Irina Cháshchina

Irina Cháshchina
Vida
Nacimientu	Omsk, 24 d'abril de 1982 (42 años)
Nacionalidá	Rusia
Estudios
Llingües falaes	rusu
Oficiu
Oficiu	ximnasta rítmica
	Participante medaya de plata olímpicogymnastics at the 2004 Summer Olympics – women's rhythmic individual all-around (en) ;
Pesu	44 kg
Altor	168 cm
Premios	ver Medalla de la Orden al Mérito por la Patria, 2.ª clase ;

Irina Víktorovna Cháshchina (rusu: Ири́на Ви́кторовна Ча́щина, en dellos llugares trescritu equivocadamente como Tchachina) (24 d'abril de 1982, Omsk), ye una ex ximnasta rítmica profesional que ganó la medaya de plata nos Xuegos Olímpicos d'Atenes 2004 en modalidá individual con una puntuación de 107.325 puntos. Neses Olimpiaes el primer puestu sería pa Alina Kabáyeva y el bronce p'Anna Bessonova. En 2005 ganaría'l Campeonatu d'Europa de Moscú. Nos Goodwill Games (Xuegos de Bona Voluntá) de 2001, celebraos en Brisbane (Australia), foi oru en pelota, maces y cuerda, y plata nel concursu individual y aru. Irina y la so compañera d'equipu, Alina Kabáyeva dieron positivu nun diuréticu prohibíu (furosemida), polo que fueron sancionaes un añu ensin competir y #quitar eses medayes y les de los meses posteriores, incluyendo les llograes nel Mundial de Madrid.^[1]

Les sos entrenadores fueron Vera Shteilbaums, Elena Arais y Irina Víner. Los medios suelen destacar davezu la so flexibilidá, elegancia y potencia nel saltu. Entrenaba 12 hores al día (con un día llibre pela tarde) nel club CSKA de Moscú.

Fala rusu, inglés y un pocu d'italianu. Los sos aparatos favoritos yeren l'aru y pelota. Anguaño ye vicepresidenta de la Federación Rusa de Ximnasia Rítmica.

Referencies

↑ Gymnasts protest drug innocence, BBC, Consultáu'l 21 d'agostu de 2009

Enllaces esternos

[1] Gymnasts protest drug innocence, BBC, Consultáu'l 21 d'agostu de 2009

[1]