Qingtian
Qingtian (chinu: 青田县, pinyin: Qīngtián xiàn) ye un condáu suburbanu so l'alministración directa de la ciudá-prefectura de Lishui, República Popular China. Allugáu nel sudeste de la provincia de Zhejiang, ta al llau del ríu Ou (Oujiang). El condáu tien una población de 336 542 habitantes (2010) ya un área de 2.493 kilómetros cuadraos, con un clima subtropical monzónicu. La temperatura medio añal ye de 18,3 °C con unes precipitaciones de 1747 mm.
 Qingtian | |
|---|---|
 | |
| Alministración | |
| País |  República Popular China |
| Provincies | Zhejiang |
| Ciudá-prefeutura | Lishui |
| Tipu d'entidá | Condáu de la República Popular China |
| Nome oficial | 青田县 (zh-cn) |
| Códigu postal |
323900 |
| Xeografía | |
| Coordenaes | 28°08′20″N 120°17′12″E / 28.13902°N 120.28674°E |
  Qingtian Qingtian (República Popular China)  | |
| Superficie | 2477.13 km² |
| Demografía | |
| Población | 336 542 hab. (2010) |
| Porcentaxe | 1.59% de Lishui |
| Densidá | 135,86 hab/km² |
| Más información | |
| Estaya horaria | UTC+08:00 |
| qingtian.gov.cn | |
 | |
Qingtian tien una llarga historia, con persones destacaes ya ye famosu por ser el "llar de los tallaos de piedra" (xade ya otros minerales) o la "ciudá de los chinos d'ultramar". Ye bien común qu'estos chinos d'ultramar vuelvan pa la so tierra pa caltener contactu colos sos raigaños, siendo fasta 200.000 habitantes (polo xeneral guaḥes) los que vienen de visita pel branu.
Emigración a España
editarLa gran mayoría de la emigración china a España provién de Qingtian. Los adultos inda saben falar el qingtianhua, pero los más xóvenes escaecieron la llingua. Dalgunos inclusive escaecieron el chinu estándar.[1]
Patrimoniu agrícola mundial
editarL'ecosistema de los campos d'arroz camudaos pal cultivu de pexes de Qingtian forma parte de los Sistemes Importantes del Patrimoniu Agrícola Mundial (SIPAM). L'asociación peces-arroz nos mesmos campos anubiertos tien numberoses ventayes. Los pexes aproven fertilizante ya comen bárabos ya maleza, amenorguen l'usu de fertilizantes químicos, pesticidas ya yerbicíes pal control d'inseutos ya maleces. Cultívense unes 20 variedaes natives d'arroz, entrepolaes con güertes familiares, ganáu, aves de corrolada, sebes ya frutales nativos, incluyendo raigañu de lotu, xudíes, ñame, berenxenes, cirueles chines (Prunus simonii) ya morera, seis races natives de carpes ya otres cincu especies de pexes, amás d'un gran númberu d'especies vexetales con propósitos melecinales.[2]
Esti sistema remóntase a 1200 años, mientres la dinastía Ching, en que yá se costruyíen diques para allugar peces nos campos d'arroz.[3]
Persones relevantes
editarReferencies
editar- ↑ Zigor Aldama (23 abril de 2015). «¿De dónde vienen los chinos que emigran a España?». Diario Sur. https://www.diariosur.es/sociedad/201504/23/donde-vienen-chinos-emigran-20150423202722.html?ref=https:%2F%2Fwww.google.com%2F. Consultáu'l 7 de xineru de 2021.
- ↑ «Sistemas piloto SIPAM alrededor del mundo». Sistemas Importantes del Patrimonio Agrícola Mundial. FAO. Consultáu'l 21 de xineru de 2017.
- ↑ «GIAHS Pilot Site 1: Qingtian Rice-Fish Culture, Zhejiang». Ministry of Agriculture, China (2013). Archiváu dende l'orixinal, el 29 de xineru de 2017. Consultáu'l 21 de xineru de 2017.
Enllaces esternos
editar
Wikimedia Commons acueye conteníu multimedia sobre Qingtian.
Datos: Q1361329- Multimedia: Qingtian County