Fəxrəddin Miralayev
Fəxrəddin Miralayev (14 mart 1951, Qazax – 18 dekabr 2024, Bakı) — Nazirlər Kabineti yanında Tarix və Mədəniyyət Abidələrin Mühafizəsi və Bərpası Komitəsinin sədri (1992–2000), Beynəlxalq Memarlıq Akademiyasının Moskva bölməsinin professoru.[1] Azərbaycan Respublikasının Əməkdar memarı.
| Fəxrəddin Miralayev | |
|---|---|
| Fəxrəddin Böyük oğlu Miralayev | |
| Şəxsi məlumatlar | |
| Doğum tarixi | 14 mart 1951 |
| Doğum yeri | |
| Vəfat tarixi | 18 dekabr 2024 (73 yaşında) |
| Vəfat yeri | Bakı, Azərbaycan |
| Dəfn yeri | Yasamal qəbiristanlığı |
| Vətəndaşlığı |
 Azərbaycan |
| Təhsili | |
| Fəaliyyəti | memar |
|
|
|
| Təltifləri |
  |
Həyat və Fəaliyyəti
redaktəFəxrəddin Böyük oğlu Miralayev 14 mart 1951-ci ildə Qazax şəhərində anadan olub. 1968–1974-cü illərdə Azərbaycan Texniki Universitetidə (Azərbaycan Politexnik institutu) təhsil alıb. 1975–1982 Azərbaycan Respublikası Mədəniyyət və Turizm Nazirliyinin Bərpa idarəsində memar, 1983–1992 "Bərpaçı" Baş idarəsində memar, 1992–2000 Nazirlər Kabineti yanında Tarix və Mədəniyyət Abidələrin Mühafizəsi və Bərpası Komitəsinin sədri vəzifəsində işləyib. 2001–2002 Azərbaycan Respublikası Mədəniyyət və Turizm Nazirliyinin Memarlıq abidələrinin bərpası və mühafizəsi Komitəsinin Baş idarəsinin rəisi vəzifəsinə təyin olunub. 2003–2015 "Azərbərpa" Elmi-Tədqiqat layihə institutunda baş memar vəzifəsində çalışıb. 100-ə yaxın bina layihələrinin müəllifidir. Opera və Balet Teatrının bərpası, Bibi Heybət məscidi, Buzovnada Cümə məscidi, "ÜNS" teatrı (O. Səttarovla birgə), Fəxri Xiyabanın (R. Əliyevlə birgə) və Şəhidlər Xiyabanının rekonstruksiyası, Gəncədə İmamzadə Dini-memorial kompleksi, Qala kəndində Açıq səma altında Muzey, İçəri Şəhərin qala divarlarının bərpası, İqtisad Universitetinin və ətrafının regenerasiyası,[2] Nəsimi meydanında yeraltı qaraj və mağaza (S. Salamzadə ilə birgə), Zərifə Əliyeva, Fizuli və Heydər Əliyev prospektlərində yerləşən binaların layihəsinin müəllifidir. S. Vurğun, H. Cavid və Sahil bağlarının rekonstruksiyası, Bəhram Gurun heykəlinin ətrafı, Ağ fontan, Lazerli fontan, Göygöl şəhərində Bayraq meydanı və muzeyi, Göyçay şəhərində Yeni Azərbaycan Partiyasının binası, Moskva şəhərində "Bakı" restoranı, Budapeşt şəhərində 7 mərtəbəli binanın bərpa layihələri üzərində çalışıb. 20 elmi məqalənin müəllifidir. Üçüncü Bakı Beynəlxalq Memarlıq müsabiqəsində "Memarlıq sahəsində ən yaxşı jurnalist işi və tənqid" nominasiyası üzrə "Azərbaycanın bilinməyən memarlığı"əsərınə gör I dərəcəli diplomla təltif olunub (2017). Azərbaycanın Əməkdar memarı (2017). Beynəlxalq Memarlıq Akademiyasının Moskva bölməsinin professorudur (2020). 18 dekabr 2024-cü ildə vəfat edib.[3]
Mükafatları
redaktə- 1983-cü ildə HUMA-2000 Beynəlxalq
Müsabiqəsində bürünc mükafata layiq görülmüşdür.
- 1984-cü ildə Azərbaycan SSR-nin
Lenin Komsomolu Mükafatına layiq görülüb.
- 2016-cı ildə "Ustad Memar" sertifikatı ilə təltif olunub.
- 2021-ci ildə Azərbaycan
Memarlar İttifaqı tərəfindən "Çoxillik yaradıcılıq fəaliyyətinə görə" Fəxri Fərmanlarla təltif olunub.[4]
İstinadlar
redaktə- ↑ "MİRALAYEV Fəxrəddin Böyük oğlu".
- ↑ Yol, Bizim. "Azərbaycan memarlarına fəxri ad verilib". Bizim Yol.
- ↑ "Azərbaycanın Əməkdar memarı Fəxrəddin Böyük oğlu Miralayev vəfat edib". musavat.com.
- ↑ "Fəxrəddin Miralayevə Prezidentin fərdi təqaüdü veriləcək » Reyting.az". Reyting.az.