Vasili Grosman

Vasili Grosman

1905-1964

Sovietaf rossiavaf suterotik isu felik

Василий Семёнович Гроссман ( rossiavon ). Radimi vayara va altopelopa koe kotla ke Moskva, vanpir dritik koe Donbas gola, ise mo kid va kawodikafa blira abdi Artowara ke 1917 pimtar, koe berpotam evlon gu 1934. Va int gu seltevafa geltreva martigon soar : va xanta wan zobesa Stalin ostik pasur. Voxen geja va intafa pestalera va TSSS ropplekutur : wal yona forteyafa doaliera is awalkopera va yudeikeem ke Europa, Vasili Grosman va sovietafa geltreva toz witar nume va torkevafa tisila ke Stalin vertuma isu ke Hitler tulanibelcar. Mali 1941 in tir gejadogolesik, tulon bak deblamera va Stalingrad ; gu batcoba va taneaf berpot sanegayan bak 1945 is yoltkiraf gu Stalingrad, yon wiks malsaveter. Va yona ayikafa vrutara va gejagomilara dere kobaver ise remi anamkoyara va relkuca ke Treblinka kosmar. Bata izvafa vordava va grot, Жизнь и судьба ( Bli is bali ), bak 1962, konaritin is kopoutun gan KGB pu int di koswad. Bat tsokapaf berpot va Azilrebava anton arti tolsanda kaiki awalkera ke sutesik remigatar. Kalkotavayan suterot Bli is bali ( Жизнь и судьба ), kalkot- 2008 gan Mixail Kostov, Wikikrenteem, telo nuyanevaxo suterotxo, banliz

Vasili Grosman  Koblira  29/11/1905,  Berditcev, refa Ukraina  Awalkera  14/09/1964,  Moskva, Rossia  Vedeyot  Sovietaf  Ava  Rossiava  Suterind  Berpot   Suterot  Глюкауф, 1934 Степан Кольчугин, 1947 Народ бессмертен, 1942 Сталинград, 1943 Годы войны, 1945 За правое дело, 1954 Повести, рассказы, 1958 Старый учитель, 1962 Добро вам!, 1967 Всё течёт…, 1970 Жизнь и судьба, 1980   Tuveli icde Suteroteem