Ahorn (bei Coburg)

Der Artikl is im Dialekt Westmiddlboarisch (Bayern) gschriem worn.

Ahorn is a Gmoa im obafränkischn Landkroas Coburg. Se liegt am sidlichn Stodrond vo Coburg. Da Noma riaht vo de Ahornbaam her, de friara aufm Gmoagebiet gstondn san.

Woppn	Deitschlandkoatn
	50.23666666666710.951666666667330
Basisdotn
Bundesland:	Bayern
Regiarungsbeziak:	Obafrankn
Landkroas:	Landkroas CoburgVorlage:Infobox Gemeinde in Deutschland/Wartung/Landkreis existiert nicht
Hechn:	330 m ü. NHN
Flächn:	19,83 km2
Eihwohna:	4089 (31. Dez. 2020)
Bevökarungsdichtn:	206 Einwohner je km2
Postleitzoi:	96482
Voawoien:	09561, 09565
Autokennzeichn:	CO, NEC
Gmoaschlissl:	09 4 73 112
Gmoagliedarung:	12 Gmoatei
Address vo da Gmoavawoitung:	Hauptstraße 40 96482 Ahorn
Webseitn:	www.ahorn.de
Buagamoasta:	Martin Finzel (parteilos)
Log vo da Gmoa Ahorn im Landkroas Coburg
Karte

Schloss Ahorn

Eadkund

Ahorn liegt in da Region Obafrankn-West an da Bundesstroß 303 Coburg–Schweinfurt. Es bsteht aus de foigndn Ortstei: Ahorn, Finkenau, Hohenstein, Krebsmuih, Schafhof, Schorkendorf, Triebsdorf, Witzmannsberg, Eicha, Wohlbach, Ziaglhüttn.

Gschicht

Ahorn is easchtmois 1074/75 ois Rodungshöfe in de Waida da Burg Ahorny erwähnt worn. De Entwicklung hängt eng zsam mit da Gschicht vom Schloss Ahorn, des Joachim vo Rosenau noch dem Bauernkriag im Joar 1555 auf de Reste vo a ejdan Burg im Renaissancestil errichten hot lassn. Sei heitigs Aussehen kriagt des Schloß duach de Herrn vo Streitberg im Joar 1621. Im Lauf vo de Joarhunderte hot des Schloß wechselnde Eigntüma: de von Schaumberg, vo Ermreuth, vo Eschenbach, vo Hendrich, vo Baumbach und am End de vo Erffa, de des Schloß no heit bewohnan. Ahorn war Teil vom Amt Ahorn vom Herzogtum Sachsen-Coburg. Es is mit dem Freistaat Coburg noch a Voiksabstimmung und dem darauf foignden Staatsvatrag am 1. Juli 1920 zu Bayern kemma.

Eihwohnaentwicklung

Auf'm Gebiet vo da Gmoa san im Joar 1970 3096, 1987 4262, 2000 4592, 2003 4589 und 2014 4223 Eihwohna zejt worn.

Politik

Gmoarat

Da Gmoarat hot 16 Mitglieda:

• CSU/Biargaverein: 7 Sitz
• SPD/Freie Wähler: 9 Sitz

Buagamoasta

Buagamoasta is Martin Finzel (parteilos), der de Buagamoastawahl am 2. März 2008 ois Kandidat vo SPD und Freien Wählern fia si entscheidn hot kinna.

Woppn

Da Woppnschuid zoagt a Ahornblattl und aa des stilisierte Schloß Ahorn ois Wahrzeichen da Gmoa. De Farben grün und suiber vo Ahornblattl und Schloß deitn dabei auf de Zuaghörigkeit da Gmoa zum friaran Wettiner Herzogtum Sachsen-Coburg hi. Eibettet san Ahornblattl und Schloß in de Farben gold und blau aus'm Woppn da Familie da Freiherrn vo Erffa.

Städtpartnaschoftn

Ahorn untahoit seit 1975 mit der Marktgemeinde Irdning in da Steiermark, Östareich, und aa seit dem Joar 1990 a Städtepartnerschaft mit der Stod Eisfeld in Thüringen.

Ökonomie und Infrastruktur

De Gmoasteiaeinahma warn im Joar 1999 umgrechnet 2.046.000 Euro, davo warn de Gwerbesteiaeinahma (netto) umgrechnet 125.000 Euro.

Wiatschoft mitsamt Land- und Forstwiatschoft

Es hot 1998 im Bereich vo da Land- und Forstwiatschoft 8, im Produzierenden Gwerbe 491 und im Bereich Handel und Vakeah 52 sozialvasicherungspflichtig Bschäftigte am Arbatsort gem. In sunstige Wiatschoftsbereiche warn 337 am Arbatsort Leit sozialvasicherungspflichtig beschäftigt. Beschäftigte am Wohnort warns insgesamt 1632. Im vaarbatenden Gwerbe (und aa Bergbau und Gewinnung vo Stoana und Erdn) hots 5, auf'm Bau 2 Betriebe gem. Außerdem warns im Joar 1999 37 Bauanhöf mit a landwiatschoftlich gnutzten Flächn vo 949 Hektar. Davo warn 722 Hektar Ackaflächn und 227 Hektar Wiesn.

Buidung

Im Joar 1999 ham de foigendn Eirichtunga existiert:

• zwoa Kindagärtn mit 175 Plätz
• a Voiksschui mit 17 Lehra und 338 Schuikinda

Sengswiadigkeitn

Bauwerk

• Schloß Ahorn im Renaissancestil mit runde Ecktürm. Im Innenhof is a achteckiga Treppnturm mit a Wendeltreppn, vo der de Stufen net wia üblich an a Säule befestigt san, sondern an a in Stoa ghaun Spindel. De Konstruktion is oft ois 9. Weltwunder bezeichnet worn. Des Schloß is in Privatbesitz und ko net besichtigt wern.
• De Schloßkira, de baulich mit dem Schloß vabundn is, is aus a gotischn Burgkapelln entstandn. Im Innern befindn si zwoa prachtvolle Epitaphe vo de Herrn vo Streitberg.
• Schloß Hohenstein im Gmoateil Hohenstein

Museum

• Des Gerätemuseum vom Coburger Land is in da friaran Guatsschäferei vom Schloß Ahorn untabracht und zoagt Geräte aus'm bäuerlichen, handwerklichen und friahindustriellen Bereich im friaran Herzogtum Sachsen-Coburg und Gotha, aba aa landwiatschoftliche Geräte aus de letzten 150 Joar.

Kultureinrichtungen

Vraeine

• Freiwillige Feiawehr Ahorn e.V.
• Schorkendorfer Musikanten e.V.
• Sportvereinigung Ahorn 1910 e.V.

Im Netz

 Commons: Ahorn (bei Coburg) – Sammlung vo Buidl, Videos und Audiodateien

• Ahorn (bei Coburg): Woppmgschicht vom Haus der Bayerischen Geschichte

→ Dea Artikl basiad auf ara frein Ibasetzung vom säim Artike in da Wikipedia af deitsch.