Roud

Roud oda Rood is a Foab.

A rouds, bewaffneds Ampemanschgal.

Liacht vo a Weijnläng vo 600 nm und greßa is roud. Wann de Wejnläng no vui greßa is, no nennd mas Infraroud, des ko as menschliche Auge oba normalaweis nimma seng. A boa Viecha wia Schlonga und Biena kennas oba.

Roud is a Komplementärfoab vo Grea.

Roud ko mit vui assoziiat wern. So is zum Beispui as Bluad roud, weij doda oxidiats Eisn (vulgo Rost) drinnad is. Ausm sejm Grund is ibrigns aa da Mars roud.

Auf Fohna werds heizdog oft mitm Kommunismus in Vabindung brocht, weij d'Sowjetunion des hergnumma hod und Kina des heid no benutzt. Oba aa mitm Sozialismus und genarej mit linke Portein hod Roud zum doa, so hom zum Beispui de SPD und de Linke Roud ois Foab adoptiat.

Aa ois Signolfoab is' wichtig. Wos rouds foit oam normalaweis bessa ins Aug, zumindast wenn de Umgebung ned aa roud is. Desweng san aa de gonzn Stopschuidl roud und des obaste Signoiliachtl bei da Ampe (wann des leicht, deafst ned geh).