Awatara
Awatara inggih punika Dewa Wisnu sané nyrewadi ring jagaté. Manut ring ajahan Agama Hindu, awatara pinaka Déwa Wisnu sané mamurti ngarahayuang jagaté saking mala, bencana utawi sengkala. Manut ring Bhagawadgita, silih tunggil kitab suci ring Agama Hindu.
| “ | Yadā yadā hi dharmasya glānir bhavati bhārata abhyutthānam adharmasya tadātmanam srjāmy aham paritrānāya sādhūnām vināśāya ca duskrtām dharma samsthāpanarthāya sambavāmi yuge yuge | ” |
| — Bhagavad-gītā, 4.7-8 | ||
- Artos ipun
- Rikalaning dharma ical tur adharma ngusak-asik jagat
- Rikala punika Brahman jagi mamurti ring jagaté
- Singgih Bharata
- Nyelametang sang sané sujana
- Tur ngrimpung sang sané madué daya corah
- Ngadegang dharma
- Brahman jagi mamurti ring sajeroning yuga
Awatara ring sajeroning ajah-ajahan Agama Hindu makeh kawéntenannyané. Sakewanten sané ketah kauningin punika wantah adasa, sané kabaos Dasa Awatara. Dasa Awatara puniki wantah Dewa Wisnu sané mamurti ring jagaté, minakadi.
1. Matsya Awatara, inggih punika awatara sané marupa ulam ageng, medal ri kala Satya Yuga
2. Kurma Awatara, inggih punika awatara sané marupa empas, medal ri kala Satya Yuga
3. Waraha Awatara, inggih punika awatara sané marupa bawi alas, medal ri kala Satya Yuga
4. Narasimha Awatara, inggih punika awatara sané marupa manusa sané duurnyané marupa singa, medal ri kala Satya Yuga
5. Wamana Awatara, inggih punika awatara sané marupa anak alit, medal ri kala Treta Yuga
6. Parasurama Awatara, inggih punika awatara sang Rama sané makta kapak, medal ri kala Treta Yuga
7. Rama Awatara, inggih punika awatara ksatria, medal ri kala Treta Yuga
8. Kresna Awatara, inggih punika awatara putra Wasudewa, medal ri kala Dwapara Yuga
9. Buddha Awatara, ketah kauningin pangeran Siddharta Gautama, medal ri kala Kali Yuga
10. Kalki Awatara, ketah kabaos sang pamralina, jagi medal ring ungkurin Kali Yuga