Etztolarisch

Etztolarisch oda Ötztalerisch is a tirola, siidboarischa Dialekt. Duach de Obgeschiedenheit vom Etztoi in Tirol is de Sproch do uatimle dahoidn worn und guit ois ane vo de ejtastn Sprochformen vom Siidboarischn.

Etztolarisch wead vo 8.000 bis 15.000 Sprechan gredd. Es is 2010 in de UNESCO-Listn Immaterielles Kulturerbe in Östareich aufgnumma worn.

Dees aissare Etztoi steht a wengal untam Einfluss vom Obainntoi, dees innare unta dem vom Passeia- und Schnalstoi in Siidtirol, wearend im middlan Etztoi da Etztola Dialekt am unspringlichstn konsaviat worn is, eppa da Vokal- und Suibmreichtum vom Friah-Middlboarischn.

Lexik

nuicht → ned wos ischt denn? → Wos isn los? Nale → Oma reasche → schnej Gameza → Gams Nene → Opa Stangger → Heimandln (zan Heidrickan) Foam → Schaum

Dila → Heibodn, Dochbodn Friahaa → easchta Schnitt Gruamat → zwoata Schnitt Boufl → dritta Schnitt Ebe → Weiwal-Schof Drimle → Drimmal, Stickl Omezn → Omoasn Gröschenkliber → Geizhois, Pfennigfuxa

Textbeispui

gehüenooglt... Gedicht vom Hans Haid gehüenooglt orms maadele gehüeschtet schtrauka orms maadele olm sella gehüeschte eppan goor a weag fiebr grantenwossr trinkn oftr wöll wearchte seahn olm sella güete granten drhoamat kimm decht tüe a raschtle hintrn ööfn dinnan margn ischt olles güet sall wöll und nöa bussle drau

'steif gfrorn... (Ibasetzung) 'steif gfrorn orms diandal ghuascht hods 'schtrauka orms diandal imma so a huaschtarei eppa gor a wengal fiaba preislbeawossa dringa nacha woi weast scho segn imma soiche guade preislbean dahoam kimm hea rost di aus hintan ofn do morgn is ois guad jo woi und no a bussal drauf

Heabeispui

• Gedicht gehüenooglt vom Hans Haid im mp3-Format

Schau aa

• Siidboarisch
• Tirolarisch

CD

• Jung und Frisch: Die Earchte. Voiksmusi af Etztolarisch vo am Deandl-Trio. (Heaprobm)

Literatua

• Hans Haid: töet vöer dr töet keemen ischt. Gedichtln im Etztola Dialekt, Buach plus CD. Skarabaeus Valog, Innschbruck 2006. ISBN 3708232054
• Hans Haid et al.: ums darf umha droot. Lieder, Dokumente und Gedichte aus dem Ötztal, 1979 (nua vom Autorn sejm z kriagn)
• Hans Haid: Pflüeg und Furcha. Gedichte in Tiroler Mundart (Ötztal), 1973 (nua vom Autorn sejm z kriagn)

Im Netz

• Ötztaler Wörterbuch
• Österreichische UNESCO Kommission: Ötztaler Mundart (inkl. 3 Heabeispui)
• Ötztal-Archiv (Mit umfangreicha Sammlung zan Etztola Dialekt)