raya

Asturianu

Pronunciación

• [ ˈra.ʝa ]

«raya»

(rexistru)

Sustantivu (1)

femenín singular raya; plural rayes

1. (Anatomía), (Medicina) Marca de mancadures, de firíes, que queden fixo tres de guarir.

Sinónimos

• cordura, marnia, rayonada, repulgu ~ repuelgu, revés

Términos rellacionaos

• repulgar

Etimoloxía

• Del llatín radia.

Traducciones y equivalencies

«raya»: marca, mancadura na piel

Español: cicatriz (es) Francés: cicatrice (fr)

Inglés: scar (en)

Sustantivu (2)

femenín singular raya; plural rayes

1. (Ictioloxía), (Alimentación), (Gastronomía) Cualquiera de los pexes marinos de la familia de los Rajiformes, caracterizaos por tener el cuerpu aplanáu y de forma romboidal arredondiada, y con un rabu llargu.
2. (Ictioloxía) Pexe marín de cuerpu aplanáu y romboidal, que pue algamar 1,80 m de llargor, de color marrón o gris escuro na parte del llombu y blanco pel vientre, de focicu arredondiáu, con un rabu llargu y finu de color negro que tien un aguiyón venenosu, de nome científicu Myliobatis aquila.
3. (Ictioloxía) Pexe marín de cuerpu aplanáu y romboidal, que pue algamar 70 cm de llargor, de color marrón con dos manches escures y redondes na parte del llombu y blanco o arrosao pel vientre, coles aletes pectorales arredondiaes, de nome científicu Leucoraja naevus.
4. (Ictioloxía) Pexe marín de la triba de les rayes, de cuerpu aplanáu horizontalmente que pue algamar los 60 cm de llargor, coles aletes pectorales arredondiaes y cabeza aplanada, de rabu robezu y musculosu, de pelleyu lliso y color amarronao y apardao a manches, y que poseye nos costaos unos órganos que son a dar descargues eléctriques, de nome científicu Torpedo marmorata.
5. (Ictioloxía) Pexe marín de la familia de les rayes, de cuerpu romboidal aplanáu horizontalmente que pue algamar los 150 cm de llargor, de color marrón o gris escuro con pintes más clares, percarauterizáu pol so focicu llargu y apuntiáu, de rabu fuerte llargu como'l cuerpu y que va estrechándose escontra la punta, de nome científicu Dipturus oxyrhynchus.

• 
  Una raya Myliobatis aquila.
• 
  Una raya Leucoraja naevus.
• 
  Una raya Torpedo marmorata.
• 
  Ilustración d'una raya Dipturus oxyrhynchus.

Sinónimos

• [2] estíngola, chuchu
• [3] raya escayuda, escayuda, escamuda, santiagu
• [4] pexe llétricu, estíngola, formiga, formigón, ortiga, ortiga de la mar, temblón
• [5] raya picuda, raya picón, rayón, picuda, picudu, picón

Etimoloxía

• Del llatín raia.

Traducciones y equivalencies

«raya»: pexe marín Rajiformes

Catalán: rajada (ca) Español: raya (es) Francés: raie (fr) Gallegu: raia (gl)

Inglés: ray (en) Portugués: arraia (pt), raia (pt) Vascu: arraia (eu)

«raya»: pexe Myliobatis aquila → ver traducciones na entrada estíngola

▶ ver traducciones na entrada estíngola

«raya»: pexe Leucoraja naevus → ver traducciones na entrada escayuda

▶ ver traducciones na entrada escayuda

«raya»: pexe Torpedo marmorata → ver traducciones na entrada pexe llétricu

▶ ver traducciones na entrada pexe llétricu

«raya»: pexe Dipturus oxyrhynchus → ver traducciones na entrada raya picuda

▶ ver traducciones na entrada raya picuda

Referencies

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionario General de la Lengua Asturiana; Xosé Lluis García Arias, Editorial Prensa Asturiana, 2002-2004, Uviéu; ISBN: 84-87730-86-8. Versión on-line.
• Diccionariu Etimolóxicu de la Llingua Asturiana; Xosé Lluis García Arias, Universidá d'Uviéu & Academia de la Llingua Asturiana, 2017-2021, Uviéu; ISBN: 978-84-17445-18-8.
• Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line.

Ver tamién

• Consulta l'artículu de Wikipedia.

Español

Pronunciación

• [ ˈra.ʝa ]

Sustantivu

femenín singular raya; plural rayas

1. (Ictioloxía) Raya (pexe de la familia Rajiformes).

Referencies

• Diccionario de la Real Academia Española; Real Academia Española, 2014, 23ª edición ISBN: 9788467041897. Versión on-line.
• Diccionario General de la Lengua Asturiana; Xosé Lluis García Arias, Editorial Prensa Asturiana, 2002-2004, Uviéu; ISBN: 84-87730-86-8. Versión on-line.