Wimbakara final Piala Jagat FIFA 1934 inggih punika wimbakara éliminasi tunggal ngelah pamilet 16 tim sané lolos nuju wimbakara. Wimbakara niki kakawitin antuk babak 16 ageng ring tanggal 27 Méi lan kapuputin antuk final ring tanggal 10 Juni 1934. Itali ngamenangang final antuk skor 2–1, ring laga perdana ipun ngamolihang Gelar Piala Jagat.[1]
Brasil – sane wantah nyimpen Carvalho Leite saking skuad sané ngamiletin Piala Jagat édisi sadurungné – kakalahang olih Spanyol ring babak kapertama, sané ngaripta tiga gol. Ring babak kakalih, pemain Spanyol main nyaga raga. Leônidas ngawales agol antuk Brasil, salanturné ipun mawali ngaripta gol malih jebosan, sakéwanten gol punika kaanulir santukan offside. Salanturné, Ricardo Zamora nyelametang penalti saking Waldemar de Brito.[2]
Hungaria ngaripta kalih gol ring galah 31 menit. Nénten je jerih, Mesir punika ngamedalang rasa positip lan nyapihang skor saking kalih gol Abdulrahman Fawzi. Ring babak kakalih, Hungaria main langkung becik tur ngadikté témpo, ngaripta kalih gol malih tur pantes ngalantur nuju prapat final.[2]
Belanda kakaonang tipis olih Swiss. Swiss ngamimpin dumunan saking Leopold Kielholz sané muputang permainan becik saking André Abegglen. Belanda nyapihang skor saking Kick Smit, sané ngentosin tendangan bébas Puck van Heel. Kielholz ngawalikang kaunggulan Swiss sadurung prai saking tendangan jarak doh. Sawusan prai, kaunggulan kawewehin saking gol Abegglen. Belanda langkung ngancem gawang Swiss, ngaripta agol saking tendangan bébas, sakéwanten Swiss parsida ngajaga skor mangda menang.[2]
Tim Italia sané unggul menang aluh pantaraning Amérika Serikat, sané malaga pantaraning Méksiko ring kualifikasi tiga rahina sadurungné. Schiavio ngaripta kalih gol ring babak pertama, silih tunggil ipun maasal saking jarak langkung saking 30 yard. Panampilan becik kiper AS Julius Hjulian nénten ja ngalangin Itali antuk ngaripta pitu gol sadurung peluit utat kasuarayang.[2]
Rumania inggih punika tim sané nénten kaunggulang, sakéwanten ipun unggul sesampun 11 menit saking gol jarak nampek olih Ștefan Dobay. Sesampun Silviu Bindea ngentasin kasempatan antuk ngandayang kaunggulan Rumania, Cékoslowakia ngaripta kalih gol lan kajaga ngantos menang.[2]
Argéntina yakti dados lawat-lawat tim sané dados finalis Piala Jagat 1930. Faktané, ipun ngarauhang lis pangarauh anyar santukan wantah Alfredo Devincenzi lan Arcadio López sané sadurungné kawatesin olih tim. Argéntina mimpin saking tendangan bébas dohné 25 yard olih Ernesto Belis. Tim Swédia langkung becik masekaa gelis nyapihang skor saking Sven Jonasson. Argéntina ngenahang kahébatan nyerang sané ten ketah tur mawali unggul saking upaya individu olih Alberto Galateo. Sakéwanten, tim Swedia sané becik nganggén kaendukkan partahanan Argéntina prasida ngaripta kalih gol sadurung peluit untat kasuarayang tur ngapertahanang kamenangan.[2]
Prancis ngamimpin saking gol Jean Nicolas, sané polih cidera sirah ring pamahbah laga. Austria nyapihang skor ring ambang prai saking gol bintang ipun Matthias Sindelar. Babak kalih mamarginantar, sapunika laga punika dados laga kapertama ring lelintihan Piala Jagat sané kalanturang nuju palantangan galah. Ring palantangan galah, Austria menang lan ngaripta kalih gol sadurung Prancis ngaripta gol kakalih ring menit-menit untat saking titik penalti.[2]
Jerman sané klinis nganggén peluang ipun antuk ngamolihang skor sané nénten ngacihnayang kategtegan pamainan. Bélgia nyineb babak kapertama antuk kaunggulan, sakéwanteen Jerman tampil langkung kuat saking prai lan ngawalikang asil. Edmund Conen ngaripta hat-trick.[2]
Laga sanget katos ngaranayang makakalih tim nénten pasida seken ngenahang kamampuan téknis sané kadruénang. Austria ngamimpin dumunan saking Johann Horvath, sané ngamuputang pagerakan tim sané masekaa becik. Austria ngandayang kaunggulanné ring pamahbah babak kalih. Ten suwé sewusan nika, Hungaria ngawales agol saking penalti santukan Karl Sesta. Laga marérén nganti Hungaria kaicalan kalih pemainné: Imre Markos polih kartu barak lan István Avar cidra. Sesampun nika, Austria tenang ngelantur nuju kamenangan.[2]
Laga kapertama riantara Italia lan Spanyol inggih punika silih tunggil sané pinih kontroversial lan kawarnain oleh makudang kaputusan wasit sané jelé, kautama nyingakin pemain Italia ngelanggar keras majeng kiper Ricardo Zamora. Spanyol unggul dumunan saking Luis Regueiro, sakéwanten kaunggulan ipun nénten je suwé. Itali nyapihang skor ritatkala Giovanni Ferrari ngamargiang rebound, sapunika Zamora kablok olih Schiavio. Asil nyapih niki perlu laga ulang antuk kapuputang.[2]
Sabeh bales ngapingaruhin laga, sané wantah ngenahang akidik paristiwa mabuat ring babak pertama. Ring babak kalih, Ernst Andersson polih cidera sirah, lan Jerman ngamimpin saking Karl Hohmann sauntara nika pemain Swédia nika medal. Hohmann mawali ngaripta gol tiga menit selanturné. Swédia prasida ngawales agol, sakéwanten upaya ipun selanturné ten genep tur Jerman ngelantur nuju semifinal pertama saking akéh semifinal.[2]
Laga ulang kamainang sarahina sesampun laga pertama. Kenyel tur cidera santukan laga pertama ngamaksa Italia lan Spanyol ngamargiang papat lan pitu pagebtosan. Kautama, Zamora sané mapangalaman patut ngicain margi majeng kiper sané durung main Juan José Nogués. Malih acepok, laga niki karusak olih kaputusan wasit sané kontrovérsial. Ring lima menit kapertama, Crisant Bosch sléding olih Eraldo Monzeglio ring kotak penalti. Penalti nénten kaicain, sakéwanten sléding nika ngaranayang Bosch cidera. Tanpa kasedia pemain pagentosan, Spanyol patut ngamargiang sisa laga sareng 10 jadma. Giuseppe Meazza ngaripta gol gelis sesampunné ring indik tendangan bucu. Ring babak kakalih, kalih gol Spanyol kaanulir: asiki santukan offside lan asiki malih santukan palanggaran majeng pemain Spanyol. Wasit, René Mercet, kaskors sesampun wimbakara.[2]
Sabeh bales ngambat parmainan oper-operan Austria taler nguntangang parmainan Itali sané langkung mavariasi. Itali mimpin ritatkala bola léb saking kiper Austria santukan kaganggu Giuseppe Meazza. Bola ngabentur saka lan kaubah dados gol olih Enrique Guaita sané magenah sampurna. Ring babak kalih, upaya Austria antuk nyapihang skor kahalangin olih Gianpiero Combi, lan Itali prasida ngajaga kamenangan.[2]
Laga niki kayutiang dados patarungan gaya parmainan, antuk Cékoslowakia sané langkung téknis pantaraning tim fisik Jerman. Cékoslowakia ngamimpin ring babak kapertama, sakéwanten Jerman nyapihang skor ring babak kalih ritatkala František Plánička ten prasida nahan tembakan enduk saking Rudolf Noack. Gol Jerman ngicain semangat antuk tim Cékoslowakia. Cékoslowakia nganggén kawikanan tur kahebatan panyerangan ipun antuk ngaripta kalih gol saking Oldřich Nejedlý, sané ngamolihang hat-trick.[2]
Makakalih tim ngentosin susunan pemain sekadi ketahné, ngarérénang makudang pemain. Pemain Austria nganggén seragam béru nguda sané ten ketah polih silihan saking Napoli santukan majapluk warnané riantara mamakalih jersey tradisional. Jerman ngamimpin ring galah 25 detik saking gol pinih gelih wimbakara, sané karipta olih Ernst Lehner. Ipun ngandayang kaunggulan antuk Edmund Conen, sakéwanten Austria gelis ngawalesné saking Johann Horvath. Gol katiga Jerman wénten sesampun Karl Sesta mautsaha minguasain bola antuk ngulgul pemain Jerman; bola kapaling olih Conen sané maang umpan silang majeng Lehner. Sesta selanturné ngaripta gol, sakéwanten Jerman ngajaga skor antuk ngamolihang kemenangan.[2]
Itali
Amérika Serikat
Spanyol
Brasil
Austria
Prancis
Hungaria
Mesir
Cékoslowakia
Rumania
Swiss
Belanda
Jerman
Bélgia
Swédia
Argéntina
18', 29', 64'
