Pilkotik ke Reigate (suterot)

Pilkotik ke Reigate Pilkotik ke Reigate ( englavon The Adventure of the Reigate Squire ) tir berpotam ke Arthur Conan Doyle taneon sanegayan bak 1893 koe Standard Magazine virda az direilanon koe Namio ke Sherlock Holmes berpotamak. Vildeks Radimida Sherlock Holmes va wavdafa kogrupara remi toloy aksat bak imwugal ke 1887 lujon kobaveyer, pune Watson selaropik karaker enide dositik den Hayter vombik digis va mona mone Reigate koe Surrey gola tildeteson di pir. Moida sin su artlapid, Hayter va toloy palik gu dubiera sure raplekuyuna dene Acton ar pilkotik ke biptaxo givar. Dubieks tid cunkaf is vodiskaf neke va dulapera ke kogrupasik divmodad, beka Watson va Holmes gu dulapera va mana vestafa arienta lameuiver. Wori diregazdon kwokilik ke Hayter vombik radeyeson givar da William Kirwan lakiriremik ke Cunningham turestapik bak miel zo aytayar, viele va raklesik lakolanis va pilkot ke unesik nuve onseyer. Arienta tuzolonawer eke Holmes lonamon di gowir. Yunkexa Konaka yunkexa va berpotam, koe sanegasa virda bak 1893 : Dere rupel Arthur Conan Doyle : Englavaf suterotik ( 1859-1930 ) (en) Pilkotik ke Reigate, dene Wikisource ( xantokrent ) Vuestexa

Pilkotik ke Reigate XANTO Vergumvelt The Adventure of the Reigate Squire Sutesik Arthur Conan Doyle Ava Englava Suterotinda Berpotam Evla 1893 betara teza   Tuveli icde Suteroteem  Tana yunkexa ke taneaf piskuks va berpotam bak 1893