Estannita
La estannita ye un mineral de la clase de los minerales sulfuros, y dientro d'esta pertenez al llamáu “grupu de la estannita”. Foi afayada en 1797 nuna mina de Cornualles, n'Inglaterra (Reinu Xuníu), siendo nomada asina del llatín stannum, pol so conteníu n'estañu.[7] Sinónimos pocu usaos son: kassiterolamprita, volfsonita, pirita-estañosa o bolivianita.
Estannita | |
|---|---|
 | |
| Xeneral | |
| Categoría |
especie mineral (es)  [1] |
| Subclase de |
stannite mineral group (en) [2] |
| Fórmula química | Cu₂FeSnS₄ |
| Epónimu | estañu (llatín) |
| Propiedaes físiques | |
| Color de la raya | negru |
| Clasificación | |
| Nickel-Strunz 8ª ed. | II/B.03a[4] |
| Nickel-Strunz 9ª ed. | 2.CB.15a[5] |
| Nickel-Strunz 10ª ed. | 2.CB.15a[6] |
 | |
Carauterístiques químiques
editarYe un sulfuru de cobre, fierro y estañu. El grupu de la estannita en que s'encuadra son toos sulfuros o seleniuros de dellos metales con sistema cristalín tetragonal.
Forma una serie de solución sólida cola kesterita (Cu2ZnSnS4), na que la sustitución gradual del fierro por cinc va dando los distintos minerales de la serie. Ye dimorfu de la ferrokesterita (Cu2(Fe,Zn)SnS4).
Amás de los elementos de la so fórmula, suel llevar como impureces: plata, cinc, cadmiu, indiu y xermaniu.
Formación y xacimientos
editarApaez en vetes hidrotermales en xacimientos de minerales del estañu, onde se forma nuna fase posterior y más fría que la casiterita. Tamién apaez, más escasamente, en roques pegmatitas.
Suel atopase acomuñáu a otros minerales como: calcopirita, esfalerita, tetraedrita, arsenopirita, pirita, casiterita o wolframita.
Usos
editarEstrayese nes mines como mena del metal d'estañu.
Referencies
editar- ↑ Afirmao en: The IMA List of Minerals (November 2018). Autor: International Mineralogical Association - Commission on new minerals, nomenclature and classification. Data d'espublización: payares 2018.
- ↑ Afirmao en: Kivet. Páxina: 39. Cita: STANNIINIRYHMÄ. Editorial: WSOY. Llingua de la obra o nome: finlandés. Data d'espublización: 2000.
- ↑ Afirmao en: webmineral.com.
- ↑ Afirmao en: Mineralogische Tabellen : Eine Klassifizierung der Mineralien auf kristallchemischer Grundlage, mit einer Einfuhrung in die Kristallchemie (1982). Autor: Karl Hugo Strunz. Editorial: Akademische Verlagsgesellschaft. Data d'espublización: 1982.
- ↑ Afirmao en: mineralienatlas.de. Llingua de la obra o nome: inglés.
- ↑ Afirmao en: MinDat. Llingua de la obra o nome: inglés.
- ↑ Klaproth, M.H., 1797.
Enllaces esternos
editar- Estannita Archiváu 2016-04-07 en Wayback Machine, uned.es.
- Estannita, mindat.org.
- Estannita, webmineral.com.
- Manual de estannita, Mineral Data Publishing.
