Wekixol (Dugong dugon)

Wekixol Dugong dugon
blisa katca / sulem
giltafa pulara
Bliind	Animalia
Dansok	Chordata
Volveydansok	Vertebrata
Pula	Mammalia
Volveypula	Theria
Tolvolveypula	Eutheria
Veem	Sirenia
Yasa	Dugongidae
Volveyyasa	Dugonginae
oxi
Dugong
Lacépède, 1799
katca
Dugong dugon
Müller, 1776 kira Abrotce   300 - 360 cm- Aldo cugon 500 kg- Ault - Sinka lavaruxa
Tuveli icde Sulemopa

Wekixol (Dugong dugon) tir tana katca ke Dugong oxi vey Dugongidae yasa ( Dugonginae volveyyasa ) ke SIRENIA veem.

Gan Müller bak 1776 taneon zo pimtayar.

Pimtara

Granafo alto ke bat gombalaf birasulem van irigakoraf is zidon azekaf ault tugemawer. Wekixol va pwertapaf is reltapaf kutceem zanudas va ebidura va gimalestuna lavaruxa sodir. Va ruxa moe dambaf ludev poke krimta muler. Milgaf katcolk va sinka vas 30 ik 40 kg- vieleon olegar.

Wekixolye va toloya sebada milafa gu talgava ostik sodir. Ant ok tolongon ok lospamon gilanir, gubeon mielon kaaneyason va sinka.

Wekixolya va tanoy oc arti ocagera vas 13 ok 14 aksat sonazbar.

Bata katca tir griawisa kire ta intafa atela isu sum isu punta isu alma jontikedje al zo tcabaner. Batugale le 40000 katcolk anton ware tid. Wekixol kali persanda roblir.

• 
  Jadifa kerdela
• 
  Adalaf ault
• 
  Gexata

Vexala dem apteem

Sedme Mammal Species of the World (siatos ke 2005), bata katca tir aptiskafa.

Pulasa vuestexa is xantaza

• (en) vuest- : Mammal Species of the World (v- 3, 2005) : Dugong dugon (Müller, 1776)
• (en) vuest- : CITES : Dugong dugon
• (en) vuest- : UICN : katca Dugong dugon (Müller, 1776)
• (en, fr) vuest- : ITIS : Dugong dugon (Müller, 1776)
• (en) vuest- : Tree of Life Web Project : Dugong dugon
• (en) vuest- : Catalogue of Life : Dugong dugon (Müller, 1776)
• (en) vuest- : Paleobiology Database : Dugong dugon (Müller, 1776)
• (en) vuest- : Animal Diversity Web : Dugong dugon
• (en) vuest- : NCBI : Dugong dugon

Ara vuestexa

• Wekixol (Dugong dugon) dene Wikispecies

Kotavafa vuestesa xantaza

• Kotava winugaf moukolaf ravlemak (Kotava, Latinava, 2019)