Mytilidae
El moxón[1], morción[2], moxigón[3] o vexigón[4], familia Mytilidae, ye un moluscu bivalvu de gran interés económicu y gastronómicu n'Asturies. Como otros bivalvos, son animales filtraores que viven fixaos nel sustratu y roquéu marín.
Mytilidae  | ||
|---|---|---|
 | ||
| Clasificación científica | ||
| Reinu: | Animalia | |
| Superfilu: | Protostomia | |
| Filu: | Mollusca | |
| Clas: | Bivalvia | |
| Orde: | Mytiloida | |
| Superfamilia: | Mytiloidea | |
| Familia: |
Mytilidae Rafinesque, 1815 | |
| Xéneros | ||
| ||
| Consultes | ||
| [editar datos en Wikidata] | ||
Dalgún de los sos depredadores naturales son la estrella de mar y dalgunos cascoxos marinos.
Dende hai años, detectárense en dellos ríos de la cuenca mediterranea, la presencia d'una especie foriata denomada moxón cebra (Dresissema polymorpha), que ta colonizando los banzaos a gran velocidá.
Usos
editar
Na gastronomía de dellos países vémoslu davezu cocíu, nesi intre, les valves ábrense per aciu del calor, dexando allupar el conteníu del moxón. Cuando se sirve, suel dir acompangáu de delles salses (vinagreta, mayonesa), y ye abondo popular na gastronomía del Norte de la Península, sobro too n'Asturies, Les Xornaes Gastronómiques de Tapia de Casariego, au les especialidaes del moxón pasen por ser de les más afamaes del Norte. D'esta miente, tenemos el afamáu moxón en mueyu verde o a la mariñera, magar que tamién suel facese namái al vapor o vafu, acompangáu de llimón, otra mena de preparalu ye'l Tigre nel que se maza la carne pa dempués entemecela con otros ingredientes (ayu, pimienta, esguiles, fariña, pimentón, pan rallao) y salsa bexamel, enllenando dempués la cónxara, pa yá no cabero empanala y freíla.
Envasaos
editarLa normativa de la Comunidá Europea afita tres menes comerciales de moxones envasaos en función de les talles de so carne, y mídila en rellación col númberu de pieces por quilogramu. Esta clasificación ye:
- Grande, hasta 110 pieces por kg
- Medianu, hasta 140 pieces por kg
- Pequeñu, hasta 300 pieces por kg
Pue alminitse una tolerancia nel tamañu grande hasta un 5 por 100 de pieces del tamañu medianu. De la mesma mena, almítese una tolerancia nel tamañu medianu hasta un 10 por 100 de pieces nel tamañu pequeñu.
Xéneros
editar- Adipicola Dautzenberg, 1927
- Adula H. Adams and A. Adams, 1857
- Amygdalum Megerle von Muhlfeld, 1811
- Arcuatula Soot-Ryen, 1955
- Botula Mörch, 1853
- Brachidontes Swainson, 1840
- Crenella T. Brown, 1827
- Dacrydium Torell, 1859
- Geukensia Van de Poel, 1959
- Gregariella di Monterosato, 1884
- Idasola Iredale, 1939
- Ischadium Jukes-Browne, 1905
- Lioberus Dall, 1898
- Lithophaga Roding, 1798
- Megacrenella Habe and Ito, 1965
- Modiolula Sacco, 1898
- Modiolus Lamarck, 1799
- Musculus Roding, 1798
- Mytilus Linnaeus, 1758
- Perna Philipsson, 1788
- Rhomboidella Monterosato, 1884
- Septifer Recluz, 1848
- Solamen Iredale, 1924
- Stenolena Dall, Bartsch, and Rehder, 1938
- Vilasina Bartsch, 1960
Referencies
editar- ↑ Esti términu apaez nel Diccionariu de l'Academia de la Llingua Asturiana. Ver: moxón
- ↑ Esti términu apaez nel Diccionariu de l'Academia de la Llingua Asturiana. Ver: morción
- ↑ Esti términu apaez nel Diccionariu de l'Academia de la Llingua Asturiana. Ver: moxigón
- ↑ Esti términu apaez nel Diccionariu de l'Academia de la Llingua Asturiana. Ver: vexigón
Enllaces esternos
editar
Wikimedia Commons acueye conteníu multimedia sobre Mytilidae.
| Wikispecies tien un artículu sobre Mytilidae. |
