Keri Qrant
Keri Qrant (ing. Cary Grant; əsl adı Arçibald Aleksandr Liç; 18 yanvar 1904[1][2][…], Bristol, Birləşmiş Krallıq – 29 noyabr 1986[2][3][…], Davenport[d], Ayova) — ABŞ və Böyük Britaniya aktyoru.
| Keri Qrant | |
|---|---|
| ing. Cary Grant | |
 | |
| Doğum adı | Arçibald Aleksandr Liç |
| Digər adı | Arçi Liç |
| Doğum tarixi | |
| Doğum yeri |
Bristol,  Böyük Britaniya |
| Vəfat tarixi | (82 yaşında) |
| Vəfat yeri | Davenport, Ayova, ABŞ |
| Vəfat səbəbi | insult |
| Həyat yoldaşı |
Virciniya Çerrill Betsi Dreyk Dayan Kennon Barbara Hatton Barbara Harris |
| Fəaliyyəti | aktyor |
| Fəaliyyət illəri | 1932-1966 |
| Boyu | 184 sm |
| Mükafatları | Fəxri "Oskar" (1970) |
| IMDb | ID0000026 |
 |
|
| legendarycarygrant.com | |
 Vikianbarda əlaqəli mediafayllar | |
Həyatı
redaktəArçibald Aleksandr Liç (Keri Qrant) 18 yanvar 1904-cü ildə Bristol adlanan ingilis şəhəri yaxınlığında anadan olmuşdur. Buna baxmayaraq, onun bütün fəaliyyəti Hollivudla bağlı olmuşdur. Yeniyetmə vaxtı o, avara akrobat truppasına qəbul olunmuşdur. Tezliklə o, özünəməxsus oyun tərzini təkmilləşdirir.
Arçibald 1932-ci ildə ilk dəfə olaraq, Hollivuda gəlir. "Paramount Pictures" kino şirkətinin sahibləri onun üçün məhz burada "Keri Qrant" kimi səslənən səhnə təxəllüsünü fikirləşirlər. Bu, ona potensial rəqib hesab olunan Qeri Kuperin adının dəqiq olmayan anaqramı idi. Şöhrət Keri Qrantı tamamilə təsadüf nəticəsində tapır. Belə ki, kinoulduz Mey Vest "Onunla düz rəftar etmirdi" (1933) və "Mən mələk deyiləm" (1934) filmlərində məhz Qrantın ona tərəf-müqabil olmasını tələb etmişdi.
1935-ci ildə "Paramount Pictures" kino şirkətilə müqavilənin vaxtı bitir. Aktyor müqaviləni o vaxta qədər misli görünməmiş şərtlərlə bərpa edir. O, rəqib kino şirkətlərilə işləmək və ona verilən rollara şəxsən özünün nəzarət etməsini həyata keçirtdi. Bu sərbəstlik ona gətirib çıxardı ki, heç bir studiya onun "Oskar" qazanmasında maraqlı olmadı. Buna görə də o, hər hansı bir roluna görə heç vaxt bu mükafatı əldə etmədi.
1930-cu illərin sonunda Qrantın çəkildiyi filmləri komediyalar, daha dəqiq desək, farslar təşkil edirdi. 1940-cı ildə o, "Filadelfiya əhvalatı" filmində ən məşhur rollarından birini ifa etdi. Elə həmin illərdə onun Alfred Hiçkokla əməkdaşlığı başlanır. Hiçkok etiraf edirdi ki, ümumiyyətlə aktyorları sevmir və onlara hörmət etmir. Yeganə istisna isə Keri Qrant idi. Onların birgə əməkdaşlığı nəticəsində "Şübhə" (1941), "Axmaq şöhrət" (1946), "Oğrunu tutmaq" (1955), "Şimal-qərbdən şimala" (1959) kimi gözəl filmlər yarandı.
İnanılmaz olsa da, Qrantın cazibəsi və qadınlar arasında olan şöhrəti illər keçdikcə daha da artırdı. Bu səbəbdən hətta 1960-cı illərdə də o, Hollivudun ən çox gəlir əldə edən aktyorlarından idi. O, 5 dəfə evli olsa da, Hollivudda heç vaxt seksual istiqamətdə ona maraq azalmamışdı. Yan Fleminq etiraf edirdi ki, Qrant "Agent 007"nin prototiplərindən biridir. Bu rol ona təklif olunanda, aktyor yaşı ilə əlaqədar imtina etmişdi.
Keri Qrantın sonuncu uğurlu filmləri sırasında aktrisa Odri Hepbernlə çəkildiyi "Şarada" detektiv filminin (1963) və "Get, amma qaçma" filminin (1966) də xüsusi yeri var idi. Bu filmlər ekrana çıxanda Qrant kino fəaliyyətinin başa çatdığını elan etdi. 1970-ci ildə Amerika Kino Akademiyası onu Fəxri "Oskar" mükafatına layiq gördü. Bu mükafat ona "qeyri-adi ustalığına və həmkarların hörmətlə təşəkkürünə" görə təqdim edilmişdi.
Qrant ömrünün son illərini həyatdan təcrid olmuş halda və heç kimə müsahibə vermədən keçirdi. Fərqlilik üçün o, Amerika şəhərləri üzrə vida turu keçirmək qərarına gəlmişdi, lakin 29 noyabr 1986-cı ildə verdiyi konsertlərin birindən sonra insultdan vəfat etmişdir.
Şəxsi həyatı
redaktəKeri Qrant 5 dəfə evli olmuşdur. Onun həyat yoldaşları Virciniya Çerrill, Betsi Dreyk, Dayan Kennon, Barbara Hatton və Barbara Harris olmuşdur. Buna baxmayaraq onun homoseksuallığı haqqında söz-söhbətlər də yayılmışdı. Bu söhbətlərə görə, onun aktyor Rendolf Skottla da əlaqəsi olmuşdu[4].
Filmoqrafiya
redaktə- Filadelfiya əhvalatı (film, 1940) / The Philadelphia Story
- Şarada (film, 1963) / Charade
İstinadlar
redaktə- ↑ Bibliothèque nationale de France BnF identifikatoru (fr.): açıq məlumat platforması. 2011.
- ↑ 1 2 Archibald Alexander Leach // Internet Broadway Database (ing.). 2000.
- ↑ Cary Grant // Internet Broadway Database (ing.). 2000.
- ↑ [Blackwell, Vernon Patterson. From Rags to Bitches: An Autobiography. Los Angeles: General Publishing Group Inc., 1995. ISBN 1-881649-57-1.]
.
Xarici keçidlər
redaktə- Keri Qrant — IMDb səhifəsi
