Pazifik
Da Pazifik, aa: Pazifische Ozean oda Stuia Ozean gnennd, is da gressde und diafsde Ozean vo da Wejd.
Ea is van Ferdinand Magellan ois "friedle - pazifis" gennd worn, wei da Ozean af seina Roas so stui und ruahig wor. Es gibd owa afn Pazifik recht vui Wind und Stuam.
Da Pazifische Ozean is da gressde vo olle drei Ozeane (Pazifischa Ozean, Atlantischa Ozean, Indischa Ozean) und eastreckd se van Noadn, vo de Aleuten, bis zua Antarktis (Sidpolarmeea) im Sidn, und im Westn de gonze ostasiatische Gstod, de sidostasiatischn Inslgruppn (Indonesien, Papua-Neuguinea) und de Ostgstod vo Australien entlong bis in Ostn, de gsomte Westgstod van Amerikanischn Kontinent entlong.
Insgsomt eareichd a donn a Gsomtowafläch vo 166,24 Milliona km² (mid de Nemmeeare sogoa 181,34 Milliona km²), wos umara 35% vo da gonzn Eadobafläch ausmochd. Owa da Pazifik is ned da gressde sondan a da diafsde Ozean vo da Wejd, und iwahapt bfindd se's diafsde Loch vo da Eadn im Pazifik, des wos da Marianengrobn mid 11.034 Meta Diafn is.
Wiatschoftli gseng is da Pazifische Ozean heit's wichtigsde Gwassa, wei do de gressdn Hondlsvabindunga laffn (Noadamerika - Asien, Asien - Eiropa (iwa'n Panamakanoi), haptsechli ausglesd duach de Position vo de ostasiatischn Stootn ois Billigproduktionslända, oiso ois Lända de wo se ideoi fian Export eingna.
De Insln im Pazifik lossn se genarej in de drei Gebiete: Mikronesien, Polynesien und Melanesien untatein.
Im Netz
Werkeln
Commons: Pazifischa Ozean – Sammlung vo Buidl, Videos und Audiodateien- Pazifik-Informationsstö in Neuendettelsau
- Warum da Stille Ozean eigntlich Lärmenda Ozean hoaßn soit (Seite nicht mehr abrufbar; Suche in Webarchiven) – Im Pazifik hat sich der Hintergrundlärm in den vergangenen vierzig Jahren verzehnfacht
- LA Times special Altered Ocean's (Seite nicht mehr abrufbar; Suche in Webarchiven)
- EPIC Pacific Ocean Data Collection On-line Sammlung vo Beobachtungsdatn
- NOAA In-situ Ocean Data Viewer Ausdruck und Download vo wissnschaftliche Datn
- Kortn vom Südpazifik
- NOAA Ocean Surface Current Analyses – Realtime (OSCAR) Near-realtime Pacific Ocean Surface Currents derived from satellite altimeter and scatterometer data