Pura Taman Ayun
Pura Taman Ayun inggih punika Pura sané wénten ring Kecamatan Mengwi, Kabupatén Badung, Bali. Pura punika sekadi Pura Paibon utawi padarman Raja Mengwi sané kaanggén ngaturang bhakti ring leluhur saking raja-raja. Nika mawinan irika kawangun gedong paibon tur méru-méru sané kaanggén ngaturang bhakti ring para déwa ring krama kerajaan Mengwi antuk nunas karahayuan. Ring warsa 2012 UNESCO ngabaosang indik Pura Taman Ayun kadadosang kepahan saking situs warisan budaya ring jagaté. Sejarahnyané inggih punika Pura Taman Ayun kawangun ring aab ka-17 utawi kakawitin ring 1632, tur kapuputang ring warsa 1634 olih raja Kerajaan Mengwi sané mawasta I Gusti Agung Putu.[1]
 | |
|---|---|
 Paduraksan Pura Taman Ayun | |
 | |
| Inpormasi umum | |
| Tipe | Pura |
| Pakem Undagi | Bali |
| Genah | Mengwi, Badung, Bali |
| Margi | Jl. Ayodya No.10, Mengwi, Mengwi, Badung, Bali 80351 |
| Estimasi puput | Abad ka-17 |
Ritatkala ngawangun kerjaanné punika, Ida kawantu olih undagi saking Banyuwangi sané mawasta Ing Khang Ghoew utawi I Kaco. Pura Taman Ayun dados pura kulawarga antuk Kerajaan Mengwi. Pura puniki kakepah dados tigang kepahan, inggih punika:
- Sané kapertama inggih punika Jaba, ring Jaba punika wénten kolam, jembatan, wantilan tur tugu yéh mancur.
- Sané kaping kalih inggih punika wénten wangunan aling-aling Balé Pengubengan sané kahiasin olih relief Dewata Nawa Sanga, Pura Dalem Bekak tur Balai Kulkul
- Sané kaping tiga inggih punika genah sané paling tegeh tur paling suci, wénten makudang-kudang meru
Katiga kepahan Pura Taman Ayun puniki kadadosang cihna tiga tingkat kosmologi jagaté. Henk Schulte Nordholt nyuratang buku sané mamurda "Negara Mengwi" indik Taman Ayun kabecikang ring warsa 1750 olih undagi sané mawasta Hobin Ho. Pura Taman Ayun wénten ring acara televisi "Around the World in 80 Gardens".
Galéri
uah-
Palinggih ring Taman Ayun warsa 1985 -
Taman Ayun warsa 1998 -
Panorama taman Ayun warsa 1998 -
Palinggih ring Taman Ayun -
Wagian jero pura ring Taman Ayun -
Wagian jaba pura ring Taman Ayun -
Karang Rangda ring Pura Taman Ayun -
Detil karang Rangda ring Pura Taman Ayun
Pustaka
uah- ↑ Indonésia, Perpustakaan Nasional Républik Indonésia / National Library of. "Pura Taman Ayun (Bali) - Kepustakaan Candi". candi.perpusnas.go.id. Diakses tanggal 2019-05-30.