Villa Las Estrellas

Villa Las Estrellas (spanisch fia „Sternenstod“) is a chilenischs Dorf a da Presidente Eduardo Frei Montalva-Station auf da King George Insl vor da Antarktischn Hoibinsl. S Dorf ligt am vo Chile beaspruchtn Teil vo da Antarktis. Es is de gressane vo zwoa zivile Siedlunga aufm antarktischn Kontinent nema da argentinischn Esperanza-Station. Am Summa wohnand a da Siedlung um de 150 Leid, am Winda um de 80e rumdum, Kinda wohnand do a.

Villa Las Estrellas
Villa Las Estrellas (Antarktis) Villa Las Estrellas
Koordinaten	62° 12′ S, 58° 58′ W-62.200555555556-58.963888888889
Basisdatn
Stoot	Antarktika
Region	Región de Magallanes y de la Antártica Chilena
Provinz	Provinz Antártica Chilena
Kommune	Antártica
Häh	10 m
Eihwohna	80 (2010)
Gründung	1984

King George Island mid da Frei-Station am Westen vo da Insl.

A da Ortschaft gibts a Grundschui mid zwoa Lehra und eba 15 Schüler, dazua nu a gloane Biacharei und an extrign Kindagoatn. A Bost gibts nochad nu und vo da Chilenischn Luftwaff wiad a Grangahaus bedrim. Da nächste Flughafn is da Teniente R. Marsh Airport.

Villa Las Estrellas bei da Nocht.

Villa Las Estrellas is oana vo de momendan am wichtigstn Gebiete fian Tourismus a da Antarktis. De Touristn weand iba Punta Arenas eigflong.

Mid dera Ortschaft mechad Chile sein Aspruch auf sei Gebiet a da Antarktis vadeitlichn.

Villa Las Estrellas aus da Luft

Klima

Am Schnied lingand de Temparaduan bei −2,4 °C und schwankand undam Joa zwischn −6,3 °C am Winda und 1,4 °C am Summa. Da Niadaschlog ligt am Schnied aufs ganz Joa gseng bei 405 mm.

Im Netz

 Commons: Villa Las Estrellas – Sammlung vo Buidl, Videos und Audiodateien

• Villa Las Estrellas, the Chilean town on Antarctica (englisch)
• Villa Las Estrellas