Hüseyn Nəcəfov

Hüseyn Nəcəfov
Hüseyn Nəcəfov
Azərbaycan Kommunist Partiyası Naxçıvan Vilayət Komitəsinin birinci katibi
	oktyabr 1940 – yanvar 1948
Əvvəlki	Kazım İsmayılov
Sonrakı	Yusif Yusifov
Azərbaycan SSR meşə və kağız sənayesi naziri
	6 mart 1950 – 20 sentyabr 1950
Sonrakı	Rza İsmayılov
Azərbaycan SSR meşə sənayesi naziri
	28 yanvar 1948 – 6 mart 1950
Əvvəlki	Rza İsmayılov
Şəxsi məlumatlar
Doğum tarixi	1 yanvar 1907
Doğum yeri	Kolanlı, İrəvan qəzası, İrəvan quberniyası, Rusiya imperiyası;
Vəfat tarixi	16 iyul 1967 (60 yaşında)
Vəfat yeri	Bakı, Azərbaycan SSR, SSRİ;
Dəfn yeri	Fəxri Xiyaban;
Partiya	Sovet İttifaqı Kommunist Partiyası (1928–1967);
Təhsili	Yakov Sverdlov adına Kommunist Universiteti[d] (–1937);
Fəaliyyəti	siyasətçi
Təltifləri

Hüseyn Hümmət (Hümbət) oğlu Nəcəfov (Nəcəfbəyli) (1 yanvar 1907, Kolanlı, İrəvan qəzası – 16 iyul 1967, Bakı) — Azərbaycan partiya və dövlət xadimi, Azərbaycan KP-nın Naxçıvan Vilayət Komitəsinin birinci katibi (1940–1948), Azərbaycan SSR meşə və kağız sənayesi naziri (1948–1950).

Həyatı

Hüseyn Nəcəfov 1907-ci ildə İrəvan quberniyasının Kolanlı kəndində yoxsul kəndli ailəsində anadan olmuşdur. 19 yaşında olarkən Gəncəyə köçmüş və toxucu-əyirici fabrikində fəhləlik etmişdir. 1928-ci ildə ÜİK(b)P (Sov.İKP) üzvlüyünə qəbul edilmiş, bir qədər sonra fabrikin həmkarlar ittifaqının katibi seçilmişdir.^[1]

1930-cu ildən Azərbaycan LKGİ Gəncə Şəhər Komitəsinin üzvü, sonra isə katibi seçilmiş, Azərbaycan LKGİ Mərkəzi Komitəsinin mədəni-maarif şöbəsinin müdiri olmuşdur. 1933-cü ildə Kommunist Partiyasının çağırışı ilə MTS-lər yanında yaradılan siyasi şöbələrdən birində işləməyə getmişdir. 1934-cü ilədək Naxçıvanın maşın-traktor stansiyalarından birində siyasi şöbənin rəisinin müavini işləmişdir. 1937-ci ildən Azərbaycan Kommunist Partiyası Bakı Şəhər Komitəsinin partiya kadrları şöbəsinin müdiri olmuşdur.^[1]^[2] 1939-cu ildə Azərbaycan LKGİ MK-nın birinci katibi seçilmiş, 1940–1948-ci illərdə Azərbaycan Kommunist Partiyası Naxçıvan Vilayət Komitəsinin birinci katibi işləmişdir. 1948-ci ildən Azərbaycan SSR meşə sənayesi naziri olmuşdur.^[3]^[4]

Hüseyn Nəcəfov 1937-ci ildə ÜİK(b)P MK yanında Yakov Sverdlov adına Ali Təbliğatçılar Məktəbini bitirmişdir. O, SSRİ Ali Sovetinin (2-ci çağırış) və Azərbaycan SSR Ali Sovetinin^[3] və Naxçıvan MSSR Ali Sovetinin (2-ci çağırış)^[2] deputatı seçilmişdir. 1950-ci ilədək Azərbaycan Kommunist Partiyası Mərkəzi Komitəsinin üzvlüyünə namizəd olmuşdur.^[1]

Hüseyn Nəcəfov 1967-ci ildə Bakıda vəfat etmişdir.^[3]

Təltifləri

"Lenin" ordeni — 25 fevral 1946
"Qırmızı əmək bayrağı" ordeni — 27 aprel 1940
2-ci dərəcəli "Vətən müharibəsi" ordeni — 1 fevral 1945
"Qırmızı Ulduz" ordeni — 1945
"Qafqazın müdafiəsinə görə" medalı — 1944
"1941-1945-ci illər Böyük Vətən müharibəsində rəşadətli əməyə görə" medalı

İstinadlar

↑ ¹ ² ³ Һ. Һ. Нәҹәфов // Коммунист. № 167 (13555). 18 ијул 1967-ҹи ил. С. 4.
↑ ¹ ² Nəcəfov Hüseyn Hümbət oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 50–51.
↑ ¹ ² ³ Nəcəfov Hüseyn Hümmət oğlu // Fəxri Xiyaban. Bakı: Heydər Əliyev Fondu. 2007. səh. 166.
↑ "Наджафов Гусейн Гумбат оглы". knowbysight.info (rus). Справочник по истории Коммунистической партии и Советского Союза 1898–1991. 15 noyabr 2021 tarixində arxivləşdirilib. İstifadə tarixi: 15 noyabr 2021.

Xarici keçidlər

"Huseyn H. Najafov" (ingilis). Find a Grave. 14 dekabr 2021 tarixində arxivləşdirilib. İstifadə tarixi: 14 dekabr 2021.

Həmçinin bax

[kom67-1] ¹ ² ³ Һ. Һ. Нәҹәфов // Коммунист. № 167 (13555). 18 ијул 1967-ҹи ил. С. 4.

[nst-2] ¹ ² Nəcəfov Hüseyn Hümbət oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 50–51.

[fx-3] ¹ ² ³ Nəcəfov Hüseyn Hümmət oğlu // Fəxri Xiyaban. Bakı: Heydər Əliyev Fondu. 2007. səh. 166.

[know-4] "Наджафов Гусейн Гумбат оглы". knowbysight.info (rus). Справочник по истории Коммунистической партии и Советского Союза 1898–1991. 15 noyabr 2021 tarixində arxivləşdirilib. İstifadə tarixi: 15 noyabr 2021.

[1]

[2]

[3]

[4]