Where Is My Mind?
Ağlım Haradadır? (ing. Where Is My Mind?) — Amerikalı alternativ rok qrupu Pixies-in mahnısıdır. 1988-ci ildə çıxan debüt albomu Surfer Rosa-nın yeddinci parçası kimi buraxılmışdır. Mahnı 2021-ci ildə Rolling Stone jurnalının "Bütün Zamanların 500 Ən Yaxşı Mahnısı" siyahısında yer almış və 493-cü sırada qərarlaşmışdır.[1]
| Where Is My Mind? | |
|---|---|
| Yayımlanma tarixi | 1988 |
| Janr | alternativ rok, indi-rok |
| Müddət | 226 san. |
Haqqında
redaktəMahnı, Black Francis tərəfindən Massachusetts Amherst Universitetində oxuyarkən yazılıb və Karib dənizində dalğıc olduğu zaman yaşadığı təcrübələrdən ilham alıb. O dalğıclıq edərkən öz gördüklərini belə ifadə edib, "Mənim arxamca qaçan çox kiçik balıqlar var idi. Niyə belə olduğunu bilmirəm? balıqların davranışı haqqında çox şey bilmirəm".[2]
Gitarist Joey Santiago mahnının gitara xəttini tərtib edib. O, öz rolundan belə danışıb: "Bu, əslində, cəhd etdiyim ilk şey idi. Hətta dərhal güclü və cəlbedici səslənən bir tənbəl arpeggio idi."[3]
Tanınması
redaktə1999-cu ildə Fight Club filmində (mahnının son səhnədə səsləndiyi film) yer aldıqdan sonra, mahnı daha geniş bir dinləyici kütləsinə çatdı. 2009-cu ildə Avstraliyanın Triple J radiosunun keçirdiyi "Hottest 100 of All Time" musiqi sorğusunda yarım milyondan çox səs toplayaraq 29-cu yerə layiq görülmüşdür.
All Elite Wrestling-in Orange Cassidy və Best Friends qrupu "Where Is My Mind?" mahnısını yeni giriş teması olaraq 2021-ci ilin mart ayında istifadə etməyə başladı. AEW-nin baş icraçı direktoru Tony Khan, mahnının istifadəsi üçün çoxillik bir müqavilə imzaladı və "AEW-də mahnının hər istifadəsi bizim məzmun kitabxanamızda əbədi yaşayacaq" dedi. 2022-ci ildən etibarən Cassidy "Where Is My Mind?"-ı istifadə etməyi dayandırdı və onun əvəzinə Jefferson Starship-in "Jane" mahnısını seçdi. Lakin Cassidy, 2024-cü ildə yenidən "Where Is My Mind?" mahnısını istifadə etməyə başladı.
İstinadlar
redaktə- ↑ Stone, Rolling. "The 500 Greatest Songs of All Time". Rolling Stone (ingilis). 16 fevral 2024. 2024-08-22 tarixində arxivləşdirilib. İstifadə tarixi: 2024-10-06.
- ↑ "WHERE IS MY MIND? - Pixies". Letras.com (ingilis). 12 iyun 2018. 2024-02-24 tarixində arxivləşdirilib. İstifadə tarixi: 2024-10-06.
- ↑ Beaumont, Mark. "Inside The Cult Of Pixies: Why They're More Than Just A Band". NME (ingilis). 21 sentyabr 2016. 2018-09-07 tarixində arxivləşdirilib. İstifadə tarixi: 2024-10-06.