Nueche de San Xuan

La Nueche de San Xuan ye una fiesta d'orixe paganu que coincide col solsticiu de branu. Tratábase de celebrar el fenómenu astronómicu pa da-y "fuercia al Sol", yá que dende esos díes diben siendo menos les hores de lluz. Tamién se trataba d'allonxar los malos augurios cola quema de coses vieyes, cola llegada del cristianismu púnxose-y el nome de San Xuan Bautista pa llograr un averamientu a les cultures paganes.

Anguaño ye una fiesta mui popular per tol mundu anque seya d'orixe européu.

Nueche de San Xuan n'Asturies

N'Asturies hai gran bayura de ritos rellacionaos con esta folixa: arriendes de la foguera, alrodiu la que se bailla la danza prima en sen contrariu a les manes del reló (escontra'l pasáu), y que tien de saltase perriba un númberu impar de vegaes, l'enramáu la fonte pa les xanes, cuayada (pa que coman los xaninos, pues les xanes nun tienen lleche y en casu de nun tener cuayada van cambiar al so fíu por un humanu), una aguya (pa que la xana cosa col so filu d'oru) y un tortu, pa que coma. El poner el ramín de trébole nel balcón la namorada ("al coyer el trebole los mios amores van" diz el canciu). Coyer la Flor del Agua, el primer agua d'esi riscar, que xeneralmente se coyía de la rosada, nos praos. Intentar aldovinar el futuru con clara de güevu. Recoyer plantes melecinales y/o máxiques que tienen en San Xuan más poder.

Nueche de San Xuan

Nueche de San Xuan n'Asturies

Referencies

Enllaces esternos