Wawengkon Chūgoku

Wawengkon Chūgoku (中国地方 Chūgoku-chihō) magenah ring sisi kauh saking Pulo Honshū, pulo pinih ageng ring Jepang. Kurna Chūgoku artos ipun "Negara Patengahan", asil saking pawagian saking "Negara Nampek" (近国 Kingoku). "Negara Patengahan miwah "Negara Doh" (遠国 Ongoku), mawit saking doh nyané saking ibu kota Jepang sané riin, Kyoto. Ring basa resmi prasida kanikayang Chugoku mangkin wantah wawengkon patengahan selantang pamargian San'indo miwah San'yodo. Wawengkon puniki prasida kakepah dados makudang préféktur minakadi: Hiroshima, Yamaguchi, Shimané, Tottori. Okayama ketah ngeranjing wawengkon puniki, yadiastun wantah Propinsi Bitchu sané rumasuk wawengkon patengahan, Propinsi Mimasaka miwah Propinsi Bizén, kalih wagian siosan saking Okayama modérn, ngaranjing ring "Negara Nampek". Wawengkon Kyūshū miwah Wawengkon Kansai madampingan sareng Wawengkon Chūgoku.