Gunung Batur

Gunung Batur (aksara Bali: gunuŋbatuŕ.) inggih punika silih tunggil gunung sané wénten ring Bali, Indonésia. Gunung punika magenah ring kecamatan Kintamani, kabupatén Bangli. Ring wewidangan Indonésia gunung Batur kabaos kantun aktif. Manut sané kasurat saking dumunan gunung punika sampun makeplug ping 26, saking warsa 1084 ngantos warsa 2005. Durgama sané pinih ageng inggih punika ring tanggal 2 Agustus ngantos 21 Séptémber warsa 1926. Ring sisi kelod kauhnyané wénten danu sané mawasta Danu Batur. Drika wénten pura sané kaaptiang majeng ring Déwi Danu. Yéning tilebin ring sisi pariwisatané, wénten jadma sané majalan ka pucuk gunung Baturé mangda mrasidayang nyingakin endag suryané sané becik tur ngulangunin pisan. Punika taler Danu Batur akéh wisatawan lokal miwah dura negara tur krama Baliné sané nampekin ri tatkala jagi malancaran utawi jagi ngaturang sembah utawi matirta yatra.

Gunung Batur
Gunung Batur miwah danu Batur
Titik pinih duur
Tegeh	1,717 m (5,633 ft)
Rumasuk ring lis	Spesial Ribu
Koordinat	8°14′20″S 115°22′39″E
Géograpi
Gunung Batur Bali
Genah	Kabupatén Bangli, Bali, Indonésia
Géologi
Jenis gunung	Kaldera vulkanis
Letusan pinih untat	1999 nganti 2000

Galeri

• 
  Desa songan ring gunung Batur
• 
  Panorama saking gunung Batur ring Bali, Indonésia
• 
  Gunung Batur
• 
  Danu ring wewidangan Gunung Batur