Dursasana
Dursasana atau Duhsasana (Déwanagari: दुःशासन; IAST: Duḥśāsana) inggih punika tokoh antagonis ring wiracarita Mahabharata. Dane arine Duryodana, pinaka pamucuk para Korawa, putra Raja Drestarasta sareng Dewi Gandari. Dane kauningin pinaka Korawa nomer kalih saking satus Korawa.
| दुःशासन | |
|---|---|
 Dursasana nyambak Drupadi. Gambar karya Evelyn Paul, 1911. | |
| Tokoh Mahabharata | |
| Wastan | Dursasana |
| Ejaan Déwanagari | दुःशासन |
| Ejaan IAST | Duḥśāsana |
| Kitab pustaka | Mahabharata |
| Saking | Hastinapura, Kerajaan Kuru |
| Genah | Hastinapura |
| Kasta | kesatria |
| Dinasti | Kuru |
| Aji | Dretarastra |
| Biyang | Gandari |
Tokoh puniki ngamolihang peran sane penting ring Sabhaparwa (kitab Mahabharata nomer kalih), sane nyaritayang indik para Pandawa sane majudi sareng satus Korawa. Dropadi, rabin para Pandawa kadadosang budak para Korawa riantukan dane kaanggen toh ring judi punika. Mrasa sampun kadadosang budak, Dursasana pinaka sane nuenang budak lantas mamaksa nagih musbus busanane Drupadi, nanging prasida kaalangin olih Kresna. Punika sane ngranayang Dursasana mamusuh sareng Bima. Pamuputne dane prasida kakalahang olih Bima duk payudhan ageng Kurukshetra, inggih punika rahina ke-16.
Ring pewayangan Jawa, Dursasana madue rabi mawasta Dewi Candramukiwati, tur putra asiki sane kasaktiane luihan bandingang teken dane, mawasta Dursala. Kacaritayang ring wayang Dursala punika awakne gagah, cangkemne linggah tur sombong. Dane taler seneng mlegendahang anak istri tur nyacad anak lian.
Nama Duhsasana mawit saking kruna Sanskerta, inggih punika duh lan śāsana. Kruna Dusśāsana madue arti "meweh kakalahang".