Termodinámica
La termodinámica[1] (del griegu θερμo-, termo, que significa "calor" y δύναμις, dinámicu, que significa "fuercia") ye una rama de la física qu'estudia los efeutos de los cambeos de la temperatura, presión y volume de los sistemas físicos a un nivel macroscópicu.
La termodinámica básase en lleis establecíes esperimentalmente:
- La Llei Cero de la Termodinámica determina que, cuando dos cuerpos tienen igualdá de temperatura con un tercer cuerpu, ellos tienen igualdá de temperatura ente sí. Esta llei ye la base pa facer les midíes de temperatura.
- La Primer Llei de la Termodinámica favorez l'aspectu cantitativu de procesos de conversión d'enerxía. Ye'l principiu de la conservación de la enerxía: "La enerxía del Universu ye constante".
- La Segunda Llei de la Termodinámica determina l'aspectu cualitativu de procesos en sistemas físicos, esto ye, los procesos tienen llugar nuna cierta direición mas nun puen asoceder na direición opuesta. Enunciada por Rudolf Clausius del siguiente xeitu: "La entropía del Universu tiende a un máximu".
- La Tercer Llei de la Termodinámica establez un puntu de referencia absolutu pa la determinación de la entropía, representáu pol estáu postreru d'orde molecular máxima y mínima enerxía. Enunciada como "La entropía d'una sustancia cristalina pura na temperatura cero absoluto ye cero". Ye estremadamente útil nel analís termodinámicu de les reaiciones químiques, como la combustión, por exemplu.
Referencies
editar- ↑ Esti términu apaez nel Diccionariu de l'Academia de la Llingua Asturiana. Ver: termodinámica
Enllaces esternos
editar
Wikimedia Commons acueye conteníu multimedia sobre Termodinámica.
Datos: Q11473- Multimedia: Thermodynamics
Recursos didácticos: Termodinámica
Cites famoses: Termodinámica