Lanai

Lanai (oficialmente en ḥawaianu Lānaʻi) ye una de les islles de Ḥawai. Alministrativamente depende del condáu de Maui. El so nome en ḥawaianu significa 'antoxana' o 'balcón'.

Lanai
Alministración
País	Estaos Xuníos d'América
Estaos	Ḥawai
Condáu	[[d:Special:EntityPage/Q111409|{{{2}}}
Tipu d'entidá	islla
Xeografía
Coordenaes	20°49′30″N 156°55′12″W
Superficie	363.97 km²
Puntu más altu	Lānaihale (en)
Altitú media	1,026 m
Demografía
Población	3102 hab. (2010)
Densidá	8,52 hab/km²
Más información
Estaya horaria	UTC−10:00
gohawaii.com…

Xeografía

La islla ye casi circular, con una forma que recuerda un pocu a una coma y una superficie total de 364 km². Lanai ta dixebrada de Molokai pola canal Kalohi al norte, y de Maui pola canal Auʻau al este. La única ciudá ye Lānaʻi City, asitiada nel centru de la islla. La población total yera de 3.193 habitantes nel censu del 2000.

Historia

Lanai foi afayada pol capitán Charles Clerke a bordu del HMS Resolution, el 25 de febreru de 1779, cuando partía de les islles pocos díes dempués de la muerte de James Cook.

En 1922, James Dole, el presidente de la Dole Food Company, mercó tola islla de Lanai y convertiola nel plantíu de piñes (o ananás) más grande del mundu. Llegó a producir el 75% del mercáu de piñes, con especial ésitu de les piñes en conserva. Por eso Lanai tien el nomatu de Pineapple Island o Islla Piña. Na década de 1980 empezose a diversificar la economía escontra'l turismu.

En 1985 foi mercada pola empresa Landowner Castle and Cook, propiedá de David Murdock, y en xunu de 2012, Larry Ellison, conseyeru delegáu de Oracle, mercó la mayor parte de la islla a Murdock.

Turismu

El desenvolvimientu del turismu en Lānaʻi foi abondo recién, cola retirada paulatina de la industria de la piña nes islles.

Esisten dos complexos hoteleros en Lānaʻi: Mānele Bay y l'abelugu o Lodge de Kōʻele. Esti postreru ye un casu atípicu en Hawaiʻi yá que s'atopa nel interior y non cerca de la sablera. Hai tamién un pequeñu hotel en Lānaʻi City destináu principalmente a agospiar a quien visiten a los residentes en Lānaʻi. Dambos cunten con campu de golf y formen parte de los Four Seasons.

El puntu más eleváu ye Lānaʻihale, con una altitú de 1.027 metros (3.370 pies).

Intereses

• La mayor residencia privada de la islla ye una casona propiedá del billonario Paul Allen. Atópase al pie de la Badea de Mānele, que da a Kaanapali na islla de Maui.

Galería

• 
  El Xardín de los Dioses
• 
  Montes en Lānaʻi
• 
  Barcu naufragáu na Sablera del Naufraxu
• 
  Roca Kaneapua
• 
  Murios de Halulu Heiau.

Enllaces esternos

• Wikimedia Commons acueye conteníu multimedia sobre Lanai.
• Mapa con semeyes (n'inglés)
• Guía de viaxe de Lanai (n'español)

• Datos: Q187063
• Multimedia: Lanai