empezó la so campaña como ayyar y col tiempu consiguió'l poder d'actuar como un gobernante independiente. Usando la so capital (Zaranj) como base pa una espansión agresiva escontra l'este y l'oeste, derrocaron a la dinastía tahirida y anexonáronse Jorasán en 873. Al morrer Yá'qub en Jundai Sahpur en 879, conquistara'l valle de Kabul, Sind, Tocaristán, Makrán (Beluchistán), Kermán, Fars, Jorasán y cuasi llegó a Bagdag pero entós foi ganáu poles fuercies del califa abbasí en Dayr al-'Aqul en 876.^[3]

L'Imperiu saffarí nun duró muncho depués de la muerte de Yá'qub. El so hermanu y socesor Amr bin Laith foi ganáu nuna batalla colos samánides del emir Ismail Samani en 900. Amr bin Laith viose obligáu a apurrir la mayor parte de los sos territorios a los nuevos gobernantes. Los saffaríes quedaron entós confinaos nel so centru de Sistán, viéndose amenorgaos al papel de vasallos de los samánidas y los sos socesores.

Gobernantes de la dinastía saffarí

Yá'qub bin Laith as-Saffar (867-879)
Amr bin Laith (879-901)
Tahir I (901-908)
Laith (908-910)
Mohammed I de Persia (910-912)
Amr II (912-913)
Ahmad I bin Mohammed (922-963)
Wali-ud-Dawlah (un títulu) Khalaf I (963-1003)

Ver tamién

Referencies

↑ Nancy Hatch Dupree - An Historical Guide To Afghanistan - Sites in Perspective (Chapter 3)..., disponible en: Link.
↑ Rodríguez Vargas, Joaquín (2011). Gramática xeneral del persa contemporaneu. España: Almuzara, páx. 49-50. ISBN 978-84-92924-53-0. «Cuando llegó al tronu nun favoreció a los poetes que n'árabe -y combayaben colos sos panexíricos, contestándo-y a unu d'ellos allá una vegada con una frase que pasó a la historia de la lliteratura persa «ānčē andar náyābam čerā bâyad goft?» (¿Por qué hai que dicir lo que nun entiendo?), promviendo asina na so corte'l so idioma maternu y, arriendes d'ello, la creación de los primeros panexíricos que se conocen en persa modernu.»
↑ Britannica, Saffarid dynasty

Enllaces esternos

Britannica - Saffarid Dynasty
Nancy Hatch Dupree - An Historical Guide To Afghanistan

[1] Nancy Hatch Dupree - An Historical Guide To Afghanistan - Sites in Perspective (Chapter 3)..., disponible en: Link.

[2] Rodríguez Vargas, Joaquín (2011). Gramática xeneral del persa contemporaneu. España: Almuzara, páx. 49-50. ISBN 978-84-92924-53-0. «Cuando llegó al tronu nun favoreció a los poetes que n'árabe -y combayaben colos sos panexíricos, contestándo-y a unu d'ellos allá una vegada con una frase que pasó a la historia de la lliteratura persa «ānčē andar náyābam čerā bâyad goft?» (¿Por qué hai que dicir lo que nun entiendo?), promviendo asina na so corte'l so idioma maternu y, arriendes d'ello, la creación de los primeros panexíricos que se conocen en persa modernu.»

[3] Britannica, Saffarid dynasty

[1]

[2]

[3]