Donaroach

Der Artikl is im Dialekt Obaboarisch gschriem worn.

De Donaroach wor a Baam, dea wos am germanischn God Donar gweihd wor. De Oach wor a Heiligdum vo de Hessn und is in Geismar gstandn, des wo heit a Stodtei von Fritzlar is.

Bonifatius hockt de Donaroach um (Bernhard Rode, 1781)

Da uroide heilige Baam is 723 vom christlichn Eifara und Missionar Bonifatius untam Schutz vo fränkischn Soidotn umghockt worn. Ea woit mit am Baamfreve beweisen, dass de germanischn Gedda mochtlos san. Spada is a, unta andam a deswegn, Eazbischof worn. 755 is a nacha vo heidnischn Friesn easchlogn worn.

Literatua

• Hans Wilhelm Hammerbacher: Die Donar-Eiche: Geschichte eines Heiligtums. Verlag: Orion-Heimreiter, Neiauflog 2002. ISBN 978-3-89093-023-7

Schau aa

• Irminsul
• Yggdrasil
• Maibaam

Im Netz

 Commons: Donaroach – Sammlung vo Buidl, Videos und Audiodateien