Bayern (Menschn)

Bayern (Menschn)
	Boarische Fahna
Sprochn
	Boarisch; Schwebisch-Alemannisch; Frenkisch; Neihouchdeitsch
Religion
	Remisch-katholische Kiach, Katholizismus, Protestantismus

Der Artikl is im Dialekt Mingarisch gschriem worn.

Z'weitanen Bedeitungan vagleich Bayern (Wegweisa).

Mid d'Bayern (boarisch aa Boarn) san d'Stootsbiaga vo da Nazion owa aa d'Oidbayern g'moant. 's modeana Vastendniss vo da boarischn Nazion geat af s'Kinereich Bayern (1806-1918) z'rugga. D'viar Stemm vo den Kinereich san spadastns noch'm Weana Kongress 1814/15 d'boarischn Pfäiza, d'boarischn Frankn, d'boarischn Schwobm u d'Oidbayern. In an engan Si wean unta d'Bayern owa aa oft blouß d'Oidbayern vastandn, d'wo scho dodavua z'Bayern g'heat hom. I den engan Si san d'Oidbayern mehrawenga a ethnolinguistischa Gruppm vom Houchdeitschn oda sidlichn Westgeamanischn, wo schwar mid Esterreich zammhenkt. 33ge is mid da Liquedazion vo d'Oidn Struktuan aa Bayern u d'boarische Stootsbiagaschoft untaganga. Noch 45ge is Bayern na ohn d'Pfäiza un a weng ondasts wida afgrichtt woan. Dodafia wean ois a viarta Stamm d'g'wenganen Oidesterreicha vo da Tschechoslowakei, resp. d'"Sudetndeitschn", z'Bayern midafg'numma. Sprochn u Schreibdialekt vo d'Oidbayern san spezjej Boarisch u seit'm 18. Jh. a boarischs Neihouchdeitsch mid Weatan wia Schupfen, Leicht oda Semmel.