Soizach
| Der Artikl is im Dialekt Soizburgarisch gschriem worn. |
| Soizach Salzach | ||
 Soizachtai bei Werfm, im Hintagrund de Hohn Tauan | ||
| Datn | ||
|---|---|---|
| Log | Östareich, Deitschland | |
| Flusssystem | Inn/Doana/Schworzes Mea | |
| Quäin | am Soizachgeia, Kitzbühla Oipm 47° 18′ 0″ N, 12° 6′ 57″ O | |
| Quäinhächn | ~ 2300 m ü. A. | |
| Mindung | bei HoamingKoordinaten: 48° 12′ 29″ N, 12° 55′ 45″ O 48° 12′ 29″ N, 12° 55′ 45″ O | |
| Mindungshächn | 344 m | |
| Hächnuntaschied | uma 1950 m | |
| Läng | 225 km | |
| Eizugsgegnd | 6.700 km²
| |
| Linke Nebnfliss | Saaloch | |
| Rechte Nebnfliss | Lomma | |
| Grousstädt | Soizburg | |
| Middlstädt | St. Johann/Pg., Bischofshofn, Hallein, Burghausn | |
| Gmoana | Brugg/GStr., Schworzoch/Pg., Werfm, Golling, Laufm | |
| Schiffbor | Stod Soizburg (Amadäus Soizburg), Freizeidschiffoahrt (Kajaks, Plättn) | |
D' Soizach (Deitsch: Salzach) is mid 225 km da längste und wossareichste Neemfluss vom Inn in Östareich und Deitschland. D' Soizach is ana vo d' groußn Oipmfliss und entwässat d' östlichn Hohn Tauan noch Noadn hi.
Namensgewung
WerkelnD' Soizach vadonkt wia aa d' Stod Soizburg 'n Namen da Soizschifffoahrt, de bis ins 19. Joahundat auf da Soizach betriem worn is. No 1791 hod da Fluss (Hübner, 1791) „Salza“ (heid da Nam vo am niadaöstareichischn Fluss) ghaassn; no öidane Bezeichnungen san „Iuarum“, „Viarum“ und „Igonta“.
Valauf
WerkelnObwoih a poar Zuafliss länga san, entspringt d' Soizach in Östareich offiziöi in de Kitzbühla Oipm on d' Obhäng vom Soizachgeia (2466 m ü. A.) in runde 2300 m ü. A., in da Näh vo Krimme, neadlich vom Gerlosposs. In da Ortschoft Vurdakrimme vaeinigt sa se mid da Krimmla Ochn, de olladings um meahr ois d' Höiftn länga is.
Im Owalauf fliaßt da Fluss in ana Längsfurchn in West-Ost-Richtung bis Schworzoch/Pg. - ois Grenzn zwischn Owa- und Mittllauf güit d' Grenzn vom Pinzgau und Pongau untahoib vo Lend. A bissl vurher öffnet se noch Noadn hi s Zöia Beggn/Soiföina Beggn, des durch a Toiwossascheidn 'n Zöia See und s Eizugsgebiet vo da Saaloch, am Neemfluss vo da Soizach, trennt. Vo Krimme bis iwa 'n Beginn vom Mittllauf ausse mindn vo Sidn in reglmäßiga Obfoing de Sid-Nord valaufmdn Täla aus 'm Oipmhauptkomm, de durch d' Eitiafung vom Soizachtoi geng Ostn zuanehmend weid iwa 'm Toibodn mindn und mid tiafe Klommen obschliaßn: Kitzlochklomm (Raurisa Toi), Gostoana Klomm (Gostoana Toi), Liachtnstaaklomm (Grossorlatoi).
Bei Schworzoch/St. Veit und St. Johann schwenkt da Mittllauf noch Noadn und weitet se zu am schäna Toibeggn, 'm Pongaua Beggn, in dem neem St. Johann aa Bischofshofn liegt. D' Soizach durchbricht am Poss Luag in da Schlucht vo de Soizachäfm d' neadlichn Koikhochoipm zwischn Hochkänig/Haunggebirg und Tennengebirg.
Im Untalauf valosst d' Soizach d' Oipm in s Soizburga-Freilassinga Beggn, durchfliaßt Än untan Tennengau mid Golling und Hallein und 'm Flochgau mid da Stod Soizburg und Freilassing on da Saaloch. Oschliaßnd durchbricht s d' Laufna Enge bei Owandorf/Laufm, durchstremt s Tittmoninga Beggn und d' Nonnreita Enge und mindt im Beggn vo Üwaoggan, zwischn Burghausn und Braunau om Inn auf ana Hächn vo 344 m ü. NN bei Hoaming in den vo Westen kummandn Inn.
Sie buidt auf etwoa 59 km Läng d' Grenzn zwischn Östareich und Deitschland, und hod a Eizugsgebiet vo runde 6.700 km². Da mittlane Wossaobfluss on da Flussmindung betrogt 250 m³/s.
Im Netz
Werkeln
Commons: Salzach – Sammlung vo Buidl, Videos und Audiodateien- Wossastaunds-Grafik vo Laufm aun da Soizach vom Boarischn Laundesamt für Umwöid
- Datnblattl zur Soizach vom Wossawirtschoftsomt Traustoa
- Hydrologischa Dienst - Wossastaund
- s 100-jaarige Hochwossa am 12. August 2002
- Informazionen zum Saniarungsprojekt
- Kronologie vo da Belostung vo da Soizach durch d' Papiar- und Zöistoffabrik in Hallein
- Modöivasuach zur Rolliarung vo da Grenzstreggn vo da Soizach
- Tauanradlweg vo Krimme nach Possau
- Ausstellung Leemsoda Soizach