Tony Goldwyn

Anthony Howard "Tony" Goldwyn (20 de mayu de 1960, Los Angeles) ye un actor y direutor d'Estaos Xuníos. Interpreta al villanu Carl Bruner en Ghost, tamién interpreta a Kendall Dobbs en Designing Women y pon-y voz al personaxe de Disney, Tarzán, na película del mesmu nome y tamién pon voz al mesmu personaxe nel videoxuegu Kingdom Hearts.

Tony Goldwyn
Vida
Nacimientu	Los Angeles, 20 de mayu de 1960 (64 años)
Nacionalidá	Estaos Xuníos
Llingua materna	inglés
Familia
Padre	Samuel Goldwyn, Jr.
Madre	Jennifer Howard
Casáu con	Jane Musky
Fíos/es	Anna Musky-Goldwyn Tess Goldwyn
Hermanos/es	Liz Goldwyn John Goldwyn
Estudios
Estudios	London Academy of Music and Dramatic Art Universidá Brandeis Universidad de Hamilton (es) HB Studio (es)
Llingües falaes	inglés
Oficiu	direutor de cine, actor de voz, actor de teatru, actor de cine, actor de televisión, actor, guionista, productor de cine, cantante
Trabayos destacaos	Tarzan
Miembru de	SAG-AFTRA (es) Sindicato de Actores (es)
Creencies
Relixón	xudaísmu
Partíu políticu	Partíu Demócrata
IMDb	nm0001282

Biografía

Vida personal

Goldwyn nació en Los Angeles, California, ye fíu de Jennifer Howard y del productor cinematográficu Samuel Goldwyn, Jr.; los güelos paternos de Goldwyn yeren Samuel Goldwyn y Frances Howard, ente que los sos güelos maternos yeren el dramaturgu Sidney Howard y l'actriz Clara Eames. Goldwyn allegó al Hamilton College en Clinton, Nueva York, a la Universidá de Brandeis en Waltham, Massachusetts (onde recibió la so BFA), y la London Academy of Music and Dramatic Art. Goldwyn ta casáu cola diseñadora de producción Jane Musky y la pareya tien dos fíos.

Carrera

Goldwyn ye conocíu pol papel en Ghost de Carl Bruner. Tamién ye conocíu pol so papel na comedia televisiva, Designing Women, na qu'encarnó a un nuevu diseñador d'interiores llamáu Kendall Dobbs que yera HIV positivu, y pidió a les muyeres de Sugarbakers que diseñaren el so funeral. Na miniserie de HBO From the Earth to the Moon, Goldwyn encarna'l papel del astronauta, Neil Armstrong, comandante del Apollo 11. Tamién dio voz al personaxe de Disney Tarzán, na película Tarzan. Goldwyn representó al mesmu personaxe nos videoxuegos, Tarzan Untamed y Kingdom Hearts.

Como actor de teatru, Goldwyn apaeció dos veces n'obres Off-Broadway, nel Second Stage Theatre; y en Broadway y nel Circle in the Square Theatre. En Second Stage Theatre apaeció en Spike Heels (1992) de Theresa Rebeck, xunto a Kevin Bacon y Julie White. Nel branu de 2006, nel Second Stage Theatre protagonizó xunto a Kate Burton otra obra de Rebeck, The Water's Edge. Apocayá apaeció nos episodios "Brother's Keeper" "Grimm" y "Endgame" en Law & Order: Criminal Intent. Anguaño trabaya na serie Scandal (serie de televisión) onde interpreta al presidente ficticiu Fitzgerald Grant.

Filmografía

• Friday the 13th Part VI: Jason Lives (1986)
• Gaby: A True Story (1987)
• Ghost (1990)
• Kuffs (1991)
• The Pelican Brief (1993)
• Nixon (1995)
• Reckless (1995)
• Kiss the Girls (1997)
• A Walk On The Moon (1999) (direutor)
• Tarzán (1999) (voz)
• The 6th Day (2000)
• Bounce (2000)
• Joshua (2002)
• Kingdom Hearts (2003) (voz de Tarzan)
• The Last Samurai (2003)
• The Godfather of Green Bay (2005)
• American Gun (2005)
• Romance & Cigarettes (2005)
• The Last Kiss (2006) (direutor)
• Grey's Anatomy (2006) (direutor de dos episodios)
• Dexter (2006) (direutor en cuatro episodios)
• Private Practice (2007) (direutor nun episodiu)
• The Last House on the Left (2009) (padre)
• The Mechanic (2011)
• Scandal(2012-presente) (Fitzgerald Grant)
• Divergent (2014) (Andrew Prior)

Enllaces esternos

• Tony Goldwyn na Internet Movie Database (n'inglés)

Referencies

• Datos: Q224754
• Multimedia: Tony Goldwyn