Wikipedia:Diskussionskuitur

Af dera Seitn stengan Regln vo da Boarischn Wikipedia, wo duach a Moanungsbuid festglegd worn san.

De Diskussionskuitur a da Wikipedia is gånz wichte, daa a Gmoaschoft ned z' grund geet! Grod im virtuöin Raum kå ma dert ned auf Mittl zruckatgraiffa de im Oitog standdepede han. Unsochliche und valetzande Diskussionan håm desweng a da BAR-Wikipedia koan Blotz ned.

De Grundsätz vo da BAR-Wiki han desweng:

Gee oiwai vo guade Obsichtn aus
Blaib sochlich a Dischkrirsaitn vo Artike, do geets umaran Artikeinhoit, ned um åndre Sochan.
As Dischkrirn bzw. Midtailn vo Straidigkaitn "iwer Benitzersaitn" is z' unterlossn - des ghert am Ståmmtisch ågsprocha (oda direkt)
Vamaid a emozionoi gfirde Diskussion; dauernde, auf Personan und/oder vo dem as Vahoitn bezogane, Unsochlichkaitn (Kommentare de ned im Gringstn epps zur Soch/Thema baitrong) a Diskussionan kennan gstricha oda rickgängig gmocht wern.
Moanungsvaschinhaitn de de BAR-Wiki-Gmoaschoft betreffa wern prinzipiöi am Ståmmtisch ågsprocha und ausdischkrirt, ned auf de Dischrirsaitn vo Artike sowia auf Benitzer-Dischkrirsaitn.
Waiderne „ågraiffand wirknde“ Unsochlichkaitn kennan Konsequenzn midsichbringa → schau auf Richtlinien fir Benutzersperrungan.
Unbeleegte Behaptungan, wos åndre ågeet, wern gstricha bzw. rickgängig gmocht. Wånnmaran åndern wos vurwirft, ghärt des aa beleegt/nochgwisn/refarenzirt!
Vawaigert di bittschee ned obsichtlich geeng Dialoge, Lesungsfindungan oder Schlichtungsvasuache.

Schau aa unter

Wikipedia:Wikiquette
Wikiliab (DE-Wikipedia)
Vamittlungsausschuss (DE-Wikipedia)
Kritik-Knigge (DE-Wikipedia)