Gas llacrimóxeno

Un gas llacrimóxeno ye un tipu d'arma química. Usáronse na Primer Guerra Mundial (1914-1918) y anguaño pueden aportar a disparase escontra la población civil pa provocar llariméu, irritación y ceguera temporal. Los compuestos químicos usaos más davezu son el bromuru de bencilu o'l gas CS (o-clorobenzilidenu malononitrilu).

Bomba llacrimóxena rebotando acabante españar, llanzada escontra estudiantes de Grecia.

Composición

Cualesquier compuestu químicu que produza estos efeutos puede llamase llacrimóxenu, pero “axente de control antidisturbios” o “gas llacrimóxeno” implica un productu químicu llacrimóxenu escoyíu pola so baxa toxicidá y por nun ser letal.

Estos productos químicos úsense pa esperdigar un disturbiu, yá que pueden producir rápido irritación o incapacitación sensorial, que sumen en cesando la esposición. Tamién puen usase na guerra química, anque'l so usu en guerra ye una violación de la Convención sobre Armes Químiques (Convenios de Xinebra).

El gas llacrimóxeno ye un términu xeneral pa cualesquier compuestu químicu que s'use pa incapacitar temporalmente per aciu la irritación de los güeyos o del aparatu respiratoriu. El gas llacrimóxeno úsase como aerosol de mano o en forma de granada. Ye llargamente usáu poles fuercies de policía p'apoderar a la xente mientres un arrestu o una situación de disturbiu. Pa combatir los sos efeutos puede bebese lleche pa compensar l'ardor en boca y gargüelu.

Los gases llacrimóxenos populares son los irritantes oculares, y l'irritante respiratoriu aerosol de pimienta. Estos gases avecen a disparase en botes qu'emiten gas a un ritmu fixu.

Ver tamién

• Aerosol de pimienta

Enllaces esternos

• Riot control agents; mecanismu, efeutos (n'inglés).

• Datos: Q190512