Aleksandr Rıbak
Aleksandr İqoreviç Rıbak (belar. Аляксандр Ігаравіч Рыбак; d. 13 may 1986, Minsk, Belorusiya SSR) — Belarus-Norveç müğənnisi, bəstəkarı, skripkaçısı və aktyoru. O, "Fairytale" mahnısı ilə Moskvada keçirilən 2009 Avroviziya Mahnı Müsabiqəsində Norveçi təmsil etmiş və nəticədə 387 xalla ölkəyə müsabiqədə üçüncü qalibiyyətini qazandırmışdır. Avroviziyanın keçmiş səsvermə metodu ilə Rıbakın topladığı səs müsabiqədə rekord göstərici olmuşdur. Onun Fairytales adlı debüt albomu doqquz Avropa ölkəsində Top 20-yə daxil ola bilmiş, Rusiya və Norveçdə isə birincilikdə qərarlaşmışdır. Rıbak 2012 və 2016-cı illərdə Avroviziyada interval aktlarında yer almışdır. O, "That's How You Write a Song" mahnısı ilə Norveçi Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmişdir.
| Aleksandr Rıbak | |
|---|---|
| belar. Аляксандр Рыбак | |
 Rıbak 2014-cü ildə | |
| Ümumi məlumatlar | |
| Doğum adı |
Aleksandr İqoreviç Rıbak belar. Аляксандр Ігаравіч Рыбак |
| Ləqəbi | Alexander Rybak |
| Doğum tarixi | |
| Doğum yeri | Minsk, Belorusiya SSR |
| Vətəndaşlığı |
 Norveç |
| Milliyyəti |
 Belarus |
| Musiqiçi məlumatları | |
| Fəaliyyəti | müğənni, bəstəkar, aktyor |
| Fəaliyyət illəri | 2004–h.h. |
| Janr |
|
| Musiqi aləti | |
| Səs tembri | lirik tenor |
| Albom şirkəti | Universal Music Group |
| Əlaqəsi | Paula Selinq |
| alexanderrybak.com | |
 Vikianbarda əlaqəli mediafayllar | |
Həyatı
redaktəAleksandr Rıbak 13 may 1986-cı ildə Belarusun paytaxtı Minskdə anadan olmuşdur. Onun anası Nataliya Valentinovna Rıbak klassik pianoçu və atası İqor Aleksandroviç Rıbak isə klassik skripkaçıdır. Dörd yaşında ikən Rıbak ailəsi ilə birlikdə Norveçə köçmüşdür. Beş yaşından etibarən o piano və skripkada ifa etməyi öyrənmiş və 10 yaşında Osloda yerləşən musiqi institutuna daxil omuşdur. Avroviziyada qazandığı uğurun ardınca o, təhsilini yarımçıq qoymuş və 2011-ci ildə yenidən instituta geri dönmüşdür. 2012-ci ildə Rıbak təhsilini bakalavr dərəcəsi ilə bitirmişdir.[1][2] O ingilis, rus, norveç, belarus dillərində səlis danışa bilir.
Karyerası
redaktə2004-cü ildə Rıbak İspaniyanın Madrid şəhərində keçirilən ənənəvi mədəniyyət festivalında Viktoriya Rıbak tərəfindən Anders Jahre mədəniyyət mükafatına layiq görülmüşdür.[3] 2005-ci ildə o Norveçin Idol musiqi yarışmasında iştirak etmişdir. 2006-cı ildə isə gənc ifaçı Norveçin Kjempesjansen məharət yarışmasına qatılmış və özünün bəstələdiyi "Foolin" mahnısı ilə yarışmada qələbə qazanmışdır. Daha sonra Rıbak bir neçə tanınmış Norveç sənətçiləri ilə birlikdə əməkdaşlıq etmişdir. 2007-ci ildə o, Oslo Nye Teatrında skripka ilə çıxış etmiş və Hedda Award mükafatına layiq görülmüşdür.
2009 Avroviziya Mahnı Müsabiqəsi
redaktə
2009-cu ildə Aleksandr Rıbak Norveç folk musiqisindən ilhamlanaraq bəstələdiyi "Fairytale" mahnısı ilə Norveçin NRK telekanalının 54-cü Avroviziya Mahnı Müsabiqəsi üçün təşkil etdiyi milli seçim turuna qatılmış və nəticədə böyük səs fərqi ilə bütün rəqiblərini məğlub edərək, ölkəni Moskvada keçirilən müsabiqədə təmsil etmək hüququ qazanmışdır.[4] Mahnı musiqi tənqidçilərindən əsasən müsbət rəylər qazanmış və Avroviziya veb saytlarından birində aparılan sorğuda 71,3% səslə qalib gəlmişdir.
Rıbak mübarizəyə 14 may 2009-cu il tarixdə keçirilən ikinci yarımfinal mərhələsindən qoşulmuş və 19 ölkə təmsilçisi arasından finala vəsiqə qazanmışdır. 16 mayda baş tutan final mərhələsində o ifa etdiyi "Fairytale" mahnısı ilə 387 xal toplayaraq qalib gəlmişdir. Bu göstərici ilə o, 2-ci yerin sahibi olan İslandiya təmsilçisini 169 xal qabaqlayaraq müsabiqə tarixində yeni rekorda imza atmışdır. Avroviziyanın keçmiş səsvermə metodu ilə Rıbakın topladığı 387 xal müsabiqədə rekord göstərici olmuşdur.
Avroviziyadan sonra və debüt albom
redaktə
Avroviziya qələbəsinin ardınca Rıbakın Fairytales adlı debüt albomu işıq üzü görmüşdür. Albom doqquz Avropa ölkəsində Top 20-yə daxil ola bilmiş, Rusiya və Norveçdə isə birincilikdə qərarlaşmışdır. 2010-cu ilin mart ayında təqdim olunan Yohan: The Child Wanderer filmində o Levi rolunu canlandırmışdır. Daha sonra Rıbak Norveçə daha öncə Avroviziyada qələbə qazandıran ifaçı Elizabet Andreassen ilə birlikdə ölkənin müxtəlif şəhərlərində konsert proqramları ilə çıxış etmişdir. O eyni zamanda 2009-cu ildə Frikar rəqs kompaniyası ilə Norveçdə və Avropada turlar həyata keçirmişdir. Həmin ildə Rıbak Osloda baş tutan Nobel sülh mükafatı konsertində digər doqquz ifaçı ilə birlikdə səhnə almışdır. Avroviziya qələbəsinin ardınca Aleksandr Rıbak haqqında sənədli film də çəkilmişdir.[5]
2009-cu ildə o Timur Bekmambetovun rejissorluq etdiyi Чёрная молния filmi üçün "I Don't Believe in Miracles/Superhero" mahnısını yazmışdır.
2010-2011
redaktə
2010-cu ilin yanvar ayında Rıbak "Europe's Skies" adlı yeni sinqlı ilə Finlandiyanın 2010 Avroviziya Mahnı Müsabiqəsi üçün keçirdiyi milli seçim turunda çıxış etmişdir. Mart ayında ifaçı Böyük Britaniyanın Avroviziya milli seçim turunda "Fairytale" mahnısı ilə səhnə almışdır. Aprel ayında onun "Fela Igjen" adlı növbəti sinqlı təqdim olunmuşdur.[6] İyunda ifaçının ikinci studiya albomundan olan ilk sinql "Oah" video klip ilə birlikdə təqdim olunmuşdur. Daha sonra mahnının rus dilində olan versiyası "Strela Amura" təqdim olunmuşdur. Rybakın No Boundaries adlı ikinci studiya albomu 2010-cu ilin iyun ayında işıq üzü görmüşdür. İfaçının ilk albomu kimi uğur qazana bilməsə də, albom Norveçdə 7-ci, İsveçdə 8-ci və Finlandiyada 32-ci yerdə qərarlaşmışdır. 2011-ci ildə Rıbak İsveçin Ulduzlarla rəqs yarışmasında iştirak etmiş və digər isveç ulduzlarını məğlub edərək, yarışmada qələbə qazanmışdır.[7] Həmin ildə onun Visa vid vindens ängar adlı üçüncü studiya albomu satışa buraxılmışdır. 2011-ci ilin dekabr ayında Rıbak Rumıniyanın X Factor musiqi yarışmasına qonaq olmuşdur.[8]
2012-2013
redaktə2012-ci ildə onun "Strela Amura" mahnısı üçün Kiyevdə çəkilmiş video klipi təqdim olunmuşdur. Həmin ilin may ayında Rıbakın Rumıniyaya 2010 Avroviziya Mahnı Müsabiqəsində üçüncü yeri qazandıran ifaçı Paula Selinq ilə birlikdə ifa etdiyi "I'll Show You" mahnısı təqdim olunmuşdur. Mahnı il ərzində Rumıniyada ən çox dinlənilən mahnılardan biri olmuşdur.
2012-ci ilin oktyabr ayında Rıbakın "Leave Me Alone" adlı yeni sinqlı təqdim olunmuşdur. Sinqlın təqdimatından qısa zaman sonra ona çəkilmiş video klip də təqdim olunmuşdur. Noyabr ayında mahnının rus dilində olan versiyası "Dostala" təqdim olunmuşdur. İlin sonunda onun Christmas-tales adlı yeni studiya albomu işıq üzü görmüşdür.
2014-hal-hazırda
redaktə
2014-cü ildə Rıbak How to Train Your Dragon 2 filmi üçün "Into a Fantasy" soundtrekini ifa etmişdir. Həmin ilin oktyabr ayında ifaçı Norveçin NRK telekanalında yayımlanan The Hit televiziya verilişində qonaq olmuş və "What I Long For" mahnısı ilə çıxış etmişdir. 2015-ci ilin yazında isə o Rusiyanın Odin v Odin şousunda iştirak etmişdir. Şouda Rıbak 6-cı yeri qazanaraq, finala keçməməli olsa da, münsiflər heyətinin qərarı ilə ona güzəşt edilmişdir. Finalda Rıbak SMS səsverməsi ilə ikinci yerə layiq görülmüşdür. 2015-ci ilin iyun ayında onun "Kotik" adlı yeni sinqlı Moskvada çəkilmiş video klip ilə birlikdə təqdim olunmuşdur.
2015-ci ilin iyun ayında Rıbakın norveç dilində olan "Blant Fjell" mahnısı təqdim olunmuşdur. Mahnı ifaçının Trolle og den magiske fela albomunda yer almışdır. 2016-cı ildə Rıbak Stokholmda keçirilən 2016 Avroviziya Mahnı Müsabiqəsində interval aktının bir hissəsi kimi səhnə almışdır.
2018-ci ilin yanvar ayında Aleksandr Rıbakın "That's How You Write a Song" mahnısı ilə Norveçin NRK telekanalının 2018 Avroviziya Mahnı Müsabiqəsi üçün təşkil etdiyi milli seçim turunda iştirak edəcəyi öz təsdiqini tapmışdır. Mart ayında baş tutan milli finalda Rıbak həm SMS, həm də münsif səsləri ilə ən çox səs toplayaraq, Norveçi Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmək hüququ qazanmışdır.[9]
Rıbak 10 may tarixində baş tutan müsabiqənin ikinci yarımfinal mərhələsində səhnə almışdır. Nəticədə ifaçı 266 xalla yarımfinalda qalib gələrək, Norveçi Avroviziya finalına yüksəltməyə nail olmuşdur. 26 ölkə təmsilçisinin mübarizə apardığı final mərhələsində mahnısını bir daha ifa edən Rıbak ümumi nəticədə 144 xal toplayaraq, 15-ci yeri tutmuşdur.
Diskoqrafiya
redaktəAlbomlar
redaktə| Albom adı | İl |
|---|---|
| Fairytales | 2009 |
| No Boundaries | 2010 |
| Visa vid vindens ängar | 2011 |
| Christmas Tales | 2012 |
| Trolle og den magiske fela | 2015 |
Sinqllar
redaktə| Mahnı adı | İl |
|---|---|
| "Foolin" | 2006 |
| "Fairytale" | 2009 |
| "Funny Little World" | |
| "Roll with the Wind" | |
| "Ya Ne Veryu v Chudesa" | |
| "Oah" | 2010 |
| "Europe's Skies" | |
| "Fela igjen" | |
| "Skazka" | |
| "Resan till dig" | 2011 |
| "Nebesa Evropy" | |
| "I’ll Show You" (Paula Selinq ilə duet) |
2012 |
| "Leave Me Alone" | |
| "Strela Amura" | |
| "Dostala" | |
| "Presents" | 2013 |
| "Into a Fantasy" | 2014 |
| "What I Long For" | |
| "Kotik" | 2015 |
| "Blant fjell" | |
| "I Came to Love You" | 2016 |
| "Люблю тебя как раньше" | |
| "5 to 7 Years" | |
| "Return" | |
| "Foolin'" | |
| "Fever" | 2017 |
| "Til Julie" | |
| "That's How You Write a Song" | 2018 |
Filmoqrafiya
redaktə| İl | Film | Rol | Qeyd |
|---|---|---|---|
| 2009 | Fairytale – The Movie | Özü | Avroviziya qələbəsinin ardınca Aleksandr Rıbak haqqında sənədli film |
| 2009 | Some Sunny Night - Live in Lillesand | Ketil Moe | Müzikl |
| 2010 | Yohan: The Child Wanderer | Levi | Film |
| 2010 | How to Train Your Dragon | Hiccup | Cizgi filmi (Norveç dublyajı) |
| 2010 | Mumintrollet - Kometen Kommer | Mumin | Cizgi filmi (Norveç dublyajı) |
| 2014 | How to Train Your Dragon 2 | Hiccup | Cizgi filmi (Norveç dublyajı) |
Həmçinin bax
redaktəİstinadlar
redaktə- ↑ "Alexander Rybak Main Stage". The Norwegian Opera and Ballet. 21 may 2009 tarixində arxivləşdirilib. İstifadə tarixi: 21 may 2009.
- ↑ "Rybak ble stor stjerne" (norveçcə). Norveç: TV 2. 14 may 2009. 21 may 2009 tarixində arxivləşdirilib. İstifadə tarixi: 21 may 2009.
- ↑ "Anders Jahres Humanitære Stiftelse - Pressemeldinger | sandefjord | skipsreder | vestfold | prisvinnere". 2009-03-04. 4 mart 2009 tarixində orijinalından arxivləşdirilib. İstifadə tarixi: 2015-11-21.
- ↑ "Norway: Alexander Rybak to Eurovision". Esctoday.com. 24 fevral 2009 tarixində orijinalından arxivləşdirilib. İstifadə tarixi: 18 sentyabr 2010.
- ↑ "Fairytale, the movie available on DVD". Esctoday.com. 7 dekabr 2009 tarixində orijinalından arxivləşdirilib. İstifadə tarixi: 18 sentyabr 2010.
- ↑ "Twitter / Alexander Rybak: Ladies and gentlemen: Alex". Twitter. 2016-09-10 tarixində arxivləşdirilib. İstifadə tarixi: 18 sentyabr 2010.
- ↑ "De tävlar i Let's dance | Let's Dance | TV | Nöjesbladet | Aftonbladet". Aftonbladet.se. 2011-03-19 tarixində arxivləşdirilib. İstifadə tarixi: 9 avqust 2012.
- ↑ "VIDEO! Alexander Rybak - show incendiar pe scena X Factor!" (rumınca). Antena 1. 11 dekabr 2011. 2020-05-28 tarixində arxivləşdirilib. İstifadə tarixi: 2018-03-11.
- ↑ "Alexander Rybak wins Melodi Grand Prix 2018 with That's How You Write a Song". wiwibloggs.com. Wiwibloggs. 10 mart 2018. 2020-08-12 tarixində arxivləşdirilib. İstifadə tarixi: 2018-03-11.
Xarici keçidlər
redaktə
|}
Əvvəlki: Dima Bilan "Believe" |
Avroviziya Mahnı Müsabiqəsi qalibi 2009 |
Sonrakı: Lena Meyer-Landrut "Satellite" |
| Əvvəlki: Maria Hökaas Storenq "Hold On Be Strong" |
Norveç Avroviziya Mahnı Müsabiqəsində  2009 |
Sonrakı: Didrik Solli-Tangen "My Heart Is Yours" |
| Əvvəlki: JOWST "Grab the Moment" |
Norveç Avroviziya Mahnı Müsabiqəsində 2018 |
Sonrakı: KEiiNO "Spirit in the Sky" |
 | |
|---|---|
| 1950-ci illər | |
| 1960-cı illər | |
| 1970-ci illər | Dana • Severin • Viki Leandros • Ann-Mari David • ABBA • Teach-In • Brotherhood of Man • Mari Miriam • İzhar Koen və Alphabeta • Qali Atari və Milk and Honey |
| 1980-ci illər | Conni Loqan • Bucks Fizz • Nikol • Korin Erme • Herreys • Bobbysocks • Sandra Kim • Conni Loqan • Selin Dion • Riva |
| 1990-cı illər | |
| 2000-ci illər | Olsen Brothers • Tanel Padar, Deyv Benton və 2XL • Meri N • Sertab Erener • Ruslana • Elena Paparizu • Lordi • Mariya Şerifoviç • Dima Bilan • Aleksandr Rıbak |
| 2010-cu illər | |
| 2020-ci illər | |