Amiskw
Manawan/Wemotaci
meckotcitaEnko anohwe awesis ka micta kice otamirotc mekwatc e ocitatc oskotim kirika ke wacitc acitc ke wicitc. Tekaci nama nokiw aspinikotc wawotohotaw omictikoma kirika acickiriw ke iti okotitatc taci ke ocitatc omikiwam kirika ka ici kipahiketc cipiciriw. Aniheriw e totak e otamirotc aspin kotc cimatcikapowiw. Ekota mocak e ici pa aitaciketc e ici mitciwonik sipiriw. Misiwe osawisiw aric makatewariw oso kirika osit , mitowi kaie cicip ka icinakonik osit ka otapwiwaketc kecpin e pa matakawaketc. Wec ko wapikon pisimw iti tariwa onitcanica nanikotin tca 4 kekotc 5 taciriwa. Taw amiskw ka wapisitc aric nama mitcetiwok aska tepirak nitawikiw. Mictahi kinowec kata ki kokiw. Mictahi sokinakosiw ote okitc octikwanik ekoni wetci aka cowiskosotc kecpin e tasosotc mictikwa e kowihwatc.
E ici pimatisitc
meckotcitaAspin kotc nipik tacikew. Tante e ici taritci wikwasatikoriw kirika asatiwa, kaie sakihikanik cipicik ekota e taciketc, ekota wetci matisitc. Wewerita ocitaw e ici taciketc acitc oskotim. Oskotimikew sipik, cipicik, e mawotcitatc nipiriw ke taci piponicitc.
- E iti takwakinik
E iti takwakinik, aspin kotc otamiro e kicikarik acitc e tipiskarik e awotatokwetc e mawotcitatc ke mitcik, acitc wewerita e ocitatc owic e awotciwotatc acickiriw wewerita e kiponak owict.itaw otcikanatikw aci kitci piponicitc kipe pipona kitci takonik ke mitcik. E iti cakikaminik, kice amiskw pa aitacikew taci ka ki ici piponicitc. Nanake tca matceatakaw, nakatan ka ki ici taciketc. E pa matakatc rarewak nantowapatam ke mitcik sakihikanik matci kaie cipicik. Ekota e taciketc wicik wir anahwe noceamiskw acitc otamiskocicima. E iti matcekiritci otamiskocicima pamatakahew. Aspin kotc otamiro e kicikarik acitc e tipiskarik e awotatokwetc e mawotcitatc ke mitcik, acitc wewerita e ocitatc owict e awotciwotatc acickiriw wewerita e kiponak owict. Aniheriw e totak e otamirotc aspinkotc cimatcikapowiw. Nanakatcitaw taci e ici taciketc acitc nanakatcitaw oskotim aka kitci packotceacikowinik. Matci ocitaw nicw matci nicto oskotimiriw kitci ekwaminak aka kitci ikasotc taci e ici taciketc. Matcaw, nikatam memacic owic epwamici wewerita piponicitc kecpin e amahakaniwitc kekotc e miramatc aweriw neta. Matcaw memacic nikotaci e ici nta taciketc mekwatc e ocitatc ke ici piponicitc Ekota mocak e ici pa aitaciketc e ici mitcionik sipiriw. Aci matce wirinohitiso e takwakinik aspin kotc e mitcisotc.
- E nipinik
E nipinik, e pa matakatc nanikotin kokiw e nantopekamatc akatimoriw e wi mowatc. Enkweriw niheriw peikw omitcimi e nipinik. Watikaso akamik sakihikanik, cakihikanicicik. Otamipekahakew oso e totak kecpin e kiskeritciketc, e amahakaniwitc kekotc e amatisotc. Aspin kotc pamatakaw. Arotcikotc pa nipaw. Micta pamatisiw nama peikonok tacikew. Warowik pa matakaw, pa nantwapamew ke witcewakanitc tapickotc kitci pa taciketcik kirika tapickotc kitci ocitatcik ke ici piponicitcik.